Дар як шабонарӯз зиёда аз 721 ҳазор ҳолати сирояти коронавирус дар ҷаҳон сабт шудааст
![](https://khovar.tj/wp-content/uploads/2020/12/kovid-mir-4.jpg)
ДУШАНБЕ, 18.12.2020 /АМИТ «Ховар»/. Шумораи ҳолатҳои тасдиқшудаи сирояти коронавирус дар ҷаҳон дар як шабонарӯз беш аз 721 ҳазор тан афзоиш ёфта, аз марзи 75,26 млн нафар гузашт, хабар медиҳад АМИТ «Ховар» бо истинод ба маълумоти Созмони умумиҷаҳонии тандурустӣ (СУТ), ки 18 декабр интишор ёфтааст.
То соати 10:00 (вақти Душанбе) 18 декабр ба СУТ дар бораи 75 260 831 ҳолати сироятёбӣ ва 1 667 440 ҳолати фавт маълумот ворид шудааст. Шумораи сироятёфтагон 721 756 нафар ва фавтидагон 12 830 нафар афзудааст.
Аксари ҳолатҳои тасдиқшудаи сироятёбӣ дар ИМА сабт шудаанд — 17 626 770. Аз паси он Ҳиндустон (9 977 834), Бразилия (7 111 527), Русия (2 762 668), Франсия (2 427 316), Туркия (1 955 680), Бритониёи Кабир (1 948 660), Италия (1 906 377), Испания (1 805 633), Аргентина (1 524 372), Колумбия (1 468 795), Германия (1 438 438) ва Мексика (1 277 499) қарор гирифтаанд.
АКС аз Pixabay