Олимон муайян намуданд, ки сироятёбӣ аз коронавирус дар автобус зиёд аст

Сентябрь 3, 2020 13:07

ДУШАНБЕ, 03.09.2020/АМИТ «Ховар»/. Дар Чин мусофири мубталои  коронавирус 24 нафар ҳамсафарашро дар автобус сироят кардааст. Ин имкони интиқоли коронавирусро на танҳо тавассути микроқатраҳо, инчунин тавассути ҳаво исбот мекунад, мегӯянд мутахассисони Донишгоҳи иёлоти Ҷорҷия ва марказҳои таҳқиқотии  Чин. Тавре ки  АМИТ «Ховар»  иттилоъ медиҳад, ин таҳқиқот дар маҷаллаи JAMA Internal Medicine нашр шудааст.

Моҳи январи соли 2020, то ҷорӣ намудани чораҳои фосилагирии  иҷтимоӣ, дар шарқи Чин гурӯҳи 128-нафараи бутпарастон дар ду автобус ба сафари панҷоҳдақиқаӣ баромада буд. Як зани мусофири   яке аз автобусҳо гирифтори коронавирус будааст, вале дар ин бора ҳанӯз худаш иттилоъ надоштааст. Ҳеҷ касе аз мусофирон ниқоб надоштаанд.

Муддате чанде пас аз сафар, дар вуҷуди 24 мусофире, ки ҳамроҳи зани мубталои коронавирус дар як автобус буданд, инчунин дар бадани ҳафт нафари дигар, ки он рӯз дар маросим бо ӯ тамос доштанд, уфунати коронавирус ошкор гардид.

Дар ин ҳолат фосилаи мусофирон аз манбаи сироят нақше надоштааст — ҳатто одамоне, ки ҳафт қатор дуртар аз бемор нишаста будаанд, сироят ёфтаанд. Аммо, хатари сироятёбӣ барои мусофироне, ки дар назди тирезаҳо ё дарҳои автобус нишаста будаанд, коҳиш ёфта  будааст.

Натиҷаҳои таҳқиқот маълумотро дар бораи он ки коронавирус метавонад на танҳо тавассути микроқатраҳо, балки тавассути ҳаво низ интиқол ёбад, тасдиқ мекунанд, зикр  мекунанд олимон. Иморати танг ва таҳвияи нокифояи он хатари  сироятёбиро хеле зиёд мекунад.

                                                                        АКС: Reuters

Сентябрь 3, 2020 13:07

Хабарҳои дигари ин бахш

«ҲУШЁРӢ – ОМИЛИ АСОСИИ ПЕШГИРИСТ! ». Пешгӯии СУТ дар мавриди ҳолатҳои фавт вобаста ба коронавирус дар остонаи зимистон
СУТ изҳор намуд, ки 70% аҳолии сайёра ҷиҳати ба вуҷуд овардани эминӣ бояд эм карда шавад
Академики АИР ба ин назар аст, ки пандемия пештар аз тобистони соли 2021 тамом нахоҳад шуд
Хатари сироятёбӣ бо коронавирус дар куҷо бештар аст? – натиҷаи пажӯҳиш
СУТ эҳтимоли такроран аз коронавирус сироят ёфтанро истисно намекунад
Модарони ҷавон ҷаҳонро аз COVID-19 наҷот медиҳанд? Чиниҳо ба кашфиёти муҳим ноил шуданд
СУТ даъват намуд, ки бо сабаби коронавирус дигар карантин ҷорӣ нашавад
Дар Чин барои ваксинаи зидди COVID-19 нахустин патент дода шуд
Михаил Мишустин: Давлат тақсимоти ваксинаи зидди коронавирусро танзим хоҳад кард
СУТ: нуҳ ваксинаи таҷрибавии зидди СOVID-19 марҳилаҳои дуюм ва сеюмро сипарӣ менамоянд
Аз 1 сентябр Россия метавонад парвози ҳавопаймоҳоро ба баъзе кишварҳои ИДМ барқарор намояд, дар қатори онҳо аз Тоҷикистон низ ном бурда шудааст
Истеҳсоли ваксинаи Россия бар зидди коронавирус дар ду ҳафтаи оянда шурӯъ мешавад