БА «ТОҶИКОН» МУҶАССАМА ГУЗОШТАНД. Шоҳасари Бобоҷон Ғафуров ва 700-солагии Камоли Хуҷандӣ дар санг абадӣ гардонида шуданд
ДУШАНБЕ, 16.09.2020 /АМИТ «Ховар»/. Дар шаҳри Бӯстон муҷассамаи шоҳасари «Тоҷикон»-и Бобоҷон Ғафуров ва рамзи 700-солагии шоири барҷастаи тоҷик Камоли Хуҷандӣ гузошта шуд. Дар ин бора ба хабарнигори АМИТ «Ховар» Фирӯза ДАВЛАТЗОДА аз маркази матбуоти дастгоҳи Раиси шаҳри Бӯстон иттилоъ доданд.
Баландии муҷассамаи китоб бо пояи он 5 метр буда, паҳноияш 3 метрро ташкил медиҳад. Рамзи 700-солагии шоири барҷастаи тоҷик Камоли Хуҷандӣ, ки аз ҷониби Пешвои муаззами миллат муҳтарам Эмомалӣ Раҳмон 4 августи соли равон тасдиқ гардид, бо андозаи 4,5 х 4,5 бо ороиши хосса гузошта шуд.
Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёмашон ба Маҷлиси Олии Ҷумҳурии Тоҷикистон аз 26 декабри соли 2019 ба Ҳукумати мамлакат супориш дода буданд, ки бо мақсади омӯзиши амиқи таърихи пурифтихори халқи тоҷик шоҳасари Бобоҷон Ғафуров «Тоҷикон» аз ҳисоби Фонди Президенти Ҷумҳурии Тоҷикистон чоп ва то ҷашни 30-солагии Истиқлолияти давлатӣ аз номи Роҳбари давлат ба ҳар оилаи мамлакат тақдим карда шавад.
Айни замон аз тарафи чопхонаи «Нашриёти муосир» чопи он оғоз шуда, нимаи дуюми моҳи сентябр тақсими он ба шаҳру ноҳияҳо шурӯъ мегардад.
Хотиррасон мешавем, ки ҳадаф аз гузоштани муҷассама ба шоҳасари академик Бобоҷон Ғафуров «Тоҷикон» ва рамзи 700-солагии шоири барҷастаи тоҷик Камоли Хуҷандӣ дар гулгашти Парчами давлатии Ҷумҳурии Тоҷикистон — баланд бардоштани эҳсоси худшиносию худогоҳӣ ва ифтихори ватандории сокинону меҳмонони шаҳр ва хусусан насли наврасу ҷавон мебошад. Маҳз ба ҳамин хотир чаҳор сол пеш дар шаҳри Ҳисор муҷассамаи китоби Пешвои миллат Эмомалӣ Раҳмон «Тоҷикон дар оинаи таърих» гузошта шуда буд.
ДАР АКС: муҷассамаи китоби «Тоҷикон дар оинаи таърих» дар шаҳри Ҳисор
Китоб – сарвати бебаҳо, калиди хазинаи донишу маърифат ва омили муҳими тараққиёту пешрафти халқҳо ва кишварҳо мебошад. Аз ин ҷост, ки ба мақсади гиромидошти ин неъмати бузург дар даҳҳо шаҳрҳои олам, аз қабили Москва, Санкт-Петербург, Пекин, Берлин, Лос-Анҷелес, Барселона, Лиссабон, Оксфорд ва ғайра ба китоб ҳайкалу муҷассамаҳои ёдгорӣ гузошта шудаанд.
Дар Бохтар аввалин Фестивал-намоишгоҳи байналмилалии донишгоҳҳои давлатҳои хориҷӣ баргузор гардид
Дар мавзуи «Паёми Президенти Тоҷикистон ва масъалаҳои рушди фаъолияти китобдорӣ ва бойгонишиносӣ» ҳамоиш доир шуд
Дар Академияи миллии илмҳои Тоҷикистон бо ҳайати намояндагони Академияи илмҳои Чин вохӯрӣ доир шуд
Дар Тоҷикистон барномаи омӯзишии Мактаби театрии Александрин мегузарад
ТАРБИЯИ ВАТАНДӮСТИИ ШАҲРВАНДОН. Дар шаҳри Ҳисор озмунҳои «Тоҷикистони ман!» ва «Шоҳнома Ватан аст!» доир мегарданд
Байни Тоҷикистон ва Италия Барномаи ҳамкории фарҳангӣ, илмӣ ва технологӣ барои солҳои 2024-2027 ба имзо расид
Дар Душанбе оид ба рушди ҳамкории мамлакатҳои Осиёи Марказӣ дар бахши обу энергетика конференсияи байналмилалӣ доир мегардад
САДРИДДИН АЙНӢ-БУНЁДГУЗОРИ АДАБИЁТИ НАВИНИ ТОҶИК. Дар Академияи миллии илмҳои Тоҷикистон конференсияи илмӣ-адабӣ гузаронида шуд
ИЛМ АЗ ДИДГОҲИ ОЛИМОНИ ҶАВОН. Дар ин мавзуъ конференсияи илмӣ-амалӣ баргузор гардид
«ДУРАХШИ АХТАРОН: ҶОМӢ ВА НАВОӢ». Протокол оид ба таҳияи филми ҳунарии муштараки Тоҷикистону Узбекистон ба тасвиб расид
Рӯзҳои синамои Узбекистон дар Тоҷикистон бо намоиши филми ҳунарии «Зинда бод, ҳамсар!» ҷамъбаст гардид
«САД РАНГИ ЧАКАН». Дар Душанбе ин фестивали ҷумҳуриявӣ ҷамъбаст гардид
