БАРОИ ТАМОМИ КИШВАРҲО ВА ҲАМА ГУНА НАҚЛИЁТ! Шурӯъ аз 1 октябр Ӯзбекистон сарҳадҳоро боз мекунад
ДУШАНБЕ, 18.09.2020 /АМИТ «Ховар»/. Бо қарори Комиссияи махсуси ҷумҳурияв ҶӮ шурӯъ аз 1 октябр вуруд ба Ӯзбекистон ва хуруҷ аз он тавассути тамоми гузаргоҳҳои ҳавоӣ, роҳи оҳан ва мошингард иҷозат дода мешавад. Тавре АМИТ «Ховар» хабар медиҳад, дар ин бора як манбаъ аз ҳукумати ин кишвар ба «UzNews.uz» иттилоъ додааст.
Ба ҳукумат супориш дода шудааст, ки бо давлатҳои хориҷӣ оид ба зиёд кардани шумораи ҳамаи намудҳои хатсайрҳои байналмилалӣ (ҳавоӣ, роҳи оҳан, автобусҳо) гуфтушунид анҷом диҳад.
Ҳамчунин гуфта мешавад, ки шурӯъ аз 1 октябр шахсоне, ки тавассути гузаргоҳҳо дар марзи Қазоқистон, Туркманистон, Тоҷикистон ва Афғонистон ба Ӯзбекистон ворид мешаванд, ҳангоми доштани маълумотнома бо ташхиси манфии ПТР барои коронавирус 14 рӯз дар хона карантин хоҳанд шуд. Дар сурати надоштани маълумотнома онҳо аз ҳисоби худ дар нуқтаи гузаргоҳӣ ташхис месупоранд.
Тавре қаблан иттилоъ дода будем, барои онҳое, ки тавассути ҳавопаймо ба Ӯзбекистон ворид мешаванд, қоидаҳои зерин муқаррар карда шудаанд:
Ба шахсоне, ки дар 14 рӯзи охир дар кишварҳои минтақаи «сабз» буданд, иҷозат дода мешавад, ки бидуни маҳдудият ба қаламрави Ӯзбекистон ворид шаванд. Ба қатори чунин кишварҳо Чин, Таиланд, Малайзия, Кореяи Ҷанубӣ, Гурҷистон, Венгрия, Финляндия, Латвия, Австрия ва Япония дохил мешаванд.
Ба шахсоне, ки аз кишварҳои минтақаи «зард» — Озарбойҷон, Беларус, Аморати Муттаҳидаи Араб ва кишварҳои Иттиҳоди Аврупо (ба истиснои Британияи Кабир ва Испания) ва инчунин аз минтақаи «сурх» (ҳамаи кишварҳои дигари ҷаҳон) меоянд, танҳо дар сурати доштани ташхиси манфии ПТР, ки давоми 72 соати охир гирифта шудааст, вуруд ба қаламрави Ӯзбекистон иҷозат дода мешавад.
Дар сурати мавҷуд набудани чунин ташхис бо натиҷаи манфӣ, мусофир барои парвоз ба Ӯзбекистон ба қайд гирифта намешавад.
Ҳангоми доштани натиҷаи манфӣ шахсро ихтиёран давоми 14 рӯз ба карантини хонагӣ ё ба меҳмонхона мефиристанд.
Ёдовар мешавем, ки аввалин ҳодисаи COVID-19 дар Ӯзбекистон 15 март ошкор гардид. Баъдан, бинобар хавфи паҳншавии коронавирус, мақомоти ин кишвар робитаҳои нақлиёти мусофирбарро бо дигар давлатҳо манъ карданд ва марзҳоро бастанд.
Тибқи маълумоти расмӣ, то субҳи 18 сентябр дар Ӯзбекистон дар маҷмӯъ 49 761 ҳолати сирояти коронавирус ва 415 фавт ба қайд гирифта шудааст.
ДАР АКС: дар сарҳади Ӯзбекистон бо Тоҷикистон. Акс аз http://tj.mir24.tv. Акс аз бойгонӣ
ПАРЧАМИ ДАВЛАТӢ ДАР КУҶО БОЯД НАСБ КАРДА ШАВАД? Вакили Маҷлиси намояндагон ба ин савол посух дод
ИСТИҚЛОЛИЯТ БА ТОҶИКИСТОН ЭМОМАЛӢ РАҲМОН – СИЁСАТМАДОРИ САТҲИ ҶАҲОНИРО ДОД. Эътироф ва тафсири мақоми шоистаи Пешвои миллат аз ҷониби шахсиятҳои ҷаҳон
16 — НОЯБР РӮЗИ ПРЕЗИДЕНТ. Нигоҳе ба таҳаввул ва ташаккули ниҳоди президентӣ дар Тоҷикистон
ТАШАББУСҲОИ ТОҶИКИСТОН — ҲАЛЛИ МУШКИЛОТИ ДАР ПЕШОРӮИ ҶОМЕАИ ҶАҲОНӢ ҚАРОРДОШТА. Эҳдо ба Рӯзи Президент
ИДОРАКУНИИ ПРЕЗИДЕНТӢ – шакли муассири идоракунии давлатӣ ва равнақбахши Тоҷикистони соҳибистиқлол
ПРЕЗИДЕНТИ ТАШАББУСКОР. Нақши Сарвари Тоҷикистон дар ҳифзи пиряхҳо ва захираҳои оби тоза дар ҷаҳон беназир ва муассир аст
ТАШАББУСИ ШОИСТАИ ПЕШВОИ МИЛЛАТ ОИД БА ТАҲКИМИ СУЛҲ БА ХОТИРИ НАСЛҲОИ ОЯНДА. Дар ҳошияи пешниҳоди Президенти Тоҷикистон вобаста ба қабули қатъномаи махсуси СММ оид ба «Даҳсолаи таҳкими сулҳ ба хотири наслҳои оянда»
ГЕОСТРАТЕГИЯ ВА ГЕОПОЛИТИКАИ ПРЕЗИДЕНТИ ТОҶИКИСТОН ДАР ДАВРОНИ СОҲИБИСТИҚЛОЛӢ. Ба Рӯзи Президент бахшида мешавад
Дар Душанбе бахшида ба Рӯзи Президент ҳамоиш баргузор шуд
Дар Академияи идоракунии давлатӣ бахшида ба Рӯзи Президент конференсияи ҷумҳуриявии илмӣ-амалӣ гузаронида шуд
Таҳия ва муҳокимаи аввалин лоиҳаи Конститутсияи Ҷумҳурии Тоҷикистон қариб ду сол идома ёфт
Эмомалӣ Раҳмон: «Ба омӯзиши Конститутсия ва қонунҳо дар вазорату идораҳо бояд эътибори ҷиддӣ зоҳир гардад»
