ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Оилаи Ғафуровҳо дар деҳаи Ёзғанди Сангвор майдончаи варзишӣ ба истифода доданд
САНГВОР, 23.10.2020 /АМИТ «Ховар»/. Ба шарафи ҷашни 30-солагии Истиқлоли давлатии Ҷумҳурии Тоҷикистон дар деҳаи Ёзғанди ноҳияи Сангвор майдончаи варзишии замонавӣ бунёд гардид.
Майдончаи мазкур бо ташаббуси истиқоматкунандаи деҳаи Ёзғанд Юсуф Ғафуров ҳамроҳ бо фарзандонаш бунёд гардид. Ба гуфтаи намояндагони ҳукумати ноҳияи Сангвор, Юсуф Ғафуров ва фарзандонаш аз ҷумлаи фарзандони ватандӯсту ватанпараст, бунёдкору созанда мебошанд, зеро дар ин деҳа чандин маротиба дар корҳои хайру савоб ва ободкориҳо саҳм гузоштаанд. Бо ташаббуси ин оила синфхонаҳои мактаби деҳа таъмир ва бо мизу курсию ашёи хониш таъмин гардиданд. Ду километр роҳи деҳа чароғон карда шуд. Ба як қисми деҳа, ки сокинонаш аз оби нӯшокӣ танқисӣ доштанд, хати об гузаронида, хатнасури дастаҷамъонаи кӯдакони оилаҳои камбизоатро баргузор карданд. Ба муҳассилини мактаби деҳа дар оғози соли нави хониши солҳои гузашта ашёи хониш тақдим намуданд.
Оилаи Ғафуровҳо дар корҳои ободонии деҳа ҳамеша саҳм гузошта, ният доранд дар шафати майдонча маркази савдои замонавӣ ва нуқтаи таъмири нақлиёт бунёд намоянд.
Масъулин зикр намуданд, ки вазъи имрӯзаи ҷаҳон тақозо менамояд, ки насли наврас бояд солим бошад, дониш ва касбу ҳунарҳои замонавиро аз худ намояд. Дар ҷаҳони пуртазоди имрӯза фақат насли наврасе, ки дониш ва касбу ҳунарҳои замонавиро хуб аз худ кардааст, метавонад дар оянда рушди босуботи иқтисодии мамлакатро таъмин намояд.
Аз мулоқотҳои пайвастаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо ҷавонони мамлакат хулоса баровардан мумкин аст, ки Сарвари давлат ба насли ҷавон таваҷҷуҳи хосса дошта, ба неруи созанда ва қувваи пешбарандаи онҳо боварии комил доранд. Дар давраи соҳибистиқлолӣ, новобаста аз мушкилоти иҷтимоиву иқтисодӣ, дар ҷумҳурӣ оид ба нигоҳдории саломатии аҳолӣ, аз ҷумла наврасон ва ҷавонон тадбирҳои муҳим амалӣ гардидаанд, зеро солимӣ неруест, ки барои беҳбуди вазъи иҷтимоию иқтисодӣ ва инкишофи инсон шароити мусоид фароҳам меорад.
Дар Минтақаи озоди иқтисодии «Кӯлоб» бинои гузаргоҳи гумрукӣ ва чоҳи амудӣ ба истифода дода шуд
Пешвои миллат Эмомалӣ Раҳмон дар чорабинии тантанавии идона ба ифтихори ҷашни 35-солагии Истиқлоли давлатӣ дар варзишгоҳи шаҳри Кӯлоб иштирок намуданд
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба ифтихори ҷашни 35-солагии Истиқлоли давлатӣ дар варзишгоҳи шаҳри Кӯлоб
Раиси шаҳри Душанбе Рустами Эмомалӣ оромгоҳи Мир Сайид Алии Ҳамадониро зиёрат намуданд
Даври ниҳоии Озмуни ҷумҳуриявии «Донандаи беҳтарини асарҳои Пешвои миллат» оғоз гардид
Сарвари давлат Эмомалӣ Раҳмон барои бунёди маҷмааи нассоҷӣ дар Минтақаи озоди иқтисодии Кӯлоб санги асос гузоштанд
Пешвои миллат Эмомалӣ Раҳмон бо лоиҳаҳои роҳ ва пулҳои мошингард дар минтақаи Кӯлоб шинос шуданд
Президенти Ҷумҳурии Тоҷикистон Эмомалӣ Раҳмон ба таври фосилавӣ 17 иншоотро дар ҳудуди шаҳри Кӯлоб ифтитоҳ намуданд
Сарвари давлат Эмомалӣ Раҳмон бинои нави маъмурияти минтақаи озоди иқтисодии «Кӯлоб»-ро мавриди баҳрабардорӣ қарор доданд
Сарвари давлат Эмомалӣ Раҳмон дар минтақаи озоди иқтисодии Кӯлоб корхонаи истеҳсоли қисмҳои эҳтиётии автомобилӣ ҶДММ «Тоҷик-Алмос»-ро мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Кӯлоб марказҳои обтаъминкунӣ ва корезро ба истифода доданд
Пешвои миллат Эмомалӣ Раҳмон ба шаҳри Кӯлоб Беморхонаи хусусии ташхисию табобатии «Мирзоён»-ро ба истифода доданд
