БОЗ АХТАРЕ МОРО ТАРК ГУФТ. Овозхони маъруф Ҷамшед Исмоилов аз дунё гузашт
ДУШАНБЕ, 16.08.2020/АМИТ «Ховар»/. Боз як ахтари тобон моро тарк гуфт. Ҷамшед Исмоилов, Ҳунарпешаи халқии Тоҷикистон, собиқ муовини Вазири фарҳанги Ҷумҳурии Тоҷикистон, собиқ директори генералии Иттиҳодияи давлатии гурӯҳҳои эҷодӣ ва консертӣ, дӯсти дерин ва вафодори радиои “FM Ховар” имрӯз вафот кард.
Марҳум аз диабети қанд азият мекашид. Ӯ дар беморхонаи “Истиқлол” бистарӣ шуда буд ва имрӯз тақрибан соати 10-и субҳ даргузашт. Ду ҳафта пас ӯ 64-сола мешуд.
Дарвоқеъ, ӯ ситораи дурахшоне дар замин, дар байнамон ва ҳамроҳамон буд, ки моро тарк гуфт ва ба осмонҳо рафт ва бидурахшид. Боз бештар равшантар аз пештар.
Ҷамшед Исмоилов 30 августи соли 1956 дар шаҳри Кӯлоб ба дунё омадааст. Пас аз хатми мактаби миёна, соли 1973 ба Донишкадаи давлатии санъати ба номи Мирзо Турсунзода дар шаҳри Душанбе дохил шудааст.
Исмоилов ҳамчунин соҳиби маълумоти дуюм — филолог буд, ки ин ихтисосро дар ДПТ гирифтааст.
Ӯ дар кумитаҳои комсомолии шаҳрҳои Кӯлоб ва Душанбе кор кардааст. Дар оғози солҳои 90-ум муовини Вазири фарҳанги Тоҷикистон буд.

ДАР АКС: ду сол қабл, дар арафаи Рӯзи Истиқлолият, Ҷамшед Исмоилов бо Фармони Президенти ҶТ бо унвони «Ҳунарпешаи халқии Тоҷикистон” сарфароз гардид.
Ҷамшел Исмоилов аз худ сурудҳои ҷовидона ба мерос мондааст.
Яке аз аввалин сурудҳое, ки ба ӯ дар ҷавонӣ шӯҳрат бахшид, суруди «Аз зери чодарат» буд. Ин суруд то ҳол дар байни сокинони Тоҷикистон маъруф мебошад. Суруди дигари машҳури ӯ «Модари ман» аст, ки дар YouTube тақрибан як миллион тамошобин пайдо кардааст! Боз як суруди ӯро, ки ба дастаи машҳури футболи «Помир» бахшида шудааст ва он як навъ гимни мухлисони футболи кишвар шудааст, наметавон зикр накард.
Ҳунарманд оиладор ва соҳиби чор фарзанд буд: ду писар, ду духтар ва чор набера, ки онҳоро хеле дӯст медошт…
АМИТ «Ховар» ба ҳамаи наздикону пайвандони марҳум таслият изҳор медорад. Мо мутмаинем, ки сурудҳо, хотира ва овози ӯ умрбод бо мо хоҳанд буд. Чунин инсонҳо ҷовидона дар ёдҳо хоҳанд монд.








Дар Бохтар даври вилоятии Озмуни ҷумҳуриявии «Ҳунарманди сол» баргузор шуд
Ҳунармандони тоҷик дар Фестивали сеюми ҷаҳонии фарҳангии Карочӣ иштирок намуданд
Китоби «Забони миллат — ҳастии миллат»-и Президенти Тоҷикистон бо нуҳ забони хориҷӣ тарҷума ва нашр карда шуд
Ҳамкории Осорхонаи миллӣ бо муассисаҳои соҳавии Ҷумҳурии Корея густариш меёбад
Дар шаҳри Хуҷанд Фестивали оши палав ҷамъбаст шуд
Беҳтарин китобҳои тозанашри Тоҷикистон дар намоишгоҳи байналмилалӣ пешниҳод гардид
Дар Қазон масъалаи баргузории Рӯзҳои фарҳанги Тоҷикистон дар Тотористон баррасӣ гардид
Доир ба саҳми таърихии Борбади Марвазӣ конфронси байналмилалӣ баргузор мешавад
«ДОИРАБАЗМ». Дар Душанбе даври ниҳоии Озмуни ҷумҳуриявии созҳои зарбӣ баргузор мешавад
Нахустнамоиши филми муштараки Тоҷикистону Узбекистон «Дурахши ахтарон: Ҷомӣ ва Навоӣ» баргузор шуд
«ДОСТОНИ ДУШАНБЕ». Китоби нави Шоири халқии Тоҷикистон Давлат Сафар рӯнамоӣ гардид
Дар Файзобод нимпайкараи шоири муосири тоҷик Бозор Собир гузошта шуд






