Байни кормандони милитсияи Суғд ҳар се моҳ озмуни «Китобхони беҳтарин» гузаронида мешавад

Декабрь 28, 2020 11:16

ДУШАНБЕ, 28.12.2020. /АМИТ «Ховар»/. Роҳбарияти Раёсати Вазорати корҳои дохилӣ дар вилояти Суғд  11 нафар кормандони милитсия — ғолибон ва иштирокчиёни фаъоли  озмуни «Китобхони беҳтарин»-ро  ҳавасманд гардонида,  ба онҳо   дар вазъияти тантанавӣ «Ифтихорнома»  ва  туҳфаҳо тақдим карданд.  Ҷойи аввалро командири взводи хадамоти посбонӣ-пайроҳадории ШВКД дар шаҳри Бӯстон, капитани милитсия Умед Арслонзода, мақоми  дуюмро  нозири гурӯҳи бақайдгирии маводҳои амалияи маъмурии шуъбачаи ахбори оперативии иттилоотии Раёсати мазкур, лейтенанти калони милитсия Зарнигор Абдуқаҳорзода ва зинаи  сеюми ифтихориро ёрдамчии сардор оид ба  ҳамкорӣ бо созмонҳо ва ташкилотҳои ҷамъиятии ШВКД дар шаҳри Конибодом, майори милится Раҳим Ҷӯраев соҳиб шуданд.

Тавре  аз Вазорати корҳои дохилӣ ба АМИТ «Ховар» хабар доданд, бо пешниҳоди сардори Раёсати ВКД дар вилояти Суғд генерал-майори милитсия Абдулло Навҷувонов минбаъд озмуни «Китобхони беҳтарин» дар байни кормандони мақомоти корҳои дохилии вилояти Суғд ҳар се моҳ гузаронида хоҳад шуд.

Раёсати ВКД дар вилояти Суғд дар партави   Озмуни ҷумҳуриявии «Фурӯғи субҳи доноӣ китоб аст», ки бо ташаббуси бевоситаи Пешвои миллат муҳтарам Эмомалӣ Раҳмон соли дуюм аст дар мамлакат доир мешавад,  байни кормондони шуъбаву хадамотҳои дастгоҳи Раёсат ва шуъбаҳои ВКД дар шаҳру ноҳияҳои вилоят озмуни «Китобхони беҳтарин» -ро  баргузор намуд.

Тибқи иттилои масъулин, озмуни мазкур бо мақсади баланд бардоштани маърифату ҷаҳонбинӣ, огаҳӣ ёфтан аз таърихи ниёгону ҷаҳон ва бедор намудани завқи китобхонии  кормондони милитсияи вилоят  ба роҳ монда шудааст.

Декабрь 28, 2020 11:16

Хабарҳои дигари ин бахш

Зеҳни сунъӣ дар соҳаҳои санъати тасвирӣ ва дизайн тағйироти амиқ ба вуҷуд овардааст
Дар Бӯстон ғолибони Озмуни ҷумҳуриявии «Фурӯғи субҳи доноӣ китоб аст» қадрдонӣ гардиданд
Барои мукофотонидани ғолибони Озмуни ҷумҳуриявии «Шоҳномахонӣ» 2 миллиону 660 ҳазор сомонӣ ҷудо карда мешавад
ТУҲФАИ АРЗАНДАИ ПРЕЗИДЕНТИ ТОҶИКИСТОН. Ба беш аз 57 ҳазор оилаи шаҳри Ваҳдат «Шоҳнома» тақдим мегардад
Шарҳи Амри Президенти Ҷумҳурии Тоҷикистон
Амри Президенти Ҷумҳурии Тоҷикистон
ИЛМ ДАР БАЛАНДИИ ЗИЁДА АЗ 5000 МЕТР. Дар калонтарин пиряхи Тоҷикистон — Ванҷях таҳқиқоти илмӣ гузаронида шуд
Академияи миллии илмҳои Тоҷикистон бо Донишгоҳи давлатии омӯзгории Шинҷони Чин ҳамкориро тақвият медиҳад
Ёдгориҳои нодири тамаддуни тоҷикон дар Осорхонаи миллии Чин ба намоиш гузошта шуданд
Аз ҷониби нашриёти «Адиб» чор китоб ба нашр расид
Дар Душанбе даври сеюми Озмуни ҷумҳуриявии «Фурӯғи субҳи доноӣ китоб аст» ҷамъбаст гардид
Туҳфаи арзишманди Пешвои миллат — китоби «Шоҳнома» ба ноҳияи Файзобод расид