Дар ҷаҳон зиёда аз 613 ҳазор нафар дар як шабонарӯзи охир ба коронавирус сироят ёфтанд

ДУШАНБЕ, 28.11.2020 /АМИТ «Ховар»/. Шумораи ҳолатҳои тасдиқшудаи сирояти коронавирус дар ҷаҳон давоми 24 соати охир беш аз 613 ҳазор зиёд шуда, аз 62 миллион нафар гузашт, хабар медиҳад АМИТ «Ховар» бо истинод ба маълумоти Созмони умумиҷаҳонии тандурустӣ (СУТ).

Шумораи фавтидагон беш аз 10 ҳазор афзуда, аз 1 миллиону 444 ҳазор нафар гузашт.

Омори СУТ танҳо маълумоти расман тасдиқшуда дар бораи ҳолатҳои сироят ва фавтро, ки давлатҳо пешниҳод кардаанд, ба назар мегирад. Рӯзи 28 ноябр СУТ дар бораи 62 004 949 ҳолати тасдиқшудаи COVID-19 ва 1 449 308 фавт маълумот гирифт. Шумораи гирифторон дар як шабонарӯз 613 237 ва фавт 10 821 нафар зиёд шуд.

Иёлоти Муттаҳида Америка аз рӯи шумораи сироятёфтагон дар ҷои аввал мебошад — 13 454 346. Баъд аз он Ҳиндустон (9 351 224), Бразилия (6 238 350), Россия (2 215 533), Франсия (2 196 119), Испания (1 646 192), Британияи Кабир (1 589 301), Италия (1 538 277), Аргентина (1 407 277), Колумбия (1 290 510), Мексика (1.090.675) ва Германия (1 027 325) қарор доранд.

АКС аз бойгонӣ