Бахшида ба Рӯзи Президент дар Маҷлиси миллии Маҷлиси Олӣ ҳамоиши тантанавӣ баргузор гардид

Ноябрь 17, 2020 08:23

ДУШАНБЕ, 17.11.2020. /АМИТ «Ховар»/. 16 ноябр бахшида ба Рӯзи Президенти Ҷумҳурии  Тоҷикистон дар Маҷлиси миллии Маҷлиси Олӣ бо иштироки кормандони дастгоҳи Маҷлиси миллӣ ҳамоиши тантанавӣ баргузор гардид.

Дар ин бора ба АМИТ «Ховар» ёвари Раиси Маҷлиси миллӣ оид ба робита бо воситаҳои  ахбори омма ва созмонҳои ғайридавлатӣ  Наврӯз Қурбонзода хабар дод.

Муовини роҳбари дастгоҳи Маҷлиси миллӣ Искандаршоҳ Каримзода вобаста ба аҳамияти таърихии Иҷлосияи XVI Шӯрои Олӣ ва Рӯзи Президенти Ҷумҳурии Тоҷикистон маърӯза карда, онҳоро барои халқи тоҷик санаи муқаддас арзёбӣ намуд.

Зикр гардид, ки шурӯъ аз 16 ноябри соли 1994, ки аввалин бор муҳтарам  Эмомалӣ Раҳмон  ба ҳайси  Президенти Ҷумҳурии Тоҷикистон савганд ёд карда буданд, тибқи Конститутсия давлати соҳибихтиёри мо ба шакли идоракунии президентӣ гузашт.

Ба ин хотир ҳамасола дар мамлакат 16 ноябр ҳамчун Рӯзи Президенти Ҷумҳурии Тоҷикистон бо шаҳомати хосса ҷашн гирифта мешавад, ки асосҳои худро дар Қонуни Ҷумҳурии Тоҷикистон “Дар бораи рӯзҳои ид” ёфтааст.

Дар таърихи давлатдории давлатҳои пешрафтаи ҷаҳон шахсиятҳои таърихиву барҷастае вомехӯранд, ки дар марҳалаи барои кишварашон мураккабу ҳассос ба арсаи сиёсат омада, суботу осоиштагӣ ва роҳи рушди минбаъдаи мамлакати худро муайян намудаанд.

Дар Тоҷикистон маҳз Президенти мамлакат, Пешвои миллат муҳтарам Эмомалӣ Раҳмон бо амалҳои неку хирадмандонаашон мардуми парешонро дар атрофи худ муттаҳид намуда, бо қадамҳои устувор ба рушду суботи минбаъда ҳидоят карданд.

Ҳамзамон дар ҳамоиш кормандони Дастгоҳи Маҷлиси миллӣ Нарзулло Маҳмудов, Нурулло Қурбонализода ва Парвиз Шамолов вобаста ба Рӯзи Президенти Ҷумҳурии Тоҷикистон маърӯзаҳои пурмуҳтаво намуданд.

Ноябрь 17, 2020 08:23

Хабарҳои дигари ин бахш

Вакилони мардумӣ дар шаҳру ноҳияҳои Тоҷикистон бо намояндагони ҷомеа ва ходимони дин мулоқот намуданд
Тадбирҳои мубориза бо муҳоҷирати ғайриқонунӣ дар давлатҳои аъзои Созмони Аҳдномаи амнияти дастҷамъӣ пешниҳод гардиданд
Дар Душанбе вазъ ва дурнамои ҳамкории байнипарлумонии Тоҷикистон ва Гурҷистон баррасӣ шуд
Рустами Эмомалӣ ба Валентина Матвиенко ва Вячеслав Володин барқияи изҳори тасаллӣ ирсол намуданд
БАР ЗИДДИ ИФРОТГАРОИВУ ТЕРРОРИЗМ САРҶАМЪОНА МУБОРИЗА БАРЕМ. Андешаҳо дар ҳошияи мулоқоти Президенти Тоҷикистон бо намояндагони ҷомеа ва ходимони дин
Дар Маҷлиси намояндагони Маҷлиси Олии Ҷумҳурии Тоҷикистон созишномаҳо ба тасвиб расиданд
САРМОЯИ ИНСОНӢ. Рушд ва самаранокии истифодаи сармояи инсонӣ барои давлату Ҳукумат аҳамияти аввалиндараҷа дорад
Дар Маҷлиси намояндагони Маҷлиси Олии Ҷумҳурии Тоҷикистон Рӯзи Модар пуршукуҳ таҷлил гардид
НАҚШИ ЗАНОН ДАР ПАРЛУМОНИ ТОҶИКИСТОН. 8 зан аъзои Маҷлиси миллӣ ва 16 нафар вакили Маҷлиси намояндагон мебошанд
Дар Душанбе бахшида ба Соли маърифати ҳуқуқӣ ҳамоиш баргузор гардид
Имрӯз дар шаҳри Душанбе иҷлосияи ҳабдаҳуми Маҷлиси миллии Маҷлиси Олии Ҷумҳурии Тоҷикистон, даъвати шашум баргузор гардид
Дар Маҷлиси намояндагони Маҷлиси Олии Ҷумҳурии Тоҷикистон созишномаҳо ба тасвиб расиданд