Дар Хуросон дар муддати кӯтоҳ шаҳраки замонавӣ ба истифода дода шуд
ДУШАНБЕ, 02.09.2020 /АМИТ «Ховар»/. 1 сентябр Сарвазири Ҷумҳурии Тоҷикистон Коҳир Расулзода дар ноҳияи Хуросони вилояти Хатлон шаҳраки нави замонавиро, ки барои сокинони аз сел дар моҳи майи соли равон осебдида бунёд шудааст, ифтитоҳ намуд. Дар ин бора маркази матбуоти Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон хабар додааст.
Дар маросими мавриди баҳрабардорӣ қарор додани шаҳрак раиси вилояти Хатлон Қурбон Ҳакимзода, раиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон Рустам Назарзода ва роҳбарони вазорату идораҳои мамлакат ширкат варзиданд.
Аз ҷумла, барои сокинони ноҳия 67 хонаи истиқоматӣ ва маркази тиббӣ бо сифати баланд бунёд шудаанд.
Бо пешниҳоди Сарвазир тасмим гирифта шуд, ки ба шаҳраки бунёдшуда номи нав дода шавад: — шаҳраки «30-солагии Истиқлолияти давлатӣ», ҷамоати Садриддин Айнии ноҳияи Хуросони вилояти Хатлон.
Дар шаҳраки нав корҳои рангуборкунии сартарошхона, маркази савдо ва дорухона идома доранд, 1,4 километр роҳ асфалтпӯш шудааст, барои бо об таъмин кардани аҳолӣ 18 чоҳ канда, ду трансформатор ва 83 сутуни баландшиддат насб шудаанд.
Дар навбати худ, сокинон ба Ҳукумати мамлакат барои кумаки расонидашуда дар чунин муддати кӯтоҳ самимона изҳори сипос намуданд.
Дар Душанбе густариши ҳамкории Тоҷикистону Покистон дар соҳаи меҳнат ва касбомӯзӣ баррасӣ гардид
Тоҷикистон ва Бавария ҳамкориро дар самти таҳсилоти касбӣ густариш медиҳанд
Оид ба ҳамкорӣ дар самти ҷалби мутахассисони ҷавони соҳибтахассус Ёддошти тафоҳум ба имзо расид
Байни Маркази тадқиқоти стратегии Тоҷикистон ва Маркази тадқиқоти сиёсати хориҷии Узбекистон Ёддошти тафоҳум ба имзо расид
Дар ноҳияи Кӯшониён бо фаъолон ва ҷонибдорони Ҳизби Халқии Демократии Тоҷикистон вохӯрӣ доир шуд
ИМРӮЗ — РӮЗИ УМУМИҶАҲОНИИ ҲИФЗИ МЕҲНАТ. Ба масоили бехатарии меҳнат ва ҳифзи саломатии кормандон таваҷҷуҳи бештар зоҳир мегардад
Ғолиби Фестивали «Сайри гули лола» Сайфиддин Файзиддинов: «Тоҷикон аз қадимулайём гулпарвар буданд»
Дурнамои ҳамкорӣ байни Ҳизби Халқии Демократии Тоҷикистон ва Ҳизби Коммунистии Чин баррасӣ гардид
Шаҳри Душанбе сазовори Шоҳҷоизаи Фестивали ҷумҳуриявии «Сайри гули лола» гардид
Имрӯз ғолибони Фестивали гулҳо таҳти унвони «Сайри гули лола» ҳавасманд гардонида мешаванд
Ҳайати Тоҷикистон дар Анҷумани XV онкологҳо ва радиологҳои кишварҳои ИДМ ва Авруосиё иштирок намуд
Пагоҳ дар Душанбе Фестивали гулҳо таҳти унвони «Сайри гули лола» ҷамъбаст мегардад
