«Агротехникаи кишти ғалладонагиҳои тирамоҳӣ дар заминҳои лалмии мавзеи Олимтой». Таҳти чунин унвон дар Данғара семинари илмии омӯзишӣ доир гардид

Ноябрь 18, 2020 10:04

ДУШАНБЕ, 18.11.2020 /АМИТ «Ховар»/. 17 ноябр дар ноҳияи Данғараи вилояти Хатлон дар мавзӯи «Агротехникаи кишти ғалладонагиҳои тирамоҳӣ дар заминҳои лалмии мавзеи Олимтой»-и ноҳияи Данғара семинари илмии омӯзишӣ доир гардид. Дар он муовини Сарвазири мамлакат Давлатшоҳ Гулмаҳмадзода, Вазири кишоварзии Ҷумҳурии Тоҷикистон Сулаймон Зиёзода, Раиси вилояти Хатлон Қурбон Ҳакимзода, раисони ноҳияҳои вилоят ва дигар намояндагони соҳаи кишоварзии мамлакат иштирок намуданд.

Дар семинари илмии омӯзишӣ маҳсулоти ғалладонагӣ, аз ҷумла навъҳои гандуми “Наврӯз”, “Ормон”, “Фарҳад-60”, “Анварӣ” ва дигар намудҳо, инчунин техникаҳои барои кишти тирамоҳӣ нигаронидашуда  намоиш дода шуданд. Муовини Сарвазири мамлакат Давлатшоҳ Гулмаҳмадзода ва дигар намояндагон аз заминҳои кишти тирамоҳии ноҳияи Данғара дидан намуданд.

Дар семинар аз ҷониби олимони Академияи илмҳои кишоварзии Тоҷикистон доир ба кишт ва парвариши маҳсулоти ғалладонагӣ, аз ҷумла гандум маърӯза ва тавсияҳо пешниҳод гардиданд.

Ёдовар мешавем, ки 16 сентябри соли равон  Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар заминҳои Ҷамъияти саҳомии кушодаи «Парандапарвар»-и ноҳияи Ҷаббор Расулов ба кишти тирамоҳии гандум оғоз бахшида, хоҷагидоронро ба рияои қоидаҳои агротехникӣ, интихоби тухмии хушсифат, таъмини амнияти озуқаворӣ, обёрии заминҳо, истеҳсол, захира ва содироти маҳсулоти кишоварзӣ ҳидоят намуданд.

Мавриди зикр аст, ки ба гардиши кишоварзӣ даровардани заминҳои бекорхобида, истифодаи самараноки заминҳо, таъсиси ҷойҳои нави корӣ ва ба ин  восита беҳбуд бахшидани сатҳи зиндагии мардум аз ҳадафҳои асосии Ҳукумати мамлакат дар роҳи таъмини амнияти озуқаворӣ мебошад.

Барои сари вақт ба анҷом расонидани шудгор ва кишти тирамоҳӣ дар ҷумҳурӣ ҳар сол аз ҷониби Вазорати кишоварзии Ҷумҳурии Тоҷикистон аз ҳисоби мутахассисони соҳа дар ҳамаи шаҳру ноҳияҳои ҷумҳурӣ ситодҳои корӣ таъсис дода мешаванд.

Ноябрь 18, 2020 10:04

Хабарҳои дигари ин бахш

Истгоҳи обуҳавосанҷии Горбунов дар пиряхи «Тоҷикистон» навсозӣ карда мешавад
ҚАТЪНОМАИ ТАЪРИХӢ БАРОИ ОСИЁИ МАРКАЗӢ. Чӣ гуна ташаббуси Президенти Тоҷикистон зеҳни сунъиро ба рӯзномаи Маҷмаи Умумии СММ ворид кард
Ба бунёди боғҳои интенсивӣ ва суперинтенсивӣ таваҷҷуҳро бештар намоем. Шарҳи коршинос
Ҳаҷми маблағгузории Фонди иқлими сабз барои Тоҷикистон ба 235 миллион доллар расидааст
Ҷаласаи навбатии Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир шуд
«БАРНОМАИ ДАВЛАТИИ РУШДИ МАЪРИФАТ ВА ФАРҲАНГИ ЭКОЛОГӢ». Он ба баланд бардоштани фарҳанги экологии аҳолӣ равона шудааст
Тоҷикистон дар COP31 таъсиси платформаи минтақавии инноватсияҳои «сабз»-ро дар Осиёи Марказӣ пешниҳод намуд
Директори Агентии авиатсияи гражданӣ Ҳабибулло Назарзода дар Ассамблеяи 43-юми ИКАО дар шаҳри Монреали Канада иштирок намуд
Ҳамкории Тоҷикистон бо Фонди ОПЕК дар самти ҳифзи муҳити зист густариш меёбад
Дар Кӯлоб таҳти роҳбарии муовини Сарвазири Тоҷикистон Усмоналӣ Усмонзода ҷаласаи гурӯҳи корӣ доир шуд
Тоҷикистон ва ИМА таъсиси Шурои муштараки кориро баррасӣ намуданд
Дар Павилиони миллии Тоҷикистон дар COP31 чорабинии минтақавӣ баргузор гардид