COVID-19. Зиёда аз 26,4 млн одамон дар ҷаҳон аз коронавирус сироят ёфтаанд
ДУШАНБЕ, 04.09.2020 /АМИТ «Ховар»/. Шумораи ҳолатҳои ошкоршудаи сироятёбӣ аз коронавируси нав дар ҷаҳон рӯзи ҷумъа, 4 сентябр, ба 26,4 миллион нафар расид. Тавре ки АМИТ “Ховар” хабар медиҳад, дар ин бора маълумоти Созмони Умумиҷаҳонии Тандурустӣ (СУТ) шаҳодат медиҳад, ки дар асоси маълумоти мақомоти федералӣ ва маҳаллӣ, инчунин ташкилоти байналмилалӣ оморро ҷамъоварӣ ва ҳисоб мекунад.
Тибқи маълумоти СУТ, шумораи гирифторон дар ҷаҳон ҳоло 26 468 017 нафарро ташкил медиҳад, ки аз онҳо 873 221 тан ҷон бохта ва 18 661 847 нафар сироятёфтагон шифо ёфтаанд. Дар Иёлоти Муттаҳида субҳи рӯзи ҷумъа бо вақти Душанбе, маҷмӯъан 6 млн 335 ҳазору 244 сироятёфта ошкор шудааст, 191 058 тан ҷон бохтааст ва зиёда аз 3,5 миллион нафар шифо ёфтаанд.
Аз рӯи шумораи сироятёфтагон Бразилия бо 4 046 150 ҳолати ошкоршудаи сироятёбӣ, 124 729 тани ҷонбохта ва 3 247 610 бемори шифоёфта дар ҷои дувум аст. Ҷои сеюмро Ҳиндустон ишғол мекунад ва дар он ҷо 3 933 124 тан сироят ёфтаанд, 68 569 нафар фавтида ва 3 034 887 нафар шифо ёфтаанд.
Россия аз рӯи шумораи ҳолатҳои сабтшудаи сирояти коронавирус дар ҷои чорум қарор дорад. Тибқи маълумоти ситоди фаврии федералии мубориза бо коронавирус, дар Федератсияи Россия 1 009 995 ҳолати сироятёбӣ сабт шудааст, 826 935 нафар шифо ёфтаанд ва 17 528 тан ҷон бохтаанд.
Шабонарӯзи гузашта дар Тоҷикистон 36 ҳолати нави сирояти COVID-19 сабт ва шумораи умумии сироятёфтагон дар давраи аз 30 апрел то 3 сентябр ба 8690 нафар расидааст. Дар мамлакат 7482 нафар ё 86,1% -и гирифторони ин беморӣ шифо ёфтаанд.
Ҳамзамон бар асари COVID-19 69 тан ҷон бохтаанд, хабар дода буд дирӯз АМИТ “Ховар” бо истинод ба Вазорати тандурустӣ ва ҳифзи иҷтимоии аҳолии Ҷумҳурии Тоҷикистон.
Тоҷикистон чун давлати дорои захираҳои бузурги об ва пирях дар масъалаи ҳифзи обу пиряхҳо нақши муҳим дорад
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Иштирокдорони ин чорабинӣ бо мероси ғании фарҳангии мардуми тоҷик аз наздик шинос мешаванд
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Дар доираи ин чорабинӣ намоиши маҳсулоти кишоварзӣ ташкил карда мешавад
Толори «Ташаббусҳои ҷаҳонии Ҷумҳурии Тоҷикистон дар соҳаи об ва ҳифзи пиряхҳо»-ро роҳбаладон бо 8 забон шарҳ медиҳанд
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Дар Душанбе Форуми «Занон дар ҳифзи пиряхҳо» баргузор мегардад
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Толорҳои Китобхонаи миллӣ барои баргузории чорабиниҳои канорӣ омода мебошанд
Вайрон намудани қоида ва меъёрҳои истифодаи қувваи барқ ҷиноят аст
Эмомалӣ Раҳмон: «Масъалаи талафоти неруи барқ ва истифодаи ғайриқонунии он дар ҷумҳурӣ ташвишовар аст»
Дар маҷаллаи «The Diplomatic Insight» мақолаи олимони тоҷик таҳти унвони «Эмомалӣ Раҳмон – Пешвои дипломатияи байналмилалӣ» ба нашр расид
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
