ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Дар Ҳисор 375 иншооти ҷашнӣ мавриди истифода қарор гирифтанд
ДУШАНБЕ, 09.10.2020 /АМИТ «Ховар»/. Аз 767 иншооти ҷашние, ки ба ифтихори 30-юмин солгарди Истиқлоли давлатии Ҷумҳурии Тоҷикистон дар шаҳри Ҳисор бунёд мегарданд, то имрӯз беш аз 375 адади он мавриди истифода қарор гирифтаанд.
Аз мақомоти иҷрояи ҳокимияти давлатии шаҳри Ҳисор ба АМИТ «Ховар» иттилоъ доданд, ки ҷиҳати дар сатҳи баланди маънавию ташкилӣ таҷлил намудани ҷашни таърихии 30-солагии Истиқлоли давлатии Ҷумҳурии Тоҷикистон сокинони шаҳри Ҳисор бо меҳнати софдилона ва азму иродаи қавӣ дар ободонии маҳалли зисти худ саҳми шоиста мегузоранд. Ин аст, ки бо мақсади рушди деҳот дар маҳаллаву деҳаҳо бунёди корхонаву муассисаҳои таълимию табобатӣ, иншооти таъминкунандаи ниёзҳои иҷтимоии аҳолӣ ва таъмиру роҳу пулҳо ба нақша гирифта шудааст.
Сокинони шаҳр, хусусан соҳибкорони маҳаллӣ азм доранд, ки дар ободонӣ ва хуррам гардонидани деҳоту маҳаллаҳои шаҳр нақши бориз гузоранд.
Раванди корҳои бунёкорию созандагӣ дар партави омодагӣ ба ҷашни 30-солагии Истиқлоли давлатии Ҷумҳурии Тоҷикистон дар ҳолест, ки бо иштироки раиси шаҳри Ҳисор Шарифҷон Ҷумъазода дар ҷамоатҳои деҳоти Сомон, Навобод ва Мирзо Ризо иншооти ҷашнӣ, аз қабили бунгоҳҳи саломатӣ, толори варзишӣ, сехи дӯзандагӣ, мағозаи хӯрокворӣ, сехи қаннодӣ, утоқи кори раиси маҳалла, дарвозаи деҳа ва чанд иншооти дигар мавриди истифода қарор гирифтаанд ва раиси шаҳр ба соҳибкорону сокинони бунёдкори ин маҳаллаҳо барои чунин амалҳои нек ва созандагию бунёдкорӣ арзи сипос намуд.
Дар ноҳияи Муъминобод корҳои сохтмонӣ вусъати тоза меёбанд
Сарвазири Тоҷикистон Қоҳир Расулзода дар ноҳияи Ашт бо раванди бунёди неругоҳи барқи офтобӣ шинос шуд
Дар Суғд бо мақсади таҷлили шоистаи ҷашни Наврӯз корҳои сабзу хуррамгардонӣ оғоз шуданд
Дар шаҳри Кӯлоб таҳти раёсати Сарвазири Ҷумҳурии Тоҷикистон ҷаласаи корӣ баргузор шуд
Сарвазири мамлакат Қоҳир Расулзода дар шаҳри Кӯлоб бо корҳои сохтмонӣ ва соҳилмустаҳкамкунӣ шинос гардид
Бахшида ба 10-солагии мақоми шаҳрро касб намудани Ҳисор ҳамоиш баргузор гардид
Оид ба рушди индустриалӣ-аграрии Тоҷикистон конференсия баргузор гардид
Сарвазири Тоҷикистон дар ноҳияи Мир Сайид Алии Ҳамадонӣ бо корҳои созандагию ободонӣ шинос гардид
Бахшида ба 35-солагии Истиқлоли давлатӣ дар деҳаи Мадми ноҳияи Айнӣ муассисаи таҳсилоти миёнаи умумии №20 бунёд карда мешавад
«ЭМОМАЛӢ РАҲМОН — АБАРМАРДИ ТАЪРИХСОЗ». Таҳти ин унвон Озмуни ҷумҳуриявии «Мақолаи беҳтарин» баргузор мегардад
СОЛИ ОБОДОНИЮ СОЗАНДАГӢ. Дар Хоруғ озмунҳои шаҳрӣ ва иқдоми бунёдкорӣ гузаронида мешаванд
Дар ноҳияи Мастчоҳ 200 иншооти таъйиноти гуногун бунёд карда мешавад
