ОНЛАЙН — ОЛИМПИАДАИ ҶАҲОНИИ ШОҲМОТ. Дастаи мунтахаби Тоҷикистон натавонист ба плей-офф роҳ ёбад ва дар марҳилаи интихобӣ мақоми 4-умро касб кард
ДУШАНБЕ, 29.08.2020 АМИТ «Ховар» /. Марҳилаи интихобии Онлайн — олимпиадаи ҷаҳонии шоҳмот ба поён расид. Тибқи натиҷаҳои бозиҳои интихобӣ дастаи мунтахаби Тоҷикистон натавонист ба плей-офф роҳ ёбад ва дар гурӯҳи худ (гуруҳи сеюм) мақоми 4-умро ишғол намуд.
Умуман, дар Олимпиада 163 дастаи мунтахаб иштирок намуданд. Бозиҳо то 30 август идома меёбанд. Ҳар як дастаи онлайнро шаш нафар шатранҷбозон — се мард ва се зан ва шумораи баробари ивазкунандагон муаррифӣ мекунанд. Инчунин, ба ҳайати даста бояд як писар ва як духтари то 20-сола шомил бошад.
Бозиҳо дар платформаи ҷаҳонии онлайн Chess.com баргузор мешаванд.
Тоҷикистон дар дивизиони сеюм бозӣ мекард. Ба ҳайати дастаи мунтахаб Ҷамшед Исоев (капитан), Муҳаммад Ҳусейнхӯҷаев, Надежда Антонова, Мутриба Ҳотамӣ, Ҷалолиддин Икромӣ, Сабрина Абророва, Алишер Каримов, Мустафохӯҷа Ҳусейнхӯҷаев, Марвори Насриддинзода, Сарвиноз Каримова, Меҳриддин Шарифов ва Рухшона Саидова шомиланд.
Дастаи мунтахаби Тоҷикистон мусобиқаро 5 август шурӯъ карда, нӯҳ бозӣ анҷом дод.
Шоҳмотбозони Тоҷикистон бозии аввалро бо Португалия бо ҳисоби мусовӣ — 3: 3 ба итмом расондапнд. Дар ду бозии дигар бозингарони дастаи Тоҷикистон шоҳмотбозони Ботсванаро бо ҳисоби 6: 0 ва Тайбэйи Чинро ьбо ҳисоби 4: 2 мағлуб карданд. Сипас шоҳмотбозони тоҷик вохӯриро бо дастаи Шри-Ланка бо ҳисоби 2: 4 бохта, бар шоҳмотбозони Нигерия бо ҳисоби 6: 0 ғолиб омаданд. Шоҳмотбозони Тоҷикистон бозиро бо шоҳмотбозони Шотландия 3: 3 мусовӣ (3: 3) анҷом дода, сипас бо ҳисоби 5:1 бар Амороти Муттаҳидаи Араб ва Ангола ғолиб омаданд
Президенти Федератсияи байналмилалии шоҳмот Аркадий Дворкович дар мусоҳиба бо «Sputnik Тоҷикистон» ба иштироки дастаи мунтахаби Тоҷикистон дар мусобиқаи байналмилалии «Аввалин онлайн олимпиадаи ҷаҳони FIDE» баҳои баланд дод. Дворкович, аз ҷумла зикр намуд, ки бо иштирок дар Олимпиада шоҳмотбозони тоҷик, бахусус ҷавонон таҷрибаи бесобиқа аз худ мекунанд.
Маросими гусели ҳайати дастаи мунтахаби паралимпии мамлакат ба Бозиҳои V Параосиёӣ баргузор гардид
Иштирокдорони Бозиҳои 20-уми Осиёӣ—2026-ро дар Фурудгоҳи байналмилалии Душанбе истиқбол гирифтанд
Дастаи мунтахаби Тоҷикистон дар бозии дӯстона бар тими миллии Чин пирӯз шуд
Имрӯз дастаи мунтахаби Тоҷикистон оид ба футбол бо дастаи мунтахаби Чин бозии дӯстона анҷом медиҳад
ҶОМИ ОСИЁ-2027. Дастаи мунтахаби духтаронаи Тоҷикистон (U-17) бо тими Урдун мусовӣ бозӣ кард
Дар Сафорати Тоҷикистон дар Салтанати Умон бо дастаи мунтахаби олимпии футболи Тоҷикистон вохӯрӣ доир шуд
Дар Ҷамоати деҳоти Роҳатии ноҳияи Рӯдакӣ иншооти нави таълимию варзишӣ ба истифода дода шуданд
Дар вилояти Хатлон беш аз 40 мактаби варзишӣ фаъолият дорад
Дастаи мунтахаби наврасони Тоҷикистон (U-17) бо дастаи Русия бозии дӯстона анҷом медиҳад
ФУТБОЛ. Дастаи мунтахаби Тоҷикистон омодагиро ба бозӣ бо мунтахаби Чин оғоз намуд
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Умон ду бозии дӯстона анҷом медиҳад
Дар ноҳияи Мурғоб майдончаҳои нави варзишӣ ба истифода дода шуданд
