Театри Конибодом нахустнамоиши «Бозичаҳо»-ро ба таври онлайн манзури тамошобин мегардонад
ДУШАНБЕ, 26.09.2020 /АМИТ «Ховар»/. Имрӯз, 26 сентябр, соати 19:00, Театри давлатии драмаи мусиқии ба номи Туҳфа Фозиловаи шаҳри Конибодом нахустнамоиши спектакли «Бозичаҳо»-ро тариқи онлайн дар саҳифаи театр дар шабакаи иҷтимоии «You tube» доир менамояд. Дар ин бора директори театри мазкур Ғайрат Қодиров зимни суҳбат бо мухбири АМИТ «Ховар» хабар дод.
Намоиши «Бозичаҳо» дар бораи зиндагии наврасони муосир, хонандагони синфи 5 қисса мекунад. «Дар ин намоиш сухан асосан сари Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» меравад ва он бо шиори «Имрӯз кӯдакон – фардо мардум» дастаҷамъона навишта шудааст»,-иброз намуд директори театр.
Падари Ҷамшед дар муҳоҷирати меҳнатӣ дар Россия қарор дорад, ӯ нисбат ба оила бетафовут аст. Писар як маҳфили ғайриодии худро оғоз мекунад — ӯ ҳашаротро дӯст медорад, алахусус каждумҳоро, аммо наврас бо нофаҳмии модар ва ҳамсинфон рӯ ба рӯ мешавад. Вай аксар вақт фикр мекунад, ки агар падари ӯ дар инҷо мебуд, ҳама мушкилот ҳалли худро меёфт. Фаррух блогер аст. Дар мактаб вай мисли авбош рафтор карда, ҳамсинфонашро таҳқир мекунад. Ва дар хона падараш ӯро мезанад. Фарангис ба падари худ нафрат дорад, зеро вай аз кӯдакӣ аз меҳри падар маҳрум буд.Ин кӯдакон як чизи муштарак доранд: ҳамаи онҳо «бозича» дар дасти калонсолон ҳастанд ва аз ин хеле ноумед ҳастанд. Дар охири намоиш ҳамаи онҳо роҳи хуби зиндагиро меёбанд.Ин намоиш барои тамошобини синни аз 16 боло муайян шудааст.
Нақши мактаббачагонро дар намоиш ҳунармандони ҷавон: Фаррух Ваитов, Фарҳод Сиддиқов, Фарангис Умарова, Рухсора Неъматова ва Боҳир Баҳодурзода офариданд. Ин нақшҳо барои 4 ҳунарманд дебютӣ буд. Ғайр аз онҳо дар намоиш ҳунармандони шоистаи Ҷумҳурии Тоҷикистон Юнусалӣ Эргашев ва Дилбар Сулаймонова бозӣ кардаанд. Коргардони саҳна Фарҳод Ғаффорпур, бастакор Фаррух Мамадов, муаллиф Боҳир Баҳодурзода ва рассом Тоҳир Эркабоев мебошанд.
Китоби «Ориёиҳо ва шинохти тамаддуни ориёӣ»-и Президенти Ҷумҳурии Тоҷикистон бо хати форсӣ рӯнамоӣ гардид
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
