Сокинони деҳаи Аҳоруни шаҳри Турсунзода бо оби тозаи нушокӣ таъмин шуданд
ТУРСУНЗОДА, 29.10.2020 /АМИТ «Ховар»/. Ба истиқболи ҷашни 30-солагии Истиқлоли давлатии Ҷумҳурии Тоҷикистон ва дар доираи Даҳсолаи байналмилалии амал «Об барои рушди устувор», солҳои 2018-2028 дирӯз, 28 октябр дар деҳаи Аҳоруни ҷамоати деҳоти Қаратоғи шаҳри Турсунзода бо иштироки директори генералии КВД “Хоҷагии манзилию коммуналӣ”-и Ҷумҳурии Тоҷикистон Ҷамшед Табарзода ва раиси шаҳри Турсунзода Парвиз Акрамзода барои 300 хоҷагӣ, ки беш аз 1000 нафар аҳолиро дар бар мегиранд, хати оби нӯшокӣ мавриди баҳрабардорӣ қарор дода шуд. Дар ин бора котиби матбуоти раиси шаҳри Турсунзода Фирӯз Холиқов ба хабарнигори АМИТ «Ховар» иттилоъ дод.
Ин кори муҳим бо ташаббуси мақомоти иҷроияи ҳокимияти давлатии шаҳри Турсунзода, дастгирии Корхонаи воҳиди давлатии «Хоҷагии манзилию коммуналӣ» ва Сарраёсати «Тоҷикобдеҳот», Корхонаи истифодабарии оби нӯшокии деҳоти шаҳри Турсунзода, инчунин саҳми соҳибкорони маҳаллӣ, фаъолон ва сокинони деҳот амалӣ гардид.
Зимни суҳбат бо сокинони деҳа раиси шаҳри Турсунзода Парвиз Акрамзода ба соҳибкорону фаъолон ва сокинони деҳаи Аҳорун, ки дар ин иқдоми муҳим саҳм гузоштаанд, изҳори сипос намуда, иброз дошт, ки мардуми меҳнатдӯсти шаҳри Турсунзода дар баробари дигар сокинони шаҳру ноҳияҳои мамлакат иқдоми созандаи муҳтарам Пешвои миллатро дар амал татбиқ намуда, ҷиҳати ҳалли масъалаҳои иҷтимоии аҳолӣ бо роҳи беҳтар намудани инфрасохтор, пеш аз ҳама, дар соҳаҳои маорифу тандурустӣ, таъсиси ҷойҳои корӣ, бунёду таҷдиди роҳҳои маҳаллӣ, ба талаботи муосир мутобиқ сохтани сатҳи хизматрасонӣ ва баланд бардоштани некӯаҳволии мардум корҳои назаррас амалӣ намуда истодаанд. Таъмин кардани аҳолии деҳаи Аҳорун бо оби босифати ошомиданӣ аз ҷумлаи онҳост.
Масъулини шаҳр гуфтанд, ки хати оби нӯшокии деҳаи Аҳорун аз масофаи 3500 метр бо қубури қутраш 90 мм кашида шуда, анҷоми корҳо бо ҳашари дастаҷамъонаи сокинони деҳа дар ҳамкорӣ бо мутахассисон ва техникаи Корхонаи истифодабарии оби нӯшокии деҳоти шаҳри Турсунзода сурат гирифтааст.
Дар ҷаласаи Шурои ҷамъиятии Ҷумҳурии Тоҷикистон механизмҳои нави ҳимояи ҳуқуқи муҳоҷирони меҳнатӣ баррасӣ гардид
Бахшида ба Рӯзи Конститутсия дар Кумитаи иҷроияи ҲХДТ дар вилояти Суғд ҳамоиш доир шуд
Дар ноҳияи Данғара нақшаи ҷамъоварии пахта 100 фоиз иҷро гардид
Дар ноҳияи Деваштич иншооти гуногуни иҷтимоӣ ба истифода дода шуданд
Сарвари давлат Эмомалӣ Раҳмон ба таври фосилавӣ як қатор иншооти таъиноти гуногунро дар вилояти Суғд мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд тарабхонаи «Форел Платинум»-ро мавриди истифода қарор доданд
Пешвои миллат Эмомалӣ Раҳмон дар минтақаи озоди иқтисодии Суғд корхонаи нӯшокиҳои ташнагишикани ҶДММ «Райан»-ро ба истифода доданд
Дар Академияи идоракунии давлатӣ оид ба нақши Конститутсия дар таъмини баробарии гендерӣ ҳамоиш доир шуд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич муассисаи таҳсилоти миёнаи умумии №70-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Деваштич корхонаи коркарди меваю сабзавот ва истеҳсоли афшураи ҶДММ «Витаминҳои Тоҷикистон»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон ба таври фосилавӣ дар шаҳри Истаравшан 12 иншоотро мавриди истифода қарор доданд
Пешвои миллат Эмомалӣ Раҳмон дар шаҳри Истаравшан бинои маҷмааи миллии соҳибкории «Роҳи Абрешим»-ро мавриди истифода қарор доданд
