Деҳқонони Хатлон сокинони шаҳри Душанберо бо маҳсулоти тару тозаи кишоварзӣ таъмин менамоянд
ДУШАНБЕ, 12.09.2020 /АМИТ «Ховар»/. Ҷиҳати таъмини сокинони пойтахт бо маҳсулоти кишоварзӣ раиси вилояти Хатлон Қурбон Ҳакимзода ба кишоварзони вилоят дастур дод, ки маҳсулоти истеҳсолнамудаи худро бо нархҳои дастрас дар ярмарка-фурӯши маҳсулоти кишоварзӣ, ки дар КВД «Бозори Саховат» ва «Боғи Куруши Кабир»-и пойтахт ташкил гардидаанд, пешниҳод намоянд. Ҳамин тариқ, шурӯъ аз 4 сентябр деҳқонони вилояти Хатлон дар маконҳои зикршуда маҳсулоти кишоварзиро бо нархҳои дастрас пешниҳоди сокинон ва меҳмонони пойтахт намуда истодаанд, ки ин иқдом то 10 октябри соли равон идома меёбад. Дар ин бора ба хабарнигори АМИТ «Ховар» аз шуъбаи иттилоотӣ-таҳлилии мақомоти иҷроияи ҳокимияти давлатии вилояти Хатлон иттилоъ доданд.
Деҳқонони Хатлон дар ярмарка-фурӯшгоҳҳои маҳсулоти кишоварзӣ дар шаҳри Душанбе то имрӯз зиёда 150 тонна картошка, пиёз, сабзӣ, карам, помидор, бодиринг, қаламфури булғорӣ ва тез, хушкмевагиҳо, зироати лӯбиёгиҳо, каду, гӯшт, тухм ва дигар сабзавотро бо нархҳои нисбат ба бозор арзон пешниҳоди сокинон ва меҳмонони пойтахт гардониданд.
Ёдовар мешавем, ки бо мақсади таҷлили сазовори ҷашни 29-солагии Истиқлоли давлатии Ҷумҳурии Тоҷикистон бо супориши Раиси шаҳри Душанбе Рустами Эмомалӣ чунин ярмаркаҳои кишоварзӣ дар маҳаллаи Қарияи Боло, бозорҳои «Меҳргон», «Саховат», Боғи «Куруши Кабир» ва 11 нуқтаи дигари маҳсулотфурӯшии пойтахт, ки зичии аҳолиашон зиёд аст, ташкил гардидаанд.
Хотиррасон менамоем, ки чанд рӯз қабл зимни сафари кории Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба шаҳри Турсунзода, ки Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ он касро ҳамроҳӣ намуданд, байни сохторҳои марбутаи Мақомоти иҷроияи ҳокимияти давлатии шаҳри Душанбе ва хоҷагиҳои деҳқонии шаҳри Турсунзода барои дар давраи тирамоҳу зимистони дар пешистода мунтазам таъмин кардани бозорҳои истеъмолии пойтахт бо маҳсулоти тару тозаи кишоварзӣ, аз қабили меваю сабзавоти хушсифат, зироат ва дигар маводи мавриди ниёзи аввал шартномаҳои дутарафаи ҳамкорӣ баста шуданд.
31 ОКТЯБР — РӮЗИ ҶАҲОНИИ ШАҲРҲО. Дар хиёбони Саъдии Шерозии Душанбе 3 эстакадаи дусатҳа бунёд мегардад
Шаҳри Душанбе бо ба даст овардани 65 ҷой ғолиби Озмуни ҷумҳуриявии «Илм – фурӯғи маърифат» гардид
Иҷлосияи ҳафтуми Маҷлиси вакилони халқи шаҳри Душанбе, даъвати ҳафтум баргузор гардид
Рустами Эмомалӣ дар кӯчаи Абдулаҳад Қаҳҳорови ноҳияи Фирдавсии пойтахт бо гузоштани санги асос ба сохтмони 3 эстакада ва як пул оғоз бахшиданд
Бо мақсад рушди ҳамкории сайёҳӣ ҳайати шаҳри Душанбе ба музофоти Хайнани Чин сафар намуд
Рустами Эмомалӣ дар ноҳияи Дарвоз аз маҷмааи сайëҳию истироҳатии «Чорчаман» дидан намуданд
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Рустами Эмомалӣ дар деҳоти Қалъаи Хумби ноҳияи Дарвоз бо фаъолияти комплекси сайёҳии «ЗЕВ-С» ва намоишгоҳи ҳунарҳои мардумӣ шинос шуданд
Рустами Эмомалӣ бо сафари корӣ ба ноҳияи Дарвози Вилояти Мухтори Кӯҳистони Бадахшон ташриф оварданд
Иҷлосияи ҳафтуми Маҷлиси вакилони халқи шаҳри Душанбе, даъвати ҳафтум баргузор мегардад
Бо қарори Раиси шаҳри Душанбе Рӯзи Президент дар пойтахт дар сатҳи баланди ташкилӣ таҷлил мешавад
Бо мақсади тақвияти ҳамкорӣ дар соҳаи сайёҳӣ ҳайати шаҳри Душанбе ба Чин сафар намуд
