Дар ноҳияи Ашт аз ҷониби соҳибкори маҳаллӣ майдончаи варзишӣ бунёд гардид
ДУШАНБЕ, 01.12.2020. /АМИТ «Ховар»/. Дар доираи корҳои омодагӣ ба ҷашни 30-солагии Истиқлоли давлатии Ҷумҳурии Тоҷикистон дар деҳаи Сарои Ҷамоати деҳоти Понғози ноҳия Ашт майдончаи варзишӣ мавриди истифода қарор дода шуд. Дар ин бора аз хадамоти матбуоти раиси ноҳияи Ашт ба шореҳи варзиши АМИТ «Ховар» хабар доданд.
Майдончаи варзишӣ аз ҷониби соҳибкори маҳаллӣ Маъруф Ҳоҷиматов бунёд карда шуда, масоҳати он 42 бар 22 метр аст ва барои бунёди он 400 ҳазор сомонӣ масраф гардидааст.
Раиси ноҳияи Ашт иброз дошт, ки «ҳама гуна иқдому ташаббус ва таклифу пешниҳоди мардумро дар обод намудани як гӯшаи диёр дастгирӣ намуда, баҳри амалӣ намудани он шароити мусоид фароҳам меоварем. Ба фаъолият шурӯъ намудани майдончаи нав имкон медиҳад, ки дӯстдорони варзиш минбаъд дар вақтҳои холӣ ба бозии футбол машғул шаванд. Аз тарафи дигар, майдончаҳо барои ривоҷи футбол ва таблиғи он миёни аҳолӣ мусоидат намуда, сафи дӯстдорони ин намуди варзишро афзун мегардонанд».
Ҳамзамон изҳори умедворӣ карда шуд, ки бунёди майдонҳои футболи хурд дар ноҳия Ашт дар тарғиби тарзи ҳаёти солим байни ҷавонону наврасон, ҷалби онҳо ба тарбияи ҷисмонӣ ва оммавӣ гардонидани варзиш мусоидат менамояд.
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар хоҷагиҳои шаҳри Ҳисор ҷамъоварии ҳосили пахта оғоз гардид
35 СОЛИ ИСТИҚЛОЛИ ДАВЛАТИИ ТОҶИКИСТОН. Дар ин давра соҳаи обуҳавошиносӣ марҳила ба марҳила рушд намуд
35 СОЛИ ИСТИҚЛОЛИЯТИ ДАВЛАТӢ. Аз дастовардҳои созанда то иқтисоди рақамӣ ва инноватсия
СОҲАИ САЙЁҲӢ ВА ИСТИҚЛОЛИ ДАВЛАТӢ. Тавзеҳи 35 мавзеи ҷолиб, ки Тоҷикистонро ба ҷаҳон муаррифӣ менамоянд
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 фоиз зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
