ҒИЗОИ МАКТАБИИ ТОҶИКИСТОН БЕҲТАРИН ДАР ҶАҲОН ЭЪТИРОФ ШУД! Россия ва БУО оид ба маблағгузории ин система дар ҷумҳурии мо Ёддошти тафоҳум имзо намуданд
ДУШАНБЕ, 30.09.2020 /АМИТ «Ховар»/. Россия ва Барномаи Умумиҷаҳонии Озуқавории (БУО) СММ Ёддошти тафоҳумро дар бораи тартиби интиқол ва масрафи маблағҳои мақсадноки ихтиёрии Россия барои рушди системаи устувори ғизои мактабӣ дар Тоҷикистон дар ҳаҷми 11,2 миллион доллар дар солҳои 2020-2023 имзо намуданд. Тавре АМИТ «Ховар» хабар медиҳад, ВКХ Россия дар ин бора 29 сентябр иттилоъ додааст.
Дар хабари ВКХ ФР зикр шудааст, ки 24 сентябр Намояндаи доимии Федератсияи Россия дар Ташкилоти озуқаворӣ ва кишоварзии (ТОК) СММ ва дигар созмонҳои байналмилалӣ дар Рим В. Василйев ва Директори Департаменти БУО СММ оид ба масъалаҳои шарикӣ ва сафарбаркунии захираҳо К. Маненте Меморандум оид ба рушди босуботи системаи ғизо дар мактабҳои Тоҷикистонро (11,2 миллион доллари ИМА) дар солҳои 2020-2023 имзо карданд.
Ёддошти тафоҳум маблағгузории татбиқи марҳилаи 3-юми лоиҳаи БУО -ро дар мавриди ғизои мактабӣ дар Тоҷикистон танзим ва зиёда аз 500 ҳазор хонандагони синфҳои ибтидоиро фаро мегирад.
Тавре ки қаблан АМИТ Ховар бо истинод ба Бунёди Томсон Ройтерс хабар дода буд, Китоби номгӯйи ғизои нисфирӯзии мактаббачагони Тоҷикистон, ки аз ҷониби БУО -и СММ навишта шудааст, соли 2017 дар ҷаҳон беҳтарин эътироф шудааст. Дар 200 саҳифаи китоб дар бораи тарзи таҳияи 127 таоми суннатии тоҷикӣ, ки аз маҳсулоти дастрас ва арзон таҳия мешаванд, маълумот дода шудааст.
Китоби пухту паз дар раддабандии ҷоизаи бонуфузи байналмилалии Gourmand World Cookbook — ҳамсони Оскар дар ҷаҳони китобҳо оид ба ошпазӣ сазовори баҳои баланд шудааст. Маросими ҷоизасупорӣ дар Янтайи Чин баргузор шуд. Дар ин озмун намояндагони беш аз 200 кишвари ҷаҳон ширкат намуданд.
Илова бар ин, Китоби номгӯйи ғизоҳои нисфирӯзии мактаббачагони Тоҷикистон дар категорияи “Амнияти озуқаворӣ” сазовори ҷои аввал ва инчунин ҷоизаи махсуси ҳакамони озмун гардид.
Китоби мазкур соли 2016 дар ҳамкорӣ бо вазоратҳои тандурустӣ ва маорифи Тоҷикистон ва инчунин Пажӯҳишгоҳи саноатии ғизоии Россия нашр шуда буд.
«Ин эътирофи муҳим ва дастоварди барҷастаи БУО дар Тоҷикистон мебошад. Умедворем ин китоб, ки дорои маълумот дар бораи ғизоҳои солим мебошад, ба рушди босуботи системаи ғизои мактабӣ дар Тоҷикистон мусоидат хоҳад кард», — гуфта буд Паоло Маттей, директори вақти БУО дар Тоҷикистон.
АКС: WFP / Emma Khachatryan
СОЛИ БАЙНАЛМИЛАЛИИ ҲИФЗИ ПИРЯХҲО. Тоҷикистон дар сатҳи ҷаҳон чун ташаббускори муҳими ҳалли мушкилоти глобалӣ шинохта шудааст
ИНТИХОБОТИ ВАКИЛОНИ ХАЛҚ-2025. Натиҷаҳои пешакии интихоботи вакилони Маҷлиси намояндагони Маҷлиси Олии Ҷумҳурии Тоҷикистон эълон гардиданд
ИНТИХОБОТИ ВАКИЛОНИ ХАЛҚ-2025. Натиҷаи пешакии интихоботи вакилони Маҷлиси намояндагони Маҷлиси Олии Ҷумҳурии Тоҷикистон 3 март эълон мегардад
КОМИССИЯИ МАРКАЗИИ ИНТИХОБОТ ВА РАЪЙПУРСӢ. То соати 12:00 шумораи овоздиҳандагон дар Тоҷикистон 59 фоизро ташкил дод
КОМИССИЯИ МАРКАЗИИ ИНТИХОБОТ ВА РАЪЙПУРСӢ. То соати 9:00 шумораи овоздиҳандагон дар Тоҷикистон 22,1 фоизро ташкил дод
Пешвои миллат: «Мусулмони комил бояд ба Ватану миллати худ содиқ ва ба ҳифзи марзу буми он ҳамеша омода бошад»
«ИЛМИ СИНО РӮИ ДУНЁРО ГИРИФТ…». Андешаҳои Шоири халқии Тоҷикистон Камол Насрулло дар мавриди шаҳомати оламафрӯзи Абӯалӣ ибни Сино
ПРЕЗИДЕНТИ ТОҶИКИСТОН ДАР ИН МАВРИД ҲУШДОР ДОДА БУДАНД. Барномаи муҳити зисти СММ ба амалҳои фаврӣ дар мубориза бо буҳрони сегонаи сайёра даъват менамояд
СОЛИ БАЙНАЛМИЛАЛИИ ҲИФЗИ ПИРЯХҲО. Ташаббуси Тоҷикистон барои пешгирии оқибатҳои ҳузнангез дар сайёра хеле саривақтӣ мебошад
Сарфармондеҳи Олии Қувваҳои Мусаллаҳ: «Ман ба афсарону сарбозони далеру шуҷоъ, бонангу номуси Ватан бовар дорам ва бо онҳо ифтихор мекунам»
«РИВОЯТИ ЭМОМАЛӢ РАҲМОН». Яъқуб Ясно, нависанда ва пажуҳишгар: «Агар шумо шахсияти сиёсии дигареро дар замони муосир мешиносед, ки бештар аз муҳтарам Эмомалӣ Раҳмон дар эҳё ва рушди фарҳанги ориёӣ самимона заҳмат кашидааст, намуна ва мисол биоваред!»
«ОТАШИ ҶАШНИ САДА ОТАШИ МЕҲРИ ВАТАН АСТ». Дар Душанбе ҷашни Сада ва намоиши тухмии зироати кишоварзӣ баргузор шуд
