Дар ҷануби Тоҷикистон ба комиссияҳои даъватӣ барои фаъолияти хуб изҳори сипос намуданд

БОХТАР, 21.10.2020 /АМИТ «Ховар»/. Ҷаласаи Шӯрои вилояти Хатлон оид ба омӯзиши ҳуқуқии шаҳрвандон таҳти раёсати раиси вилояти Хатлон Қурбон Ҳакимзода дар толори конфронсҳои комиссариати ҳарбии Хатлон баргузор гардид, хабар медиҳад мақомоти иҷроияи ҳокимияти давлатии вилоят.

Зикр карда шуд, ки то имрӯз нақшаи даъвати наваскарон дар вилояти Хатлон 90% иҷро шудааст.

Раиси вилоят Қурбон Ҳакимзода аз кормандони комиссияҳои даъватии Норак, Шамсиддин Шоҳин, Бохтар, Носири Хусрав, Данғара, Вахш, Хуросон, Қубодиён, Дӯстӣ барои сари вақт иҷро намудани нақшаи даъват, ташкил ва дар сатҳи баланд гузаронидани маъракаи даъвати наваскарон изҳори сипос намуд.

Дар рӯзҳои наздик дар ноҳияҳои Ховалинг, Балҷувон, Темурмалик ва Ёвон низ маъракаи сафарбаркунии ҷавонон ба сафи Қувваҳои мусаллаҳи Тоҷикистон ба анҷом мерасад.