ВАЗОРАТИ ТАНДУРУСТӢ ВА ҲИФЗИ ИҶТИМОИИ АҲОЛӢ ҲУШДОР МЕДИҲАД: касоне, ки сигор мекашанд, бемории коронавирусро вазнин мегузаронанд

Ноябрь 19, 2020 11:12

ДУШАНБЕ, 19.11.2020 /АМИТ «Ховар»/. «Касоне, ки сигор мекашанд, коронавируси COVID-19-ро вазнин мегузаронанд», — хабар доданд имрӯз ба хабарнигори АМИТ «Ховар» дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар робита ба Рӯзи байналмилалии тарки тамокукашӣ.

Мутахассисони вазорат тавсия медиҳанд, ки шаҳрвандон дар давраи пандемияи коронавирус аз тамоку даст кашанд ва саломатии худро аз оқибатҳои истифодаи он ҳифз намоянд.

Тазаккур дода шуд, ки тамокукашии дарозмуддат ба бемориҳои узвҳо ва системаҳои гуногун оварда мерасонад, инчунин хавфи маргро аз саратон ва дигар бемориҳо зиёд мекунад.

Тибқи тадқиқот, агар шахс ҳар рӯз 10 дона сигор кашад, пас дар ӯ саратони гурда нисбат ба нафаре, ки тамоку намекашад, якуним маротиба зиёдтар инкишоф меёбад. Агар шахс дар як рӯз 20 ва ё зиёда аз он сигор кашад, хавф ду баробар зиёд мегардад.

Илова бар ин, истифодаи тамоку пиршавии барвақти пӯстро аз 10 то 20 сол ба вуҷуд меорад ва хатари сактаи мағзи сарро 50% зиёд мекунад, ки метавонад ба зиёни мағзи сар ва марг оварда расонад.

«Тамокукашӣ умри мардонро тақрибан 12 сол ва занонро тақрибан 11 сол кам карда, метавонад мардонро ба импотентсия (нотавонии ҷинсӣ) ва занонро ба безурётию саратони гарданаки бачадон гирифтор намояд», — таъкид намуд манбаъ.

 АКС аз манобеи боз

 

Ноябрь 19, 2020 11:12

Хабарҳои дигари ин бахш

Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
Эмомалӣ Раҳмон: «Натиҷаҳои вохӯриҳои имрӯзаро мо ҳамчун пайки таҷдид ва оғози марҳилаи сифатан нав дар муносибатҳои се кишвар медонем»
Президенти Тоҷикистон: «Худдорӣ намудан аз ҳама гуна зиёдаравию исрофкорӣ вазифаи ҳар бандаи муъмин дар ҳама ҳолат, аз ҷумла дар айёми ид мебошад»
23 март-Рӯзи ҷаҳонии обуҳавошиносӣ. Дар ҳар се соат ҳавошиносони тоҷик ба Хадамоти ҷаҳонии ҳавошиносӣ маълумот пешниҳод менамоянд
«НАВРӮЗ ДАР АСЛ ҶАШНИ ЗИНДАГИСОЗ АСТ». Иқтибос аз суханрониҳои Президенти Ҷумҳурии Тоҷикистон
ИМРӮЗ-РӮЗИ БАЙНАЛМИЛАЛИИ ҲИФЗИ ПИРЯХҲО. Ҳифзи пиряхҳо аз обшавии босуръат ҳамкории дастҷамъонаи давлатҳо ва созмонҳои байналмилалиро тақозо менамояд
Пешвои миллат: «Тоҷикистони маҳбуби мо воқеан Ватани аслии Наврӯз аст»
Бузургии Зан-Модар- ин олиҳаи ҳаёт ҳамеша вирди забони башарият аст
Рӯзи Модар рамзи эҳтиром ва қадршиносии махсуси давлату ҳукумати Тоҷикистон нисбат ба Зан-Модар мебошад