Парчами давлатӣ – таҷассуми гузаштаи шоён ва ояндаи дурахшон. Дар Донишгоҳи давлатии Данғара конфронси илмӣ-назариявӣ баргузор гардид

Ноябрь 24, 2020 13:02

ДУШАНБЕ, 24.11.2020 /АМИТ «Ховар»/. 24 ноябри соли 2020 сокинону ҷавонон, кормандони ташкилоту муассисаҳои ноҳия, сарбозон, курсантони кафедраи ҳарбӣ ва донишҷӯёни Донишгоҳи давлатии Данғара бо Парчами муқаддаси Ҷумҳурии Тоҷикистон, аксҳои қаҳрамонони Тоҷикистон ва шиору овезаҳо аз кӯчаи марказӣ то майдони Касри фарҳанги ноҳия дар роҳпаймоӣ таҳти унвони «Парчам-рамзи озодӣ ва саодати халқи тоҷик» фаъолона ширкат варзиданд. Дар ин бора ёвари ректор ва мудири бахши робита бо фазои иттилоотии Донишгоҳи давлатии Данғара Муҳаммад Шораҳимзода ба АМИТ «Ховар» хабар дод.

Баъдан дар толори фарҳангии Донишгоҳи давлатии Данғара бахшида ба Рӯзи Парчами давлатии Ҷумҳурии Тоҷикистон конфронси илмӣ-назариявӣ баргузор гардид. Ҷамъомади тантанавӣ бо ворид шудани меҳмонон ба толор ва садо додани Суруди миллии Тоҷикистон оғоз ёфт.

Дар ҷамъомади тантанавӣ собиқадорони меҳнат, барқароркунандагони сохти конститутсионӣ, роҳбарони мақомоти ҳифзи ҳуқуқ, мудирони шуъбаву бахшҳои Мақомоти иҷроияи ҳокимияти давлатии ноҳияи Данғара, ҳайати устодону кормандон ва донишҷӯёни Донишгоҳи давлатии Данғара, намояндагони соҳаҳои гуногун ва сарбозону афсарони шуҷои қисмҳои низомии ноҳия ширкат намуданд.

Ректори Донишгоҳи давлатии Данғара, профессор Нуралӣ Шоҳиён конфронсро ифтитоҳ намуда, иштирокчиёнро ба муносибати Рӯзи Парчами давлатии Ҷумҳурии Тоҷикистон самимона шодбош гуфта, иброз намуд, ки “давлатсозӣ ва давлатдории тоҷикон низ таърих ва суннати қадима дорад. Аҷдодони мо ҳанӯз аз замони қадим соҳиби парчам буданд ва дар адабиёти қадимаи миллат он бо номи дирафш ёд мешавад. Хушбахтона, бо шарофати Истиқлоли давлатӣ ва талошҳои фарзанди фарзонаи миллат-Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон тоҷикон соҳиби Парчами миллӣ гардиданд, ки он таҷассуми гузаштаи шоён ва ояндаи дурахшони мо мебошад.

Парчами давлатӣ моҳи ноябри соли 1992 дар иҷлосияи 16-уми Шурои Олии Тоҷикистон, ки дар он роҳи ҳалли мушкилоти мамлакат, хатми ҷанги дохилӣ, ҳифзи якпорчагиву истиқлоли давлатӣ баррасӣ мешуд, қабул гардидааст. Парчам- ин рамзи бахту саодат ва сарбаландии миллату давлати тоҷикон буда, симои мардуми тамаддунсози моро дар арсаи байналмилалӣ муаррифӣ мекунад.

Парчами миллӣ мояи ифтихори ҳар шаҳрванди Тоҷикистони соҳибистиқлол, ифодагари иттиҳоду сарҷамъӣ, нангу номус, ватандӯстиву ватанпарастӣ ва ҳувияти миллии мардуми фарҳангии мо буда, мақсаду мароми созандаи тоҷиконро дар ҷилои рангҳои худ инъикос намудааст.

Ноябрь 24, 2020 13:02

Хабарҳои дигари ин бахш

Дар Батуми Консулгарии фахрии Ҷумҳурии Тоҷикистон кушода шуд
ОБУ ҲАВО: 9-10 август дар ноҳияҳои кӯҳӣ ва баландкӯҳи Тоҷикистон омадани селҳои пиряхӣ дар назар аст
ОБУ ҲАВО: Имрӯз дар Тоҷикистон ҳавои камабри бебориш дар назар аст
Хоҷагии фермерии «Расим»-и ноҳияи Шуғнон яке аз беҳтаринҳо дониста шуда, соҳиби 30 ҳисса замини иловагӣ мегардад
ОБУ ҲАВО: Имрӯз дар шаҳри Душанбе ҳаво рӯзона 36+38 дараҷа гарм мешавад
ОБУ ҲАВО: Имрӯз дар Тоҷикистон ҳавои камабри бебориш дар назар аст
ҶАМЪБАСТИ НИШАСТҲОИ МАТБУОТӢ. Имрӯз Вазорати нақлиёт, Агентии назорати маводи нашъаовар, Палатаи савдо ва саноат нишасти матбуотӣ баргузор менамоянд
ОБУ ҲАВО: Аз 5 то 8 август дар ноҳияҳои кӯҳӣ ва баландкӯҳи Тоҷикистон омадани селҳои пиряхӣ дар назар аст
ОБУ ҲАВО: Имрӯз дар Тоҷикистон ҳавои камабри бебориш пешгӯӣ мешавад
Имрӯз Агентии омор, Маркази миллии тестӣ ва Саридораи геология нишасти матбуотӣ баргузор менамоянд
4 август Агентии омор, Маркази миллии тестӣ ва Саридораи геология нишасти матбуотӣ баргузор менамоянд
Имрӯз Агентии содирот, Академияи идоракунии давлатӣ, Комиссияи олии аттестатсионӣ нишасти матбуотӣ баргузор менамоянд

Маводҳои таҳлилӣ