Ширин Амонзода ва Игор Лякин-Фролов масъалаҳои тақвияти ҳамкорӣ дар самти муҳоҷирати меҳнатиро баррасӣ намуданд
ДУШАНБЕ, 02.12.2020 /АМИТ «Ховар»/. Сафарбарии муташаккилонаи муҳоҷирони меҳнатӣ дар давраи пандемия тавассути хатсайрҳои чартерӣ ба Федератсияи Россия, таъсиси Маркази муштараки омоданамоии мутахассисони соҳаҳои мухталифи бозори меҳнат дар Тоҷикистон, таҳияи барномаи муштарак оид ба фаъолият ва буду боши муҳоҷирати меҳнатӣ, табодули таҷриба ва тақвияти ҳамкории пайвастаи мақомоти Федератсияи Россия бо намояндагии Вазорат дар Федератсияи Россия ва дигар масъалаҳои вобаста ба он 1 декабр зимни мулоқоти Вазири меҳнат, муҳоҷират ва шуғли аҳолии Ҷумҳурии Тоҷикистон Ширин Амонзода ва Сафири Фавқулода ва Мухтори Федератсияи Россия дар Ҷумҳурии Тоҷикистон Игор Лякин-Фролов мавриди муҳокима ва баррасӣ қарор гирифтанд.
Дар ин бора ба хабарнигори АМИТ «Ховар» аз маркази матбуоти Вазорати меҳнат, муҳоҷират ва шуғли аҳолии Ҷумҳурии Тоҷикистон иттилоъ доданд.
Ҳамчунин зимни мулоқот ҷонибҳо оид ба тақвияти ҳамкории муштарак ва стратегии Ҷумҳурии Тоҷикистон ва Федератсияи Россия иброз намуданд, ки муносибатҳои ҳарду давлат дар самтҳои мухталифи иқтисодию иҷтимоӣ ва маданию фарҳангӣ густариш ёфта, Тоҷикистон ва Россия шарикони стратегӣ ва боэътимоди ҳамдигар ба ҳисоб мераванд.
Дар ҷараёни вохӯрӣ ҷонибҳо масъалаҳои тақвияти ҳамкорӣ дар самти муҳоҷирати меҳнатӣ, барасмиятдарории буду бош ва иҷозати муҳоҷирони меҳнатӣ – шаҳрвандони Ҷумҳурии Тоҷикистон барои вуруд ва фаъолияти меҳнатӣ дар Федератсияи Россия, бақайдгирии оилаҳои муҳоҷирони меҳнатӣ ва фарзандони онҳо, коркарди низоми ягонаи маълумоти оморӣ оид ба фаъолият ва зиндагии муҳоҷирони меҳнатӣ дар Федератсияи Россияро таҳлилу баррасӣ намуданд.
Ҷонибҳо вобаста ба таъсиси Маркази омоданамоии мутахассисони соҳаҳои иҷтимоию иқтисодӣ дар бозори меҳнат ва сафарбарнамоии шаҳрвандон барои таъмини ҷойи кори доимӣ ба Федератсияи Россия ба тавофуқ расида, иброз намуданд, ки масъалаи мазкур барои беҳтар гардидани шароити корӣ ва таъмини муҳоҷирони меҳнатӣ бо ҷойи кори доимӣ воситаи муҳим арзёбӣ карда мешавад.
Дар фурудгоҳҳои Тоҷикистон оид ба муҳоҷирати меҳнатӣ корҳои фаҳмондадиҳӣ гузаронида мешаванд
Кумитаи Иҷроияи Марказии ҲХДТ бахшида ба Рӯзи Ваҳдати миллӣ ҳамоиши сиёсӣ баргузор намуд
Таҷассум ва густариши сиёсати инсонмеҳваронаи Пешвои миллат дар пасманзари қабули Қонуни Ҷумҳурии Тоҷикистон «Дар бораи авф»
Дар шаҳри Санкт-Петербург Форуми XIV байналмилалии ҳуқуқӣ оғоз гардид
Ваколатдор оид ба ҳуқуқи инсон дар вохӯрии машваратии ниҳодҳои миллии ҳуқуқи инсони давлатҳои аъзои СҲШ иштирок намуд
Дар Душанбе даври сеюми Форуми марказҳои таҳлилии «Осиёи Марказӣ ва Ҷумҳурии Корея» баргузор гардид
Дар соҳили Сирдарёи шаҳри Хуҷанд шиногоҳи нав ба истифода дода шуд
«ВАҲДАТИ МИЛЛӢ — АСОСИ ШУКУФОИИ ВАТАН». Таҳти ин унвон конференсияи ҷумҳуриявӣ баргузор шуд
Ҷавонони Тоҷикистон дар Форуми 6-уми «Сарварони ҷавони эҷодкори Осиёи Марказӣ ва Русия» иштирок менамоянд
РӮЗИ ХИЗМАТЧИИ ДАВЛАТӢ. Дар Тоҷикистон ташкили ин ниҳод яке аз дастовардҳои давраи соҳибистиқлолӣ мебошад
Байни Тоҷикистон ва Қирғизистон Ёддошти тафоҳум оид ба ҳамкорӣ дар соҳаи ҳуқуқи инсон ба имзо расид
Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мегардад
