«БелТА»: Тоҷикистон азм дорад дар давраи раёсаташ дар СААД амнияти дастаҷамъиро тақвият бахшад
ДУШАНБЕ, 03.12.2020 /АМИТ «Ховар»/. Тоҷикистон азм дорад дар давраи раёсаташ дар СААД дар соли 2021 бо мақсади таъмини зиндагии осоишта ва амн барои мардум амнияти дастаҷамъиро тақвият бахшад. Дар ин бора Президенти Тоҷикистон Эмомалӣ Раҳмон 2 декабр дар ҷаласаи Шӯрои амнияти дастаҷамъии СААД изҳори назар карданд, хабар медиҳад Агентии давлатии иттилоотии Беларус «БелТА».
Президенти Ҷумҳурии Тоҷикистон Эмомалӣ Раҳмон ба Президенти Россия Владимир Путин барои талошҳои ҷониби Россия дар давраи раёсаташ ҷиҳати таъмини устувории фаъолияти СААД дар шароити мураккаби имрӯза изҳори сипос намуданд.
Сарвари давлат Эмомалӣ Раҳмон зикр намуданд, ки ҷаҳон бо бархӯрди афзоиши бесобиқаи хатару таҳдидҳо рӯ ба рӯ гаштааст: «Ҳамагирии КОВИД-19 боиси таназзул ва мушкилоти дорои хусусияти иҷтимоиву иқтисодӣ гардид. Он ба зиндагии муқаррарӣ ба таври муассир таъсир расонида, тамоми кишварҳоро водор кард, ки нақшаҳову ниятҳои қаблан муайяннамудаашонро ҷиддан бознигарӣ намоянд. Буҳрони иҷтимоӣ ва молиявию иқтисодие, ки бар асари ҳамагирӣ ба вуқӯъ пайваст, ба нишондиҳандаҳои пешбинигардидаи афзоиши иқтисоди ҷаҳонӣ таъсири манфӣ расонида, болоравии сатҳи бекорӣ ва таҳдиди амнияти ғизоиро ба миён овард».
Дар баробари ин, Президенти Тоҷикистон тамоюли болоравии таҳдидҳои ҷаҳонии терроризм, ифротгароӣ, инчунин шаклҳои гуногуни тундгароӣ ва ҷинояткории муташаккили фаромиллӣ бо шумули гардиши ғайриқонунии маводи мухаддирро таъкид намуданд. «Неруҳои мухталифи террористиву ифротгаро аз ниятҳои харобиовари худ даст накашидаанд ва дар минтақаҳои гуногуни ҷаҳон, аз ҷумла бевосита дар наздикии мавзеи масъулияти СААД фаъолона амалҳои худро идома медиҳанд, — изҳор доштанд Президенти Тоҷикистон. — Дар ин зимн мо бо нигаронӣ рушди ташвишовари вазъият дар Афғонистонро, аз ҷумла дар минтақаҳои шимоливу шарқии он пайгирӣ менамоем».
Ба ақидаи Сарвари давлати Тоҷикистон, чунин вазъият аксуламалҳои саривақтии ҳамаҷонибаро, аз ҷумла тавассути андешидани тадбирҳои зарурӣ ҷиҳати таҳкими ҳифзи сарҳадоти ҷанубии СААД тақозо менамояд. Эмомалӣ Раҳмон иброз доштанд, ки дар пасманзари вазъияти муташанниҷи имрӯза дар ҷаҳон аҳамияти тақвият бахшидан ба иқтидори СААД ҷиҳати муқовимати самарабахш ба хатару таҳдидҳои амниятӣ дучанд меафзояд. Дар давраи раёсати худ дар СААД соли 2021 Тоҷикистон азм дорад доираи ҳадаф ва вазифаҳои имрӯз дар назди Созмон истодаро тавсеа бахшад.
«Дар роҳи татбиқи онҳо Тоҷикистон ба дастгирии шарикони худ умед мебандад», — зикр намуданд Президенти Тоҷикистон Эмомалӣ Раҳмон ва илова карданд, ки фаъолияти ҳамоҳангшудаи муштарак такони иловагӣ барои фаъолияти созмон хоҳад шуд.
АКС аз Хадамоти матбуоти Президенти Ҷумҳурии Тоҷикистон
«ДАҲСОЛАИ АМАЛ БАРОИ ИЛМҲОИ КРИОСФЕРА, СОЛҲОИ 2025-2034»: Талоши созанда барои ҷаҳонӣ гардонидани илмҳои қутбшиносӣ ва яхшиносӣ
ТАНҲО МУТОБИҚШАВӢ БА ИҚЛИМ КОФӢ НЕСТ. Гармои тӯлонӣ ва шадид зарурати амалҳои фавриро дар мубориза бо тағйирёбии иқлим таъкид менамояд
33 СОЛИ ПУРСАМАРИ ИСТИҚЛОЛИЯТИ ДАВЛАТӢ. Президенти Тоҷикистон Эмомалӣ Раҳмон: «Дар роҳи ватансозӣ мисли ангуштони як мушт сарҷамъу муттаҳид бошем!»
ИСТИҚЛОЛ ВА ШИНОХТИ АСОЛАТИ МИЛЛӢ. Андешаҳои Ректори Донишгоҳи давлатии Хоруғ Амид Комилбек дар ин маврид
БА ТАЪСИСИ «РОҲИ ОҲАНИ ТОҶИКИСТОН» 30 СОЛ ПУР ШУД. 72 фоизи боркашонӣ дар мамлакат тавассути роҳи оҳан амалӣ мегардад
ГАРМОИ ШАДИД ДАР САЙЁРА. Он раванди даврии табиат аст ва ё таъсири инсон ба муҳит?
ТАҒЙИРЁБИИ ИҚЛИМ. Гармшавии бесобиқаи ҳаво, афзудани таркиби озони атмосфера ва ба амал омадани офатҳои гуногуни табиӣ аз нишонаҳои он аст
ЭЪТИРОФИ СИЁСАТИ ОЯНДАБИНИИ ПЕШВОИ МИЛЛАТ АЗ ҶОНИБИ ҶОМЕАИ ҶАҲОНӢ. Мулоҳизаҳои ходими адабии АМИТ «Ховар» дар ин хусус
Антониу Гутерриш: «Тоҷикистон дар самти пешгирии обшавии босуръати пиряхҳо шарики қавӣ ва боэътимоди Созмони Милали Муттаҳид аст»
Эмомалӣ Раҳмон: «Чин бузургтарин сармоягузори мо ба ҳисоб меравад»
