Доктор Ораш Алоӣ, роҳбари Институти байналмилалии тандурустӣ ва тадқиқоти ИМА: Тоҷикистон дар бобати пешгирӣ ва табобати бемории COVID-19 назар ба давлатҳои монанди худ беҳтарин ҳисобида мешавад
ДУШАНБЕ, 25.11.2020 /АМИТ «Ховар»/. Имрӯз Ҷумҳурии Тоҷикистон дар бобати пешгирӣ ва табобати бемории коронавируси нави COVID-19 назар ба давлатҳои монанди худ беҳтарин ҳисобида мешавад. Зеро Ҳукумати ин мамлакат дар нахустин лаҳзаҳои ба қайд гирифтани бемории коронавирус ҳудудҳои худро бо дигар давлатҳо баст, фаъолияти тарабхона ва меҳмонхонаҳоро қатъ кард, мардум дар кӯчаҳо бо ниқоби тиббӣ гаштугузор менамуданд, ки ин аз барномаи хуб доштани ин давлат дарак медод. Ин нуктаро директори Институти байналмилалии тандурустӣ ва тадқиқоти ИМА доктор Ораш Алоӣ дар Душанбе зимни ҳамоиш оид ба инъикоси масоили вобаста ба бемории COVID- 19, ки бо намояндагони воситаҳои ахбори оммаи ҷумҳурӣ доир гардид, иброз дошт.
Сабаби дигари ин ҳолатро Ораш Алоӣ ба он рабт дод, ки 80 фоизи аҳолии Тоҷикистон дар деҳот зиндагӣ намуда, аҳолии шаҳр камтар мебошад ва дар деҳот мардум бештар дар фазои кушод аз боду ҳавои тоза нафас мегиранд, ки ин яке аз омилҳои асосии камтар ба бемории коронавирус гирифтор шудани аҳолӣ мебошад.
Доктор Ораш Алоӣ аз он изҳори нигаронӣ намуд, ки ҳоло шумораи нафароне, ки дар кӯчаҳо бе ниқоби тиббӣ мегарданд, зиёд ба назар мерасад. Инчунин бо омадани фасли сармо мардум дару тирезаҳои утоқҳои корӣ ва хонаҳоро пӯшида, ҳароратро аз 18 дараҷа зиёд мекунанд, ки инҳо сабаби авҷ гирифтани бемории COVID- 19 шуда метавонанд.
Аз ин рӯ номбурда тавсия медиҳад, ки бояд аҳолӣ дар фасли сармо ҳарорати утоқҳоро аз 18 дараҷа зиёд накунанд, тез-тез ҳавои хонаро тоза намуда, дар ҷойҳои ҷамъиятӣ ҳатман аз ниқобҳои тиббӣ истифода намоянд ва дар ҷойҳои серодам ҷамъ нагардида, масофаи иҷтимоиро риоя намоянд.
Ёдовар мешавем, ки доктор Ораш Алоӣ, ки дар Ню-Йорк зиндагӣ мекунад, ба ҷомеаи тиббии Тоҷикистон хуб шинос аст. Чанд сол аст, ки ӯ ҳамчун коршиноси байналмилалӣ бо Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ҳамкорӣ дорад.
Имсол дар истироҳатгоҳи беруназшаҳрии «Шарора» 720 нафар кӯдакону наврасон таътили худро босамар мегузаронанд
ТАЪТИЛИ БОФАРОҒАТ. Имсол 1000 нафар кӯдаку наврас ба истироҳатгоҳи беруназшаҳрии «Зимчуруд» ҷалб мегарданд
Дар Тоҷикистон даври сеюми Форуми коршиносони Осиёи Марказӣ — Корея доир мешавад
Дар Душанбе маъракаи хунсупории шаҳрвандон доир гардид
Байни Кумита оид ба таҳсилоти ибтидоӣ ва миёнаи касбии Тоҷикистон ва Ташкилоти ғайридавлатии «Good Neighbors» Ёддошти тафоҳуми ҳамкорӣ ба имзо расид
Дар Чин дастовардҳои Тоҷикистон дар самти ҳуқуқи инсон муаррифӣ гардиданд
Дар Тоҷикистон беморони диабети қанд метавонанд инсулини ройгон дастрас намоянд
Иштирокдорони Форуми байналмилалии ҳизбҳои сиёсӣ дараи Алмосӣ ва Қалъаи Ҳисорро тамошо карданд
Форуми байналмилалии ҳизбҳои сиёсӣ зери унвони «Ҳизбҳои сиёсӣ ва уфуқҳои нави ҳамкорӣ» доир гардид
АБУАЛӢ ИБНИ СИНО — МУТАФАККИРИ БУЗУРГИ ШАРҚ, ФАРЗАНДИ ФАРЗОНАИ ХАЛҚИ ТОҶИК. Андешаҳои академик Фарҳод Раҳимӣ дар ин мавзуъ
Оқибатҳои офатҳои табиӣ дар мавзеъҳои хатарноки роҳҳои минтақаи Рашт бартараф карда шуданд
Табибони тоҷик дар Туркия малакаи касбиии худро такмил медиҳанд
