«Корвони зиддимухаддиротӣ-2020» дар Бадахшон қарор дорад
ДУШАНБЕ, 21.10.2020 /АМИТ«Ховар»/. «Корвони зиддимухаддиротӣ -2020», ки бо ташаббуси Агентии назорати маводи нашъаовари назди Президенти Ҷумҳурии Тоҷикистон ва Вазорати корҳои дохилӣ дар шаҳру ноҳияҳои Вилояти Мухтори Кӯҳистони Бадахшон роҳандозӣ гардида буд, ба шаҳри Хоруғ расид.
Тавре аз Агентии назорати маводи нашъаовари назди Президенти Ҷумҳурии Тоҷикистон хабар доданд, дар ҳамоиши навбатӣ, ки дар маҷмааи варзишии шаҳри Хоруғ доир гардид, роҳбарон ва кормандони мақомоти иҷроияи ҳокимияти давлатии вилоят ва шаҳр, ҳифзи ҳуқуқ, устодон ва донишҷӯёни Донишгоҳи давлатии Хоруғ, хонандагони фаъоли муассисаҳои таҳсилоти миёнаи умумӣ ва касбию техникӣ, намояндагони ташкилоти ғайридавлатӣ, инчунин варзишгарон иштирок намуданд.
«Корвони зиддимухаддиротӣ — 2020» таҳти шиори «Якҷо бар зидди маводи нашъадор мубориза мебарем» ҷиҳати иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон ва амалишавии «Стратегияи миллии мубориза бар зидди гардиши ғайриқонунии маводи мухаддир дар Ҷумҳурии Тоҷикистон барои солҳои 2013-2020» ба роҳ монда шудааст.
Ҳадафи ин корвон роҳандозӣ намудани тарғиби тарзи ҳаёти солим, пешгирию коҳиш додани сатҳи нашъамандӣ ва баланд бардоштани маълумотнокии аҳолӣ оид ба зарари маводи мухаддир дар ҷомеа мебошад.
Тибқи нақшаи корвони мазкур, дар толори маҷмааи варзишии шаҳри Хоруғ байни наврасону ҷавонон мусобиқаҳои варзишӣ, аз қабили волейбол, шашка ва шоҳмот гузаронида шуданд.
Зимни ҳамоиш муовини раиси Вилояти Мухтори Кӯҳистони Бадахшон Назира Амирбекзода аз номи роҳбарони вилоят ба созмондиҳандагони «Корвони зиддимухаддиротӣ -2020» изҳори сипос намуда, зикр кард, ки таъсири манфии ин падидаи номатлуб метавонад ба тамоми табақаи ҷомеа зарар расонад.
Намояндаи Агентии назорати маводи нашъаовари назди Президенти Ҷумҳурии Тоҷикистон Бозоралӣ Сафарализода иброз дошт, ки бо ҷонибдорӣ аз сиёсати пешгирифтаи Ҳукумати Ҷумҳурии Тоҷикистон дар самти мубориза бо муомилоти ғайриқонунии маводи нашъадор ва дастуру супоришҳои Пешвои миллат муҳтарам Эмомалӣ Раҳмон, Агентӣ ва дигар мақомоти дахлдор фаъолияти оштинопазири худро бар зидди қочоқ, интиқол ва паҳншавии маводи мухаддир, бахусус истеъмоли он ба роҳ монда, пайваста дар ин самт тадбирҳои зарурӣ меандешанд.
Зикр шуд, ки «Стратегияи миллии мубориза бар зидди гардиши ғайриқонунии маводи мухаддир дар Ҷумҳурии Тоҷикистон барои солҳои 2013-2020» дар ин самт ҳуҷҷати калидӣ ба шумор рафта, Агентӣ дар якҷоягӣ бо дигар мақомоти марбута ҳамкории самараноки худро дар самти пешгирии нашъамандӣ тақвият бахшида, дар коҳиш додани талабот ба маводи мухаддир тадбирҳои судманд андешида, ба натиҷаҳои назаррас ноил гардидааст.
ТАЪТИЛРО БОСАМАР ГУЗАРОНЕМ! Таҳти ин шиор Донишгоҳи байналмилалии забонҳои хориҷии Тоҷикистон озмуни китобхонии фосилавиро эълон намуд
Ваколатдор оид ба ҳуқуқи инсон ҷиҳати баланд бардоштани маърифати ҳуқуқии шаҳрвандон 46 машварати сайёри ҳуқуқӣ гузаронид
Пагоҳ дар Агентии хизмати давлатӣ, Хадамоти назорати давлатии бехатарии корҳо дар саноат ва соҳаи кӯҳкорӣ, Академияи идоракунии давлатӣ ва Саридораи геология нишасти матбуотӣ баргузор мегардад
Вазорати энергетика: «Воридот ва нархи гази моеъ таҳти назорати мақомоти ваколатдори соҳа қарор дорад»
«ФАЙЗИ ИСТИҚЛОЛ». Дар басти сеюми ин лагер 410 кӯдаку наврас ба истироҳат фаро гирифта шуд
Суҳбат дар баландӣ. Сокинони ВМКБ бо топ-менеҷерони ширкати «МегаФон Тоҷикистон» мулоқот намуданд
Дар Кӯлоб вобаста ба саҳми шуроҳои ҷамъиятӣ дар амалишавии ислоҳоти милитсия ҳамоиш баргузор шуд
Имрӯз дар Тоҷикистон ҳавои тағйирёбанда пешгӯӣ шудааст
Бо иқдоми соҳибкорони ватанӣ заминҳои кишоварзии ноҳияи Деваштич обёрӣ гардиданд
Таътили тобистонаи хонандагон дар истироҳатгоҳи омӯзишии «Истиқлол»-и назди Донишгоҳи давлатии Кӯлоб бофароғат мегузарад
