Дар Форуми байналмилалии сармоягузории «Хатлон Инвест-2026» беш аз 30 созишномаи ҳамкорӣ ба имзо расид

Октябрь 23, 2026 13:08

ДУШАНБЕ, 23.10.2026 /АМИТ «Ховар»/. Дар доираи Форуми байналмилалии сармоягузории «Хатлон Инвест-2026» 31 созишномаи ҳамкорӣ ба маблағи умумии беш аз 1,2 миллиард сомонӣ ба имзо расонида шуд. Дар ин хусус АМИТ «Ховар» бо истинод ба  хадамоти матбуоти Раиси вилояти Хатлон иттилоъ медиҳад.

Ин созишномаҳо ба рушди соҳибкорӣ, татбиқи ташаббусҳои нави иқтисодӣ ва густариши ҳамкории сармоягузорӣ нигаронида шудаанд.

Дар ҳамоиш беш аз 1000 намояндаи доираҳои соҳибкорӣ, сармоягузорон ва меҳмонон аз 30 давлат, соҳибкорону сармоягузорони ватанӣ ва намояндагони корпусҳои дипломатии муқими Душанбе иштирок карданд. Санадҳои нави ҳамкорӣ байни соҳибкорону сармоягузорони дохилию хориҷӣ ва мақомоти иҷроияи ҳокимияти давлатӣ ба имзо расонида шуданд.

Ҳадафи асосии баргузории ҳамоиш ҷалби сармояи хориҷӣ ба иқтисодиёти вилояти Хатлон, рушди соҳибкорӣ, фароҳам овардани шароити мусоид барои сармоягузорӣ ва беҳтар кардани сатҳи зиндагии аҳолӣ мебошад.

Дар  доираи форум Раиси вилояти  Хатлон бо як зумра соҳибкорону сармоягузорон, намояндагони давлатҳои алоҳида ва корпусҳои дипломатӣ густариши ҳамкории Тоҷикистон бо дигар давлатҳоро баррасӣ намуд.

Ҳамчунин масъалаҳои энергетика, рушди гидроэнергетика, истифодаи зеҳни сунъӣ дар идоракунӣ, назорати иншооти энергетикӣ ва амалӣ намудани технологияҳои муосир дар истеҳсоли неруи барқ баррасӣ гардиданд.

АКС: Хадамоти матбуоти Раиси вилояти Хатлон

 

 

 

Октябрь 23, 2026 13:08

Хабарҳои дигари ин бахш

Байни сохторҳои мониторинги молиявии Тоҷикистону Русия ду санади ҳамкорӣ ба имзо расид
Дар доираи COP31 Тоҷикистон, Умон ва Непал роҳҳои ҳалли мушкилоти обу иқлимро баррасӣ карданд
Соли 2027 дар гузаргоҳи гумрукии ноҳияи Спитамен сохтмон ва насби таҷҳизоти сканкунии борҳо оғоз мегардад
Ҷаласаи 45-уми пленарии Гурӯҳи Авруосиё ба таъмини амнияти иқтисодию молиявӣ мусоидат менамояд
Ҳайати Тоҷикистон дар чорабинии сатҳи баланди вазирони Осиёи Марказӣ оид ба тағйирёбии иқлим иштирок намуд
Дар Фурудгоҳи байналмилалии Душанбе беш аз 3,5 кило маснуоти тиллоӣ мусодира карда шуд
Фонди иқлими сабз барои рушди соҳаи тандурустии Тоҷикистон 2 миллион доллар ҷудо менамояд
Лоиҳаи «Барномаи нави саноатикунонии босуръати Тоҷикистон барои солҳои 2026-2030» таҳия гардидааст
Масъалаҳои баргузории Форуми B5+1 дар Душанбе баррасӣ шуданд
Тоҷикистон ба Конвенсияи СММ оид ба мубориза бо биёбоншавӣ пешниҳод намуд, ки соли 2027 миссияи техникӣ ташкил карда шавад
Бо сабаби фаъолият накардани корхонаи «Хишти Тоҷикобод» сокинон ин масолеҳи сохтмониро аз Душанбе ва Ваҳдат бо роҳкирои гарон ворид менамоянд
Дар Минтақаи озоди иқтисодии «Ишкошим» ба маблағи беш аз 1 миллион сомонӣ кору хизматрасонӣ анҷом дода шуд