«Роҳнамо оид ба ҳамкории милитсия бо ҷомеа».Таҳти ин унвон дар Левакант машварати омӯзишӣ баргузор гардид

Ноябрь 20, 2020 10:48

ДУШАНБЕ, 20.11.2020 /АМИТ «Ховар»/. Вазорати корҳои дохилии Ҷумҳурии Тоҷикистон дар ҳамкорӣ бо Дафтари барномавии САҲА  таҳти  унвони  «Роҳнамо оид ба ҳамкории милитсия бо ҷомеа» семинар- машварати омӯзишӣ  баргузор намуданд, ки дар он   нозирони минтақавии милитсия ва аъзоёни Шӯрои ҷамъиятӣ оид ба таъмини тартиботи ҷамъиятӣ дар назди шуъбаи ВКД  дар ноҳияи Леваканти вилояти Хатлон иштирок карданд. Дар ин бора аз маркази матбуоти Вазорати корҳои дохилӣ ба АМИТ «Ховар» хабар доданд.

Дар семинар-машварат сардори кафедраи фанҳои ҳуқуқи граждании Академияи ВКД,  подполковники милитсия А. Абдулаҳадзода ва дотсенти кафедраи фанҳои ҳуқуқи маъмурӣ ва фаъолияти маъмурии Академияи мазкур  С. Нуриддинзода дар мавзӯи мавриди назар ибрози назар карданд.

Нозирони минтақавии милитсия ва аъзоёни Шӯрои ҷамъиятӣ дар кори семинари омӯзишӣ фаъолона иштирок намуда, фикру андешаи худро оид ба мушкилоти ҷойдошта дар самти ҳамкории милитсия бо ҷомеа, роҳҳои ҳалли он, инчунин густариши  ин робита, ки дар нигоҳ доштани тартиботи ҷамъияти нақши муҳим доранд,  баён намуданд. Иштирокдорони семинар  аз ташкили чунин семинарҳои омӯзишӣ  изҳори хушнудӣ намуда, иброз доштанд, ки доир намудани ин гуна ҷамъомадҳои машваратӣ  барои боз хам таҳким  ёфтани  ҳамкории милитсия бо ҷомеа мусоидат менамояд.

Дар хотимаи семинари омӯзишӣ ба ҳамаи иштирокчиён «Роҳнамои ҳамкории милитсия бо ҷомеа»  воситаҳои айёнии ахборотдиҳӣ ҷиҳати ҳамкорӣ бо ҷомеа ва дигар маводи зарурӣ  тақдим гардид.

 

Ноябрь 20, 2020 10:48

Хабарҳои дигари ин бахш

ОБУ ҲАВО: Имрӯз дар Тоҷикистон ҳавои тағйирёбанда дар назар аст
Дастаи «Динамо»-и Вазорати корҳои дохилӣ ғолиби мусобиқаҳои ноҳиявию ҷумҳуриявӣ гардид
Дар доираи «16 рӯзи мубориза бар зидди зӯроварии гендерӣ» давраи омӯзишӣ доир мешавад
ОБУ ҲАВО: Имрӯз дар Тоҷикистон барф меборад
Ҷавонони деҳаи Намадгути Ишкошим дар назди мактаби №3 синфхонаҳои иловагӣ бунёд мекунанд
18-19 ноябр дар Тоҷикистон бориши борон ва барф дар назар аст
ОБУ ҲАВО: Имрӯз дар Тоҷикистон ҳаво абрнок шуда, борон ва барф меборад
Дар Тоҷикистон ба 38 010 хоҷагии деҳқонӣ занони деҳот сарварӣ менамоянд
Дар Хуҷанд бахшида ба Рӯзи Президент мусобиқаи ҷумҳуриявии шиноварӣ баргузор гардид
Дар Тоҷикистон заминларза ба қайд гирифта шуд
Ба ифтихори Рӯзи Президент дар ноҳияи Рашт 12 иншооти гуногун ба истифода дода шуданд
Дар Тоҷикобод оид ба баланд бардоштани сатҳи маърифати занон конференсияи амалӣ доир гардид