Имсол дар ноҳияи Ҳамадонӣ 20 ҳазор бех дарахтони сояафкану ороишӣ ва мевадиҳанда мешинонанд
ДУШАНБЕ, 15.12.2020 /АМИТ «Ховар»/. Бо ибтикори Мақомоти иҷроияи ҳокимияти давлатии ноҳияи ба номи Мир Саид Алии Ҳамадонӣ ва истифода аз обу ҳавои мусоид маъракаи ниҳолшинонӣ ва сабзазоркунӣ аз даромадгоҳи ноҳия бо шинонидани ниҳолҳо дар ду паҳлӯи шоҳроҳ оғоз гардид. Зимни ҳашар дар ду паҳлӯи шоҳроҳи мазкур беш аз 250 бех ниҳолҳои ороишӣ шинонида шуданд. Имсол мувофиқи дурнамо дар ноҳияи Ҳамадонӣ шинонидани бист ҳазор бех ниҳолҳои гуногун ба нақша гирифта шудааст.
Тавре мухбири минтақавии АМИТ “Ховар” хабар медиҳад, шоҳроҳи мазкур аз даромадгоҳ то маркази ноҳия аз ҷониби Вазорати нақлиёти Ҷумҳурии Тоҷикистон ва саҳми соҳибкорони маҳаллӣ бахшида ба ҷашни 30-солагии Истиқлоли давлатии Ҷумҳурии Тоҷикистон таъмиру навсозӣ карда шудааст. Шинонидани ниҳолҳо дар Ҷамоати деҳоти Меҳнатобод тариқи ҳашари ноҳиявӣ бо ҷалби кормандони ташкилоту корхонаҳо шурӯъ гардида, дар маркази ноҳия анҷом меёбад.
Иқлими ноҳияи Ҳамадонӣ гарм буда, сабзонидани ниҳолҳо хеле мушкил аст. Аз ин рӯ ҳар ниҳол бо тавсияи олимони соҳа ва риояи қоидаҳои агротехникӣ шинонида мешавад. Барои ҳар ниҳол дар паҳлӯи роҳ дар масофаи муайян бо истифода аз техника чуқурӣ канда, аз дигар мавзеъ хоку пору меоранд ва ба он нурии минералӣ ҳамроҳ намуда, сипас ниҳолро мешинонанд. Масъулин ба шинонидани ҳар ниҳол диққати ҷиддӣ медиҳанд ва ҳатман атрофи ниҳолҳоро нарм карда, об мерезанд. Ҳар қадар, ки намӣ зиёд бошад, нурии минералӣ ҳал шуда, ба сабзиши ояндаи ниҳолҳо кумак мерасонад.
Ниҳолшинонӣ рӯзҳои баъдӣ низ идома ёфта, ба сарсабзию хуррамӣ ва тоза шудани муҳити зист мусоидат менамояд.
«КИШВАРИ САБЗ». Дар ин парваришгоҳ зиёда аз 100 намуди гулу буттаҳои нодир ва 40 намуди ниҳоли дарахтони ороишӣ парвариш мешавад
Пешвои миллат Эмомалӣ Раҳмон аз парваришгоҳи «Кишвари сабз» боздид намуданд
ЧАРО БАЪЗЕ АЗ НИҲОЛҲОИ ШИНОНИДАШУДА ХУШК МЕГАРДАНД? Ва ё барои пешгирии ин ҳолат чӣ бояд кард?
ДАРАХТ БИНШОН! Дар Ҳисор 400 ҳазор бех ниҳоли ороишӣ, ҳамешасабз ва мевадиҳандаю сояафкан шинонида мешавад
ДАРАХТ БИНШОН! Дар шаҳри Хуҷанд ниҳолшинонӣ вусъат меёбад
Дар вилояти Суғд бо истифодаи таҷрибаи пешқадам боғҳои интенсивӣ бунёд карда мешаванд
«КАМАРБАНДИ САБЗ». Дар шафати роҳҳои мошингарди Тоҷикистон беш аз 15 ҳазор бех ниҳол шинонида шуд
ДАРАХТ БИНШОН! Дар ноҳияи Исмоилӣ Сомонӣ 840 бех дарахтони ҳамешасабз шинонида шуданд
Дар ноҳияи Фирдавсии шаҳри Душанбе беш 300 бех ниҳоли дарахтони ҳамешасабз шинонида шуд
ҲАРАКАТИ ҶУМҲУРИЯВИИ НИҲОЛШИНОНӢ. Дар вилояти Хатлон беш аз 401 ҳазор бех ниҳол шинонида шуд
НИШАСТИ МАТБУОТӢ. Чаро дар шаҳри Норак ҳамасола ниҳолҳои шинонидашуда хушк мегарданд?
ҲАРАКАТИ ҶУМҲУРИЯВИИ НИҲОЛШИНОНӢ. Дар Гулистон 9 ҳазор бех ниҳоли дарахтони ҳамешасабзу ороишӣ шинонида мешавад
