Сергей Шойгу: Мо якҷо бо ҳамтоён самтҳои рушди ҷузъи ҳарбиро дар давраи раёсати Тоҷикистон дар СААД муайян кардем
ДУШАНБЕ, 02.12.2020 /АМИТ «Ховар»/. Созмони Аҳдномаи амнияти дастаҷамъӣ (СААД) бо назардошти вазъи кунунии ҳарбӣ-сиёсӣ нақшаи ҷойгиркунии амалии неруҳои дастаҷамъии худро тағйир медиҳад. Тавре АМИТ «Ховар» бо истинод ба «РИА Новости» хабар медиҳад, дар ин бора вазири мудофиаи Россия Сергей Шойгу иттилоъ дод.
«Мо вазъи ҳарбӣ-сиёсиро дар марзҳои созмон, инчунин пешниҳодҳоро дар бораи муқовимати муштарак бо чолишҳо ва таҳдидҳо ба амнияти дастаҷамъии дорои хусусияти ҳарбӣ муфассал муҳокима кардем. Мо тасмим гирифтем, ки бо назардошти воқеиятҳои муосир санадҳои нақшаи ҷойгиркунии фаврии неруҳои дастаҷамъии вокуниши сареъро таҷдиди назар кунем», — гуфт ӯ пас аз ҷаласаи Шӯрои вазирони мудофиаи СААД.
Шойгу тазаккур дод, ки якҷо бо ҳамтоёни худ самтҳои рушди ҷузъи ҳарбиро дар давраи оянда, ки раёсат дар СААД-ро Тоҷикистон бар дӯш дорад, муайян карданд ва инчунин рушди ҳамкории ҳарбиро барои давраи панҷсола ба нақша гирифтанд.
«Дар доираи кор дар самти ташкили системаи маҷмӯии таъминоти моддию техникӣ ва тиббӣ барои истифодаи гурӯҳҳои неруҳои СААД лоиҳаи созишномаи байнидавлатиро, ки масоили мазкурро ба танзим медарорад, тасдиқ кардем», — илова кард вазири мудофиаи Россия.
Қаблан дар Маркази вокуниш ба буҳронҳои СААД конфронси илмӣ-амалӣ баргузор шуд, ки дар он масоили дастгирии тиббии неруҳои СААД (неруҳои муштарак) дар амалиёти муштарак баррасӣ шуданд.
Ёдовар мешавем, ки баргузории ҷаласаи навбатии Шӯрои Ассамблеяи парлумонии СААД моҳи марти соли 2021 дар шаҳри Душанбе ба нақша гирифта шудааст. Ин тасмимро Раиси Маҷлиси миллии Маҷлиси Олии Ҷумҳурии Тоҷикистон муҳтарам Рустами Эмомалӣ эълон карданд ва он дар XIII ҷаласаи пленарӣ, ки онлайн баргузор гардид, якдилона қабул карда шуд.
«Бо назардошти он, ки соли 2021 раёсат дар СААД ба Тоҷикистон мегузарад, пешниҳод менамоям, ки ҷаласаи навбатии Шӯрои Ассамблеяи парлумонӣ дар Душанбе баргузор шавад. Умедворам, ки вазъи эпидемиологӣ то баҳори соли оянда беҳтар хоҳад шуд ва ин ба мо имкон медиҳад, ки ҷаласаро дар ҳолати комил гузаронем», — гуфтанд Рустами Эмомалӣ.
Соли 2021 Тоҷикистон ҳамчунин ба ҳайси раисикунанда ҷаласаи ҷашнии Шӯрои сарони давлатҳои аъзои СҲШ-ро баргузор мекунад. Ҷаласаи мазкур дар Душанбе баргузор мешавад ва санаи дақиқи он ҳанӯз маълум нест.
«БА ВАТАН СОДИҚОНА ХИЗМАТ МЕКУНЕМ!». Дар Донишкадаи тарбияи ҷисмонии Тоҷикистон ҳамоиш доир шуд
Дар Душанбе нақшаи даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон пурра иҷро гардид
Байни Суди Олии Тоҷикистон ва Созмони умумиҷаҳонии моликияти зеҳнӣ Ёддошти тафоҳум оид ба ҳамкорӣ ба имзо расид
Дар Тоҷикистон нақшаи даъвати тирамоҳӣ ба сафи Қувваҳои Мусаллаҳ 84 фоиз иҷро шуд
Дар ноҳияи Исмоили Сомонии шаҳри Душанбе нақшаи даъвати ҳарбӣ 100 фоиз иҷро гардид
Намояндагони мақомоти судии Тоҷикистон ва Узбекистон дар Минск густариши муносибатҳои судӣ-ҳуқуқиро баррасӣ намуданд
Ноҳияи Шоҳмансури шаҳри Душанбе нақшаи даъвати ҳарбиро 100 фоиз иҷро намуд
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Хуҷанд 100 фоиз иҷро гардид
Машварати понздаҳуми Шурои марказии Ҷамъияти ихтиёрии мусоидат ба артиш, авиатсия ва флоти ИДМ доир шуд
Бонки миллии Тоҷикистон ҳушдор медиҳад, ки ҳангоми истифодаи хизматрасонии бонкии рақамӣ эҳтиёткор бошед
Ҷавонони шаҳри Турсунзода бо гирифтани шаҳодатномаи ронандагӣ ба хизмати ҳарбӣ рафтанд
Хадамоти ҳифзи давлатии объектҳо оид ба муҳофизати шаҳраки Ғарми ноҳияи Рашт бо нақлиёти махсуси оташнишонӣ таъмин гардид
