ДАР ТАЪМИНИ ГАРМӢ АЗ АНГИШТ ИСТИФОДА МЕБАРЕМ! Дар муассисаҳои иҷтимоии Муъминобод ин сӯзишвориро ба миқдори зарурӣ захира карданд
МУЪМИНОБОД, 17.12.2020 /АМИТ «Ховар»/. Муассисаҳои тандурустии ноҳияи Муъминобод барои муътадил гузаронидани фасли тирамоҳу зимистони солҳои 2020-2021 омодагии хуб дидаанд. Дар анбори беморхонаҳо ангишту ҳезум ва маводи хӯрокворӣ ба қадри кофӣ захира карда шуда, бо истифода аз он биноҳо гарм карда мешаванд.
Тавре сартабиби Беморхонаи марказии ноҳияи Муъминобод Рустам Шарифов ба хабарнигори минтақавии АМИТ “Ховар” Сулаймони Хол баён дошт, дар ноҳия 21 маркази саломатӣ ва 32 бунгоҳи тиббӣ фаъолият мекунанд, ки барои онҳо 3 тонна ангишт ва 200 куб ҳезум харидорӣ шудааст.
Дар ноҳияи Муъминобод, ки иқлимаш нисбат ба ноҳияҳои водӣ сард ва зимистонаш тӯлонист, барои гузаронидани фасли сармо ҷиддӣ омодагӣ мегиранд. Хусусан дар муассисаҳои таълимии ноҳия аз фасли тобистон ба захира намудани маводи сӯхт шурӯъ намуда, мекӯшанд аз нақшаи муайяншуда зиёд ангишту ҳезум захира намоянд.
Ба гуфтаи мудири шуъбаи маорифи ноҳияи Муъминобод Олимҷон Табаров, бо дастгирии мақомоти иҷроияи ҳокимияти давлатии ноҳияи Муъминобод имсол барои ҳамаи муассисаҳои таълимӣ зиёда аз нақша ангишту ҳезум дастрас карда шуд.
Як қисми муассисаҳои таълимӣ, ки дар даврони соҳибистиқлолӣ сохта шудаанд, вобаста ба талаботи имрӯза маркази мустақими гармидиҳӣ доранд. Аз ин рӯ дар ин муассисаҳо хароҷот камтар буда, дар биноҳои таълимӣ ҳарорати гармӣ муътадил нигоҳ дошта мешавад.
Соли 2020 зимни сафари кории Президенти мамлакат ба ноҳияи Муъминобод Муассисаи давлатии «Маркази ҷумҳуриявии барқарорсозии бемориҳои дил» мавриди истифода қарор гирифт. Ҳоло ин марказ ба шаҳрвандон хизмати тиббӣ мерасонад. Марказ бо шабакаи мустақими гармидиҳӣ таъмин буда, дар он ба қадри кофӣ ангишту ҳезум захира шудааст.
Муовини Сарвазири Тоҷикистон бо вазъи соҳаи кишоварзии шаҳри Истаравшан шинос шуд
Беш аз 700 соҳибкори Бадахшон бо дастгоҳи назоратӣ-хазинавӣ таъмин мешавад
«ПАЁМ — РОҲНАМО БАРОИ ИҶРОИ ҲАДАФҲОИ ШОИСТА». Таҳти ин унвон ҳамоиши илмӣ-назариявӣ баргузор шуд
Дар мақомоти Ваколатдор бахшида ба 32-солагии таъсиси Қувваҳои Мусаллаҳ ҳамоиши идона доир гардид
БӮЙИ БАҲОР МЕРАСАД. Тоҷикистониёнро дар ин фасл чӣ гуна ҳаво интизор аст?
Имрӯз дар шаҳри Душанбе ҳаво то 17 дараҷа гарм мешавад
Дар қисми низомӣ дар вилояти Суғд Рӯзи дарҳои кушод доир гардид
Маркази ҷумҳуриявии илмии саратоншиносӣ бо дастгоҳи муосири ташхиси рентгении рақамӣ (Digital x-ray) таъмин гардид
Таҳаввулоти рақамӣ: чӣ тавр технологияҳои рақамӣ ҳаётро тағйир медиҳанд
Имрӯз дар Тоҷикистон ҳавои тағйирёбандаи бебориш пешгӯӣ мешавад
«БА ДАВЛАТУ МИЛЛАТАМ СОДИҚОНА ХИЗМАТ МЕКУНАМ!». Дар Душанбе Фестивали дӯстии афсарону сарбозон ва ҷавонони синни даъватӣ баргузор мегардад
«КАДБОНУИ БЕҲТАРИН». Дар ноҳияи Бобоҷон Ғафуров даври ноҳиявии ин озмун баргузор гардид
