Сиёсати сулҳофарини Тоҷикистон таҳти роҳбарии Пешвои миллат мактаби омӯзиш барои ҷаҳониён аст – бардошт аз ҳамоиш дар Хадамоти иҷро
ДУШАНБЕ, 16.11.2020. /АМИТ «Ховар»/. Имрӯз дар Хадамоти иҷрои назди Ҳукумати Ҷумҳурии Тоҷикистон ба муносибати Рӯзи Президент ҳамоиш доир карда шуд.
-Ҷашни Рӯзи Президент дар радифи ҷашнҳои Истиқлоли давлатӣ ва Ваҳдати миллӣ тантанаи сулҳу осудагӣ, ҳамдилӣ, ҷашни созандагиву бунёдкориҳо дар роҳи расидан ба ормонҳои бузурги миллист. Он ҷашни давлатдории навини тоҷикон таҳти сарварии Пешвои муаззами миллат муҳтарам Эмомалӣ Раҳмон мебошад,-иброз намуд сардори Хадамоти иҷрои назди Ҳукумати Ҷумҳурии Тоҷикистон Барно Саидвализода дар ҳамоиш.
«Сиёсати сулҳофарини Ҷумҳурии Тоҷикистон таҳти роҳбарии Пешвои миллат мактаби омӯзиш барои ҷаҳониён аст. Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар арсаи сиёсии ҷаҳон иртиботи ногусастанӣ ба сиёсати сулҳофариниву ваҳдатсароӣ дорад, зеро ин шахсияти бузург тавонистанд сулҳу оромиро дар мамлакат барқарор кунанд, миллати парокандаро ба ҳам оранд ва шарораи умеду эътимод ба ояндаро дар дили ҳар сокини Тоҷикистони соҳибистиқлол барафрӯзанд. Аз ин рӯ, таҷлили Рӯзи Президенти Ҷумҳурии Тоҷикистон барои ҳар шаҳрванди баору номус, бедордилу хештаншинос рӯзи фараҳу шодмонӣ, саодату пирӯзӣ ва ифтихор аз таъриху тамаддуни бузурги миллати бостонии мо мебошад»,-афзуд Барно Саидвализода.
Инчунин сардори Хадамот афзуд, ки моро зарур аст баҳри нигоҳ доштани сулҳу субот, ободии мамлакат ва ояндаи неки фарзандон содиқонаву софдилона ба давлат ва миллат хизмат намоем.
Дар охири ҳамоиш кормандоне, ки ба натиҷаҳои хуби меҳнатӣ сазовор гаштаанд, аз ҷониби сардори Хадамоти мазкур бо рутбаҳои дараҷавӣ сарфароз гардиданд. Ҳамчунин бахшида ба ин санаи муҳим ба кормандони Хадамот кумаки моддӣ расонида шуд.
Сарвари давлат: «Ҳар як фарди ҷомеа вазифадор аст, ки моҳияту аҳаммияти Конститутсияро ба фарзандони худ ҳанӯз аз хурдсолӣ фаҳмонад»
Эмомалӣ Раҳмон: «Маҳз ба шарофати Конститутсия ва амалӣ шудани меъёрҳои он дар Тоҷикистон фазои орому осуда муҳайё гардид»
Президенти Тоҷикистон: «Конститутсия соҳибистиқлолии халқи моро ба расмият дароварда, асосҳои бунёдии ҷомеа ва давлати навини тоҷиконро муайян намуд»
КОНСТИТУТСИЯ — ШАҲОДАТНОМАИ ХАЛҚИ ТОҶИКИСТОН. Иқтибосҳо аз суханрониҳои Президенти Тоҷикистон
Президенти Тоҷикистон: «Гузариш ба иқтисоди «сабз» барои ҷомеаи ҷаҳонӣ баҳри ҳаллу фасли масоили иҷтимоӣ имконоти зиёд фароҳам меоварад»
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Сарвари давлат: «Меҳргон яке аз муҳимтарин ҷашнҳои табиӣ ва фарҳангии мо – тоҷикон аст»
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
