Сарони давлатҳои СААД имрӯз дар иҷлосия баланд намудани самаранокии созмон ва мушкилоти амниятиро баррасӣ мекунанд
ДУШАНБЕ, 02.12.2020 /АМИТ «Ховар»/. Имрӯз ҷаласаи Шӯрои амнияти дастаҷамъии Созмони Аҳдномаи Амнияти Дастаҷамъӣ (СААД) баргузор мешавад. Чорабинӣ дар шакли видеоконфронс таҳти раёсати президенти Россия Владимир Путин сурат мегирад. Тавре АМИТ «Ховар» гузориш медиҳад, дар ин бора ТАСС бо истинод ба хадамоти матбуоти Кремл хабар додааст.
«Муҳокимаи масъалаҳои ҳамкории иттифоқӣ дар доираи созмон, афзоиши минбаъдаи самаранокии СААД, инчунин табодули афкор оид ба масъалаҳои мубрами амнияти байналмилалӣ ва минтақавӣ ба нақша гирифта шудаанд, — омадааст дар иттилоияи дафтари матбуоти Кремл. — Қарорҳои калидии ҷаласа дар эъломияи ниҳоӣ ва як қатор ҳуҷҷатҳои дигар сабт хоҳанд шуд».
Қаблан вазири корҳои хориҷии Россия Сергей Лавров зикр карда буд, ки барои саммит маҷмӯи санадҳо дар соҳаи таҳкими иқтидори сулҳоварии созмон омода шудаанд. Ба гуфтаи номбурда, сухан дар бораи таъсиси созмони заминавӣ оид ба омодасозии неруҳои посдори сулҳ, дар ҳайати неруҳои посдори сулҳи СААД шомил намудани беморхонаи ҳарбии сайёри низомӣ, инчунин фароҳам сохтани шароити ҳуқуқӣ барои иштироки неруҳои посдори сулҳ дар амалиёт таҳти сарпарастии СММ меравад.
Афзалиятҳои давраи раёсати Тоҷикистон
Россия соли 2020 раёсати СААД-ро ба дӯш дошт ва дар соли 2021 раёсати он ба Тоҷикистон интиқол меёбад. Тавре ки сардори маркази матбуоти Вазорати мудофиаи Тоҷикистон Фаридун Маҳмадализода ба АМИТ «Ховар» хабар дод, афзалияти асосии давраи раёсати ҷумҳурӣ дар созмон аз ҷониби Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон муаррифӣ хоҳанд шуд.
Маҳмадализода зикр кард, ки дар доираи рӯзнома ҷониби Тоҷикистон ба татбиқи созишномаҳои қаблан ҳосилшуда ва нақшаҳои пешбинишудаи вобаста ба идораҳои мудофиа, пеш аз ҳама, оид ба таъмини амният дар кишварҳои ширкаткунанда таваҷҷуҳ хоҳад кард.
Тибқи нақшаҳои СААД, соли 2021 дар Тоҷикистон машқҳо сурат мегиранд ва баргузории онҳо бояд бо назардошти вазъи вобаста ба паҳншавии уфунати коронавирус таъмин шавад. «Инчунин самти муҳими ҳамкорӣ дар доираи созмон ҳамкории ҳарбӣ-техникӣ мебошад», — илова кард мусоҳиб.
Дар бораи созмон
Ёдовар мешавем, ки шаш давлат узви СААД мебошанд: Россия, Арманистон, Беларус, Қазоқистон, Қирғизистон ва Тоҷикистон. Соли 2013 дар Ассамблеяи Парлумонии СААД (АП) ба палатаи поёнии парлумони Сербия, палатаи поёнии парлумони Афғонистон ва Маҷлиси парлумонии Иттиҳоди Беларус ва Россия мақоми нозир дода шуд.
6 ноябри соли 2014 Шӯрои АП СААД қарор қабул кард, ки парлумонҳои Чин, Ҳиндустон, Эрон, Муғулистон ва Покистон барои ҳамкорӣ ба сифати нозир даъват шаванд.
АКС аз бойгонии АМИТ «Ховар»
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
Президенти Тоҷикистон Эмомалӣ Раҳмон: «Пиряхҳои мо танҳо манбаи об барои минтақа набуда, дар ҳифзи иқлими минтақа низ нақши муҳим мебозанд»
Пиряхҳои Тоҷикистон боигарии бебаҳои табиӣ ва сарчашмаҳои муҳими оби тоза дар Осиёи Марказӣ мебошанд
ҶОИЗАИ «ШАҲРИ СУЛҲ». Онро Душанбе барои саҳми беандоза дар таҳкими сулҳ ва арзишҳои башарӣ бо қарори ЮНЕСКО соҳиб гардид
МАСЪУЛИЯТИ ШАҲРВАНДӢ. Барои ғайриқонунӣ истифода бурдани неруи барқ ҷавобгарии ҷиноятӣ муқаррар гардид
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
Эмомалӣ Раҳмон: «Натиҷаҳои вохӯриҳои имрӯзаро мо ҳамчун пайки таҷдид ва оғози марҳилаи сифатан нав дар муносибатҳои се кишвар медонем»
Президенти Тоҷикистон: «Худдорӣ намудан аз ҳама гуна зиёдаравию исрофкорӣ вазифаи ҳар бандаи муъмин дар ҳама ҳолат, аз ҷумла дар айёми ид мебошад»
23 март-Рӯзи ҷаҳонии обуҳавошиносӣ. Дар ҳар се соат ҳавошиносони тоҷик ба Хадамоти ҷаҳонии ҳавошиносӣ маълумот пешниҳод менамоянд
