COVID-19. Теъдоди мубталоёни коронавирус дар ҷаҳон дар як рӯз 546 ҳазор нафар афзуд

ДУШАНБЕ, 21.12.2020 /АМИТ «Ховар»/. Шумораи ҳолатҳои тасдиқшудаи сирояти коронавирус дар ҷаҳон дар тӯли 24 соат беш аз 546 ҳазор афзуда, ба 77 17 млн нафар расид. Дар ин бора имрӯз АМИТ «Ховар» бо истинод ба Созмони умумиҷаҳонии тандурустӣ (СУТ) хабар додааст.

Тибқи маълумоти СУТ, то соати 10:00 (вақти Душанбе) -и 21-уми декабр, ба Созмон дар бораи 77.172.237 ҳолати сироятёбӣ ва 1 699 644 ҳолати фавт маълумот ворид шудааст. Шумораи сироятёфтагон 546 756 нафар, фавтидагон 7 941 нафар афзуд.

Аксари ҳолатҳои тасдиқшудаи сироятёбӣ  дар ИМА сабт шудаанд — 18 267 579. Пас аз он Ҳиндустон (10 056 248), Бразилия (7 238 600), Россия (2 848 377), Франсия (2 473 354), Британияи Кабир (2 040 147), Италия (1 953 185), Испания (1 817 448), Аргентина (1 541 285), Германия (1 514 783), Колумбия (1 507 222) ва Мексика (1 320 545) меоянд.

ДАР АКС: олами Ғарб ба гирдоби мавҷи дуюми коронавирус амиқтар фурӯ меравад.