Роҳбари СУТ мегӯяд, ки пандемия ба солимии рӯҳии миллионҳо одамон асар кардааст
ДУШАНБЕ, 28.08.2020 /АМИТ «Ховар»/. Пандемия бемориест, ки сабаби он коронавируси нав мебошад ва ба солимии рӯҳии миллионҳо одамон асар намудааст. Дар ин бора дар як брифинг дар Женева рӯзи панҷшанбе, 27 август директори генералии СУТ Тедрос Аданом Гебрейесус изҳор намудааст, хабар медиҳад АМИТ «Ховар» бо истинод ба хадамоти матбуотии ин созмон.
«COVID-19 (беморие, ки ба асари коронавируси нав зуҳур менамояд — шарҳи ТАСС) ба солимии рӯҳии миллионҳо одамон асар намуда, боиси изтироб ва тарси онҳо, инчунин халалдор шудани фаъолияти хадамоти нигоҳдории солимии равонӣ шудааст», — гуфт ӯ. Директори генералӣ ба «таъсири амиқ», ки «набудани ҳамкории иҷтимоӣ бо сабаби пандемия» ба равон асар мекунад, таваҷҷуҳ намуд.
Роҳбари СУТ хотиррасон кард, ки солимии равонӣ то пандемия ҳам «масъалаи фаромӯшшуда дар тандурустии ҷаҳонӣ» буд. Ба гуфтаи номбурда, «тақрибан як миллиард одамон гирифтори бемориҳои рӯҳӣ мебошанд, ҳар сол се миллион одам бар асари истифодаи зарарноки машрубот мефавтад ва сари ҳар 40 сония як нафар дар ҷаҳон худкушӣ мекунад». Бо мақсади ҷалби таваҷҷуҳи ҷаҳон ба ин масъалаҳо, СУТ форуми байналмилалии онлайнро барои дастгирии хадамоти марбута, 10 октябр, дар Рӯзи ҷаҳонии солимии рӯҳӣ ба нақша гирифтааст.
Тедрос Аданом Гебрейесус ба афзоиши шумораи гирифторони коронавирус дар баъзе кишварҳо ишора ва зикр кард, ки манбаъҳои нави хуруҷ аксар вақт бо ҷойҳои таҷаммӯи одамон вобаста мебошанд. Ин ҷо сухан дар бораи варзишгоҳҳо ва клубҳои шабона меравад. Тавре директори генералӣ шарҳ дод, «ҳар кишвар ва ҷамоат худаш тасмим мегирад, ки бехатарии чунин чорабиниҳо бо дарназардошти хатарҳои мавҷуд, чӣ тавр таъмин карда шавад”.
Хуруҷи бемории вобаста ба коронавируси нав охири соли 2019 дар Чини Марказӣ ба қайд гирифта шуда, ба аксари кишварҳо паҳн гардид ва СУТ 11 март онро ҳамчун пандемия эътироф кард.
ДАР АКС: Тедрос Аданом Гебрейесус. АКСИ: © EPA-EFE/FABRICE COFFRINI
Кэтрин Рассел, директори иҷроияи ЮНИСЕФ: «Мо мехоҳем, ки садои кӯдакон ва ҷавонон дар сиёсати иқлимӣ шунида шавад»
Ясмин Сиддиқӣ: «Обшавии пиряхҳо танҳо як мушкили муҳити зист нест, ин буҳрони об, ғизо ва рӯзгор аст»
Қоҳир Расулзода Конфронси байналмилалии сатҳи баланд оид ба ҳифзи пиряхҳоро натиҷагирӣ намуд
Шамс Аббосӣ: «Таҳти роҳбарии Эмомалӣ Раҳмон мардуми тоҷик дар самти мубориза бо тағйирёбии иқлим ва пешбурди донишҳои экологӣ қадамҳои бузург мегузоранд»
Султон Ҷамшед: «ВАО-и Тоҷикистон дар инъикоси кори конфронси сатҳи баланд муваффақ буд»
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Дар Душанбе масоили кунунии мониторинги пиряхҳо дар Осиёи Марказӣ баррасӣ шуд
Кристин Мишел: «Дар масъалаи тағйирёбии иқлим ва ҳифзи пиряхҳо давлатҳои ҷаҳон бояд муттаҳид бошанд»
Лидия Брито: «ЮНЕСКО Эъломияи Душанбе оид ба ҳифзи пиряхҳоро дастгирӣ намуда, ҳамеша дар паҳлуи ҷомеаи ҷаҳонӣ қарор мегирад»
ДУШАНБЕ-МАРКАЗИ ҚАБУЛИ ҚАРОРҲОИ МУҲИМИ БАЙНАЛМИЛАЛӢ. Дар ҳошияи Конфронси байналмилалии сатҳи баланд оид ба ҳифзи пиряхҳо
Дар Душанбе хатари офатҳои табиии марбут ба пиряхҳоро баррасӣ намуданд
Дар доираи Конфронси байналмилалии сатҳи баланд оид ба ҳифзи пиряхҳо масоили об ва иқлим баррасӣ гардид
