Дар Москва ҷаласаи IX Шӯрои ҳамкории байниминтақавӣ ва наздимарзии кишварҳои аъзои ИДМ баргузор шуд
ДУШАНБЕ, 11.09.2020 /АМИТ «Ховар»/. 10 сентябр ҷаласаи IX Шӯрои ҳамкории байниминтақавӣ ва наздисарҳадии кишварҳои аъзои Иттиҳоди Давлатҳои Мустақил (ИДМ) дар шакли видеоконфронс, ки Вазорати рушди иқтисодӣ ва коҳиши сатҳи камбизоатии Ҷумҳурии Ӯзбекистон ташкил намуда буд, баргузор гардид, иттилоъ медиҳад сомонаи расмии Кумитаи иҷроияи ИДМ.
Дар ҷаласа намояндагони ҳамаи давлатҳои аъзои ИДМ — аъзои Шӯро: ҷумҳуриҳои Арманистон, Беларус, Қазоқистон, Қирғизистон, Тоҷикистон, Ӯзбекистон ва Федератсияи Россия, инчунин Кумитаи иҷроияи ИДМ, Ассамблеяи Байнипарлумонии кишварҳои узви ИДМ ва Шӯрои сарони палатаҳои кишварҳои аъзои ИДМ ширкат варзиданд.
Иштирокчиёни ҷаласа вазъи ҳамкории байниминтақавӣ ва наздисарҳадиро дар кишварҳои аъзои ИДМ, аз ҷумла бо дарназардошти вазъи эпидемиологии вобаста ба тавсеаи уфунати коронавируси COVID-19 муҳокима карданд, раванди иҷрои Нақшаи чорабиниҳо оид ба татбиқи марҳилаи сеюми (солҳои 2016-2020) Стратегияи рушди иқтисодии Иттиҳоди Давлатҳои Мустақилро барои давраи то соли 2020 дар бахши ҳамкории байниминтақавӣ ва наздимарзӣ баррасӣ ва оид ба дигар масъалаҳои мубрам табодули афкор намуданд.
Ба муҳокимаи лоиҳаҳои Консепсияи ҳамкории байниминтақавӣ ва наздисарҳадии кишварҳои аъзои ИДМ барои давраи то соли 2030 ва Нақшаи чорабиниҳо оид ба татбиқи он, ки Консепсияи раёсати Ҷумҳурии Ӯзбекистон дар Иттиҳоди Давлатҳои Мустақил барои соли 2020 пешбинӣ намудааст, таваҷҷуҳи хос дода шуд. Иштирокчиёни ҷаласа пешниҳод намуданд, ки лоиҳаҳои асноди мазкур ба баррасии ҷаласаи навбатии Шӯрои иқтисодии ИДМ ирсол шаванд.
Қарор шуд, ки ҷаласаи навбатии Шӯрои ҳамкории байниминтақавӣ ва наздимарзӣ дар Тошканд соли 2021 баргузор шавад.
Милитсияи пойтахт аз шаҳрвандон талаб намуд, ки аз фурӯшу паҳнсозӣ ва истифодаи маводи тарфгарӣ худдорӣ кунанд
Ба муносибати таъсиси Воҳидҳои таъйиноти махсуси милитсия дар вилоятҳои Суғд, Хатлон ва Бадахшон ҷамъомади тантанавӣ доир шуд
РӮЗИ ТАЪСИСИ ВОҲИДҲОИ ТАЪЙИНОТИ МАХСУСИ МИЛИТСИЯ. Кормандони ин ниҳод вазифаҳои душвору масъулиятнок бар зимма доранд
Дар Минск вохӯрии вазирони корҳои дохилии Тоҷикистон ва Беларус баргузор гардид
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
«МУҚОВИМАТ БО КОРРУПСИЯ ДАР СОҲАИ ТИҶОРАТ». Дар Душанбе таҳти ин унвон форуми байналмилалӣ баргузор мешавад
Дар Душанбе оид ба усулҳои нави ҷамъоварии маълумот дар самти муқовимат ба савдои одамон ҷаласа доир шуд
Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро гардид
Ҳайати Тоҷикистон дар конференсияи 26-уми байналмилалии раисони судҳои олии кишварҳои ҷаҳон иштирок намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 900 ҳодисаи сӯхтор ба қайд гирифта шудааст
Нақшаи даъвати ҳарбӣ дар Тоҷикистон 98 фоиз иҷро гардид
Милитсияи пойтахт дар муассисаҳои таълимӣ 115 ҳолати истеъмоли чилим ва сигорҳои электрониро ошкор намуд
