Сифатҳои парвариши картошкаи барвақтӣ дар шароити вилояти Хатлон ба деҳқонон фаҳмонида шуданд
ДУШАНБЕ, 30.11.2020 /АМИТ «Ховар»/. «Хусусиятҳои хоси парвариши картошкаи барвақтӣ дар шароити вилояти Хатлон» зимни машварате, ки бо ибтикори Вазорати кишоварзӣ, Академияи илмҳои кишоварзӣ ва Мақомоти иҷроияи маҳаллии ҳокимияти давлатии вилояти Хатлон дар ноҳияҳои Қубодиён ва Шаҳритус гузаронида шуд, матраҳ гардид.
Дар машварат бо тавсияи олимони Иниститути кишоварзӣ дар хоҷагиҳои деҳқонии «Мирвайс Қирон» ва «Асадбек»-и ноҳияи Қубодиён тарзи шинонидани картошка ба деҳқонон ва хоҷагидорон фаҳмонда шуда, зикр гардид, ки дар кишти тирамоҳии картошка лӯндаи шинонидаи картошка бояд аз 40 то 60 граммро дар бар гирад ва бо нуриҳои минералию пору шинонида шавад, то дар фасли сармо зарар набинад.
Мутахассисони соҳа шинонидани тухмии картошкаи майда ва буридани картошкаро дар кишти тирамоҳӣ тавсия надоданд, чунки ҳосили кам ба даст оварда мешавад. Дар хоҷагиҳои зикргардида кишти картошка бо усули дастӣ ва истифода аз техникаи муосир оғоз гардид, ки иштирокдорони семинар ба тарзи шинонидани тухмӣ бо техникаи муосир баҳои баланд доданд. Ҳамзамон зимни шинонидани картошкаи тирамоҳӣ Вазири кишоварзии ҷумҳурӣ Сулаймон Зиёзода ва муовини якуми раиси вилояти Хатлон Амонулло Салимзода оид ба кишти картошка тавсияҳо доданд.
Иштирокдорони машварат аз ҷараёни самаранок истифода бурдани қитъаи замини наздиҳавлигии сокини деҳаи «Чорбоғ»-и Ҷамоати деҳоти ба номи Ишмурод Ниёзов- оилаи Давлатовҳо дидан намуда, дар хоҷагии деҳқонии «Сайфулло»-и Ҷамоати деҳоти «Тахти Сангин» бо парвариши сирпиёз, бехпиёз, сабзӣ, турб, юнучқа, кишти картошка дар байни заминҳои боғ шинос гардиданд. Инчунин аз ҷараёни ҷамъоварии ҳосили картошка аз кишти такрорӣ ва кишти картошкаи барвақтӣ дар хоҷагиҳои деҳқонии ноҳияи Шаҳритус боздид намуданд.
Дар ҷараёни машварат олимони соҳа ба деҳқонон оид ба гузаронидани кишти барвақтӣ, интихоби дурусти тухмиҳои босифати картошка мувофиқ ба шароити минтақа ва дигар тухмии полезиҳо, муборизаи саривақтӣ бар зидди касалию ҳашароти зараррасони картошка тавсияҳо доданд.
Дар вилояти Суғд шумораи корхонаҳои саноатӣ нисбат ба соли 1991 беш аз ҳазор адад зиёд шудааст
Дар ҳавзаи дарёи Кофарниҳон се стансияи худкори обуҳавосанҷӣ насб карда шуд
Ҷаласаи Комиссияи байниидоравӣ оид ба муқовимат ба қонунигардонии даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом доир гардид
Дар ноҳияи Мастчоҳ тадбирҳои агротехникӣ барои ҷамъоварии ҳосили зироат идома доранд
Дар Душанбе нахустин Форум ва намоишгоҳи байналмилалии саноати хӯрокворӣ — Тоҷикистон-2026 оғоз ёфт
«ИСТИҚЛОЛ» — ЗУҲУРОТИ НАВИ АМЕТИСТ. Он бахшида ба 35-солагии Истиқлоли давлатии Ҷумҳурии Тоҷикистон номгузорӣ шудааст
Дар ҷаласаи Кумитаи байнидавлатии авиатсионӣ ифтитоҳи хатсайрҳои нави ҳавоӣ байни Тоҷикистон ва кишварҳои ИДМ баррасӣ шуд
Раванди татбиқи барномаи иммунопрофилактика ва Консепсияи иқтисоди рақамӣ баррасӣ шуд
Хати магистралии алоқаи «Душанбе–Хоруғ–Қулма» то охири моҳи сентябр ба истифода дода мешавад
Нахустин гурӯҳи роҳбаладони «Shohin Airlines» барои гузаштани омӯзиши касбӣ ба Turkish Aviation Academy фиристода шуд
Дар Душанбе оид ба ҳифзи пиряхҳо дар шароити тағйирёбии иқлим конфронси байналмилалӣ доир шуд
35 СОЛИ СОҲИБИСТИҚЛОЛИИ ТОҶИКИСТОН. Шумораи корхонаҳои парандапарварӣ қариб 11 маротиба бештар шуд
