Дар Донишгоҳи давлатии Кӯлоб Конференсияи илмӣ-назариявӣ доир гардид

Ноябрь 27, 2020 09:47

ДУШАНБЕ, 27.11.2020. /АМИТ «Ховар»/. 26 ноябр дар толори фарҳангии Донишгоҳи давлатии Кӯлоб ба номи Абӯабдуллоҳи Рӯдакӣ Конференсияи илмӣ-назариявии ҳайати олимону профессорон ва донишҷӯён доир гардид.

Конференсияи мазкур зери унвони «Масъалаҳои мубрами илму маориф дар шароити ҷаҳонишавӣ» ба 75-солагии Донишгоҳи давлатии Кӯлоб бахшида шуда буд.

Бинобар сабаби пешгирӣ аз паҳншавии бемории сироятии COVID – 19  конференсия ба сурати фосилавӣ гузаронида шуд.

Дар конференсия донишмандону пажӯҳишгарон, намояндагони муассисаҳои таҳсилоти миёна ва олии касбӣ иштирок намуданд.

Ректори Донишгоҳи давлатии Кӯлоб, доктори илмҳои педагогӣ, профессор Абдусалом Мирализода оид ба саҳми донишгоҳ дар рушду инкишофи илму маориф сухан гуфт. Мавсуф зикр намуд, ки “имрӯзҳо ҳамаи сокинони мамлакат барои ба таври шоиста пешвоз гирифтани ҷашни бузурги 30-солагии Истиқлоли давлатии Ҷумҳурии Тоҷикистон бо рӯҳияи баланди созандагӣ баҳри ба даст овардани комёбиҳои нав меҳнат доранд. Раёсати донишгоҳ кӯшиш ба харҷ медиҳад, ки дар партави ҷашни 75-солагии таъсиси Донишгоҳи давлатии Кӯлоб ва 30-солагии Истиқлоли давлатии Ҷумҳурии Тоҷикистон бо истифода аз имконияти мавҷуда заминаи моддӣ-техникии муассисаро мустаҳкам намуда, барои баланд бардоштани сатҳу сифати таълим кӯшиш намояд ва соҳаҳои хоҷагидории мамлакатро бо мутахассисони рақобатпазири бозори меҳнат таъмин намояд”.

Дар конференсия  доир ба мавзӯъҳои «Нақши Асосгузори сулҳу ваҳдати миллӣ-Пешвои миллат муҳтарам Эмомалӣ Раҳмон дар рушди соҳаи маориф», “Аз таърихи мухтасари таъсисёбии Донишгоҳи давлатии Кӯлоб ба номи Абӯабдуллоҳи Рӯдакӣ”, “Аз таърихи донишгоҳҳои ҷаҳон” ва ғайра маърӯзаҳои илмии донишмандон шунида шуданд.

Дар кори конференсия 288 нафар олимону пажӯҳишгарон аз муассисаҳои таҳсилоти миёнаю олии касбӣ, Академияи миллии илмҳои Ҷумҳурии Тоҷикистон, Вазорати маориф ва илми Ҷумҳурии Тоҷикистон иштирок карданд.

Дар бахши дуюми конференсия ҳозирин ба бахшҳои соҳавӣ тақсим шуда, мавзӯъҳои таҳқиқнамудаашонро ба муҳокимаи иштирокдорон манзур намуданд.

Ноябрь 27, 2020 09:47

Хабарҳои дигари ин бахш

ОБУ ҲАВО: 13-14 август дар Тоҷикистон омадани селҳои пиряхӣ дар назар аст
ОБУ ҲАВО: Имрӯз дар шаҳри Душанбе ҳаво рӯзона 35+37 дараҷа гарм мешавад
МАЪРИФАТИ ЭКОЛОГӢ. Бо сокинону истироҳаткунандагони соҳили дарёи Варзоб корҳои фаҳмондадиҳӣ гузаронида шуданд
ОБУ ҲАВО: Имрӯз дар Тоҷикистон ҳавои камабри бебориш дар назар аст
ОБУ ҲАВО: Имрӯз дар Тоҷикистон вазиши сахти шамол ва ба амал омадани чангу ғубор дар назар аст
Дар Батуми Консулгарии фахрии Ҷумҳурии Тоҷикистон кушода шуд
ОБУ ҲАВО: 9-10 август дар ноҳияҳои кӯҳӣ ва баландкӯҳи Тоҷикистон омадани селҳои пиряхӣ дар назар аст
ОБУ ҲАВО: Имрӯз дар Тоҷикистон ҳавои камабри бебориш дар назар аст
Хоҷагии фермерии «Расим»-и ноҳияи Шуғнон яке аз беҳтаринҳо дониста шуда, соҳиби 30 ҳисса замини иловагӣ мегардад
ОБУ ҲАВО: Имрӯз дар шаҳри Душанбе ҳаво рӯзона 36+38 дараҷа гарм мешавад
ОБУ ҲАВО: Имрӯз дар Тоҷикистон ҳавои камабри бебориш дар назар аст
ҶАМЪБАСТИ НИШАСТҲОИ МАТБУОТӢ. Имрӯз Вазорати нақлиёт, Агентии назорати маводи нашъаовар, Палатаи савдо ва саноат нишасти матбуотӣ баргузор менамоянд

Маводҳои таҳлилӣ