Матлубахон Сатториён ба аёдати сокини шаҳри Ҳисор, иштирокчии ҶБВ Карим Рашиди 109-сола рафт
ДУШАНБЕ, 25.12.2020 /АМИТ «Ховар»/. Муовини Сарвазири Ҷумҳурии Тоҷикистон Матлубахон Сатториён дар доираи сафари корӣ бо ҳамроҳии Раиси шаҳри Ҳисор Шарифҷон Ҷумъазода бо мақсади шиносоӣ пайдо кардан бо шароити зисти аҳолӣ, бахусус, собиқадорони ҷангу меҳнат аз деҳоти дурдасти шаҳри Ҳисор дидан намуданд. Онҳо дар деҳаи Шоҳамбарии Ҷамоати деҳоти Алмосӣ ба хонадони иштирокчии Ҷанги Бузурги Ватанӣ, собиқадори меҳнат Карим Рашиди 109-сола рафта, бо вазъи сиҳатӣ ва рӯзгораш аз наздик шинос шуданд. Ҳамзамон ӯ ва аҳли хонадонашро бо фарорасии Соли нави мелодӣ табрик намуда, аз номи Пешвои миллат муҳтарам Эмомалӣ Раҳмон туҳфаҳои идона тақдим карданд. Барои ниёзи рӯзгораш орду биринҷ, пиёзу картошка ва дигар маводи хӯрокӣ дастрас карда шуд.
Ҳайати корӣ дар идомаи сафар аз деҳаи Ҳофизкадаи ҳамин ҷамоат дидан намуда, собиқадори хизмати давлатӣ Асадулло Алиевро, ки солҳои тӯлонӣ дар вазифаҳои давлатию ҷамъиятӣ фаъолият кардааст, бо аҳли хонадону наберагонаш бо ҷашни Соли нав табрик гуфтанд. Ҳамзамон дар деҳаи Тахти Ҷамоати деҳоти Хонақоҳи Кӯҳӣ Ҳофизи халқии Тоҷикистон Комилҷон Ғаниевро, ки дар рушди фарҳангу ҳунари мардумӣ хизмати шоистаю мондагор кардааст, хабар гирифта, ба фарзандону наберагонаш туҳфаҳои идона ва барои густурдани дастурхони идонаи солинавӣ маҳсулоти хӯрокӣ тақдим намуданд.
Тибқи иттилои дафтари матбуоти раиси шаҳри Ҳисор Мақомоти иҷроияи ҳокимияти давлатии шаҳр тасмим гирифтааст, ки ин иқдомро дар арафаи ҷашни Соли нави мелодӣ ҷиҳати ғамхорӣ ба табақаҳои ниёзманди аҳолӣ, бахусус, ятимону маъюбон ва пиронсолони барҷомонда роҳандозӣ намояд.
Дар моҳи июл Тоҷикистонро чӣ гуна ҳаво интизор аст?
Дар Душанбе нахустин маротиба Рӯзи кормандони соҳаи суғуртаи иҷтимоӣ ва нафақа таҷлил гардид
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
1 ИЮЛ — РӮЗИ КОРМАНДОНИ СОҲАИ СУҒУРТАИ ИҶТИМОӢ ВА НАФАҚА. Дар солҳои соҳибистиқлолӣ андозаи нафақаҳо зиёда аз 20 маротиба зиёд карда шуд
Дар Душанбе дар мавзуи «Сиёсисозии ислом ва хатари он ба амнияти сиёсӣ ва суботи ҷомеа» ҳамоиши илмӣ доир мегардад
Маросими видоъ бо раиси марҳуми Вилояти Мухтори Кӯҳистони Бадахшон Алишер Мирзонабот баргузор гардид
ОГОҲӢ! Аз 1 то 3 июл дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Оид ба амалишавии Стратегияи миллии фаъолгардонии нақши занон дар Тоҷикистон конференсия доир шуд
Як гурӯҳ модарон бо шароити хизмати ҳарбии сарбозони яке аз қисми низомӣ дар ноҳияи Данғара шинос шуданд
Пагоҳ Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мешавад
Дар Кумита оид ба таҳсилоти ибтидоӣ ва миёнаи касбӣ бахшида ба Даҳсолаи байналмилалӣ оид ба таҳкими сулҳ ҳамоиши тантанавӣ баргузор шуд
Дар Агентии суғуртаи иҷтимоӣ ва нафақа оид ба саҳми Пешвои миллат дар пойдории сулҳ ва ваҳдати миллӣ филми ҳуҷҷатӣ намоиш дода шуд
