Дар арафаи Соли нави мелодӣ ба «Маркази миллии тавонбахшии кӯдакони маъюб «Чорбоғ»» кумак расонида шуд
ДУШАНБЕ, 30.12.2020 /АМИТ «Ховар»/. 29 декабр ба муносибати фарорасии Соли нави мелодӣ роҳбарияти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон аз вазъи бошандагони Муассисаи давлатии «Маркази миллии тавонбахшии кӯдакони маъюб «Чорбоғ»» дар ноҳияи Варзоб дидан намуда, ба бошандагони муассисаи мазкур либосҳои зимистона, маводи хӯрокӣ ва туҳфаҳои идона тақдим намуданд.
Тавре аз вазорати мазкур ба АМИТ «Ховар» иттилоъ доданд, инчунин роҳбарияти вазорат дар пайравӣ аз сиёсати инсондӯстонаву иқдомоти хайрхоҳонаи Пешвои муаззами миллат муҳтарам Эмомалӣ Раҳмон аз як қатор муассисаҳои ҳифзи иҷтимоӣ, аз ҷумла Беморхонаи ҷумҳуриявии клиникии бемориҳои равонӣ, Маркази миллии бемориҳои сил, шуш ва ҷарроҳии қафаси сина, Маркази ҷумҳуриявии саломатии равонии кӯдакон ва наврасон, Муассисаи давлатии хона-интернати пиронсолон ва маъюбони ноҳияи Ёвон ва дигар муассисаҳои ҳифзи иҷтимоии шаҳру ноҳияҳои мамлакат дидан намуда, ба бошандагон туҳфаҳои солинавӣ ва маводи озуқаворӣ дастрас карданд.
Зимни боздид ва шиносоӣ аз муассисаҳои ҳифзи иҷтимоӣ зикр шуд, ки вазъи доимии зиндагонии нафарони имконияташон маҳдуд ҳамеша зери таваҷҷуҳи доимии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дорад ва назари хайрхоҳонаи Пешвои миллат намегузорад, ки дар ҳама гуна шароит табақаи имконияташон маҳдуд ва дар умум маъюбону эҳтиёҷмандон ба мушкилӣ мувоҷеҳ шаванд. Ҷиҳати боз ҳам хубтару беҳтар ба роҳ мондани хизматрасонии иҷтимоӣ ба роҳбарияти муассисаҳои мазкур дустур ва супоришҳои мушаххас дода шуд.
Маврид ба зикр аст, ки дастгирии табақаҳои ниёзманд минбаъд низ идома дода хоҳад шуд.
«ВАҲДАТИ МИЛЛӢ — АСОСИ ШУКУФОИИ ВАТАН». Таҳти ин унвон конференсияи ҷумҳуриявӣ баргузор шуд
Ҷавонони Тоҷикистон дар Форуми 6-уми «Сарварони ҷавони эҷодкори Осиёи Марказӣ ва Русия» иштирок менамоянд
Байни Тоҷикистон ва Қирғизистон Ёддошти тафоҳум оид ба ҳамкорӣ дар соҳаи ҳуқуқи инсон ба имзо расид
Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мегардад
Душанбе мизбони Форуми марказҳои таҳлилии «Осиёи Марказӣ ва Ҷумҳурии Корея» мегардад
Дар Тоҷикистон дар даҳ сол як маротиба барӯйхатгирии аҳолӣ ва фонди манзил гузаронида мешавад
Дар Ховалинг соҳибкорон аз хонаводаҳои Каримовҳо ва Одинаевҳо барои ятимону маъюбон осоишгоҳ сохтанд
Барои гирифтор нашудани кӯдакон ба бемории дарунравӣ чӣ бояд кард?
«ПЕШВОИ МИЛЛАТ – ТАШАББУСКОР ВА ТАҲКИМБАХШИ СУЛҲУ ВАҲДАТИ ҶАҲОНӢ». Дар Душанбе конференсияи ҷумҳуриявӣ баргузор шуд
ОГОҲӢ! Аз 19 то 22 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
ҚОНУНИ АВФ. Давлат ба ҳазорон шаҳрванд имконият медиҳад ба назди оилаҳои худ баргашта, ҳуқуқи худро ба зиндагии арзанда амалӣ созанд
Дар Душанбе оид ба тамоюлҳои рушди маориф дар давлатҳои ИДМ конфронси байналмилалӣ баргузор шуд
