ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Дар Ҳисор се иншооти ҷашнӣ ба истифода дода шуданд
ДУШАНБЕ, 18.01.2021 /АМИТ «Ховар»/. Дар доираи омодагӣ ба таҷлили ҷашни 30-солагии Истиқлоли давлатии Ҷумҳурии Тоҷикистон дар шаҳри Ҳисор бо иштироки муовини Сарвазири Ҷумҳурии Тоҷикистон Матлубахон Сатториён ва Раиси шаҳри Ҳисор Шарифҷон Ҷумъазода се иншооти ҷашнӣ- бунгоҳи тиббӣ, толори варзишӣ ва ҳавзи варзишии замонавии болопӯшида дар маросими ботантана ба истифода дода шуданд, ки барои баланд бардоштани сатҳи хизматрасонӣ ба аҳолӣ ва беҳдошти вазъи иҷтимоии сокинон мусоидат менамоянд.
Тавре аз Мақомоти иҷроияи ҳокимияти давлатии шаҳри Ҳисор ба мухбири АМИТ «Ховар» иттилоъ доданд, бунгоҳи тиббӣ дар маҳаллаи навбунёди Ганҷрези шаҳраки Шарора аз ҷониби соҳибкори маҳаллӣ Ҳусейн Абдураҳмонов бунёд гардидааст. Муовини Сарвазир ва Раиси шаҳр зимни боздид аз иншоот ба сифати кори сохтмончиён баҳои баланд дода, ташаббуси соҳибкор Ҳусейн Абдураҳмоновро ҷавонмардонаю хайрхоҳона унвон карданд. Барои ин иқдоми наҷиб соҳибкор бо Сипосномаи Раиси шаҳр сарфароз гардид.
Бунгоҳи тиббӣ аз ҳуҷра барои қабули беморон, эмгузаронӣ, доругузаронӣ ва момодоягӣ иборат буда, қаблан сокинони маҳалла барои ташхису табобат ва истифода аз ин намуд хизматрасониҳои тиббӣ 10-15 километр масофаро тай намуда, ба маркази ҷамоат ва ё шаҳр муроҷиат менамуданд.
Дар идомаи сафар муовини Сарвазири Ҷумҳурии Тоҷикистон Матлубахон Сатториён ва Раиси шаҳр Шарифҷон Ҷумъазода дар деҳаи Ҳамдилони Ҷамоати деҳоти Навобод толори варзишӣ барои футболи хурд ва ҳавзи шиноварии замонавии болопӯшидаи иборат аз ҳуҷраҳо барои буғи хушк ва дигар хизматрасониҳоро мавриди баҳрабардорӣ қарор доданд.
Иншоот аз ҷониби соҳибкор Олим Ёров ба маблағи беш аз ним миллион сомонӣ бунёд ёфта, дар он 7 нафар сокинони маҳаллӣ бо ҷои кори доимӣ таъмин гардиданд.
Муовини Сарвазири мамлакат Матлубахон Сатториён зимни супоридани Сипосномаи раиси шаҳр ба соҳибкор ба волидайнаш, ки дар маросими ифтитоҳи бино иштирок доштанд, аз номи Ҳукумати Ҷумҳурии Тоҷикистон арзи сипос намуд.
Пешвои миллат Эмомалӣ Раҳмон дар чорабинии тантанавии идона ба ифтихори ҷашни 35-солагии Истиқлоли давлатӣ дар варзишгоҳи шаҳри Кӯлоб иштирок намуданд
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба ифтихори ҷашни 35-солагии Истиқлоли давлатӣ дар варзишгоҳи шаҳри Кӯлоб
Раиси шаҳри Душанбе Рустами Эмомалӣ оромгоҳи Мир Сайид Алии Ҳамадониро зиёрат намуданд
Истифодаи таҷрибаи байналмилалӣ дар самти рушди ҳудудҳои табиии махсус муҳофизатшаванда баррасӣ шуд
Даври ниҳоии Озмуни ҷумҳуриявии «Донандаи беҳтарини асарҳои Пешвои миллат» оғоз гардид
Сарвари давлат Эмомалӣ Раҳмон барои бунёди маҷмааи нассоҷӣ дар Минтақаи озоди иқтисодии Кӯлоб санги асос гузоштанд
Пешвои миллат Эмомалӣ Раҳмон бо лоиҳаҳои роҳ ва пулҳои мошингард дар минтақаи Кӯлоб шинос шуданд
Президенти Ҷумҳурии Тоҷикистон Эмомалӣ Раҳмон ба таври фосилавӣ 17 иншоотро дар ҳудуди шаҳри Кӯлоб ифтитоҳ намуданд
Сарвари давлат Эмомалӣ Раҳмон бинои нави маъмурияти минтақаи озоди иқтисодии «Кӯлоб»-ро мавриди баҳрабардорӣ қарор доданд
Сарвари давлат Эмомалӣ Раҳмон дар минтақаи озоди иқтисодии Кӯлоб корхонаи истеҳсоли қисмҳои эҳтиётии автомобилӣ ҶДММ «Тоҷик-Алмос»-ро мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Кӯлоб марказҳои обтаъминкунӣ ва корезро ба истифода доданд
Пешвои миллат Эмомалӣ Раҳмон ба шаҳри Кӯлоб Беморхонаи хусусии ташхисию табобатии «Мирзоён»-ро ба истифода доданд
