Даври дувоздаҳуми Муколамаи ҳуқуқи инсон байни Ҷумҳурии Тоҷикистон ва Иттиҳоди Аврупо доир гардид
ДУШАНБЕ, 12.11.2020 /АМИТ «Ховар»/. 11 ноябр даври дувоздаҳуми Муколамаи ҳуқуқи инсон байни Ҷумҳурии Тоҷикистон ва Иттиҳоди Аврупо доир гардид.
Тавре АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар дод, дар нишасти мазкур ҳайати Ҷумҳурии Тоҷикистонро сардори Раёсати кафолатҳои ҳуқуқи инсони Дастгоҳи иҷроияи Президенти Ҷумҳурии Тоҷикистон Абдуҷаббор Сатторзода ва ҳайати Иттиҳоди Аврупоро сардори Шуъбаи кишварҳои Осиёи Марказии Хадамоти аврупоии корҳои хориҷии Иттиҳоди Аврупо Борис Ярошевич роҳбарӣ намуданд. Дар ҳамоиш ҳамчунин Роҳбари Намояндагии Иттиҳоди Аврупо дар Тоҷикистон Мэрилин Йосефсон, Сафири Франсия дар Тоҷикистон Мишел Тарран ва Сафири Германия дар Тоҷикистон Андреас Протманн иштирок намуданд.
Рӯзномаи ҷаласа мавзӯъҳои зеринро дар бар мегирифт: вазъи ҳуқуқи инсон дар Ҷумҳурии Тоҷикистон ва Иттиҳоди Аврупо пас аз муколамаи охирин ва дар давраи ҳамагирии COVID-19, озодии баён, аз ҷумла озодии ВАО, озодии иттиҳодияҳо ва иштироки онҳо дар ҳаёти сиёсӣ, гирдиҳамоиҳои осоишта ва озодии эътиқод, озодии дин ва виҷдон, ҳуқуқи занон, аз ҷумла зӯроварӣ нисбат ба занон, шиканҷа, бадрафторӣ ва шароити нигоҳдорӣ дар маҳбасҳо. Ҳамчунин ҳамкорӣ дар чаҳорчӯби абзори бисёрҷониба, Барномаи умумии имтиёзи Иттиҳоди Аврупо (GSP+) ва лоиҳаҳои дигари дуҷониба мавриди баррасӣ қарор гирифтанд.
АКС аз ВКХ ҶТ
Сафири Тоҷикистон бо Мудири кулли Мақомоти федералии андози Амороти Муттаҳидаи Араб мулоқот намуд
Вазири корҳои хориҷии Тоҷикистон бо Сарвазири Гурҷистон вохӯрӣ намуд
Сироҷиддин Муҳриддин бо муовини Сарвазир, Вазири корҳои хориҷии Гурҷистон мулоқот намуд
Ҳамкории Тоҷикистон бо Бонки ҷаҳонӣ баррасӣ гардид
Дар Берлин нахустин Маркази инноватсионии зеҳни сунъӣ дар Осиёи Марказӣ бо дастгирии NVIDIA муаррифӣ гардид
Дурнамои ҳамкории Тоҷикистон бо Донишгоҳи давлатии аграрии Урали Ҷанубӣ баррасӣ шуд
Дар Душанбе оид ба дурнамои ҳамкории Тоҷикистон бо САҲА мубодилаи афкор доир шуд
Донишҷӯёни Донишкадаи Diplomun Institute бо фаъолияти Намояндагии доимии Тоҷикистон дар Женева шинос шуданд
Сафири Тоҷикистон ба вазири корҳои хориҷии Алҷазоир нусхаи эътимоднома супорид
Қоҳир Расулзода: «Раёсати Тоҷикистон дар Созмони ҳамкории Шанхай ба иқтисод ва мавқеи ин созмони бонуфуз таҳким бахшид»
Дар Душанбе ҷаласаи Шурои сарони ҳукуматҳо (сарвазирон)-и давлатҳои аъзои Созмони ҳамкории Шанхай баргузор гардид
Имконоти сармоягузорӣ, тиҷорат ва соҳибкории Тоҷикистон дар расонаҳои Амороти Муттаҳидаи Арабӣ муаррифӣ гардиданд
