Огоҳии Кумитаи ҳолатҳои фавқулодда аз ҳавои сарди шабона дар ВМКБ
ДУШАНБЕ, 16.01.2021 /АМИТ «Ховар»/. Агентии обуҳавошиносии Тоҷикистон огоҳ менамояд, ки шабонарӯзи наздик бо сабаби софшавии ҳаво шабона дар бештари ноҳияҳои баландкӯҳии ҷумҳурӣ ҳавои сард боқӣ мемонад. Дар баъзе ноҳияҳои шарқии вилояти Мухтори Кӯҳистони Бадахшон ҳаво шабона то -32 дараҷа хунук (дар мавзеи Булункӯл то -45 дараҷа хунук) пешгӯӣ шуда, дар роҳҳои нақлиётгарди ноҳияҳои кӯҳӣ ва баландкӯҳии мамлакат яхбандӣ аз эҳтимол дур нест.
Аз ин рӯ Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ба аҳолӣ хотиррасон менамояд, ки коҳиши ҳарорат бахусус дар роҳҳои кӯҳиву наздикӯҳӣ ва ағбаҳо хатари лағзиши тарма ва яхро дучанд мекунад. Ғайр аз ин тумани ғафс ҳам пешбинӣ мешавад.
Дар ҳамин иртибот Кумитаи ҳолатҳои фавқулода бо мақсади пешгирии садамаҳои нақлиётӣ ба ронандагон тавсия медиҳад, ки ҳарчи бештар эҳтиёткор бошанд, қоидаҳои ҳаракат дар роҳ, суръат ва фосилаи байни мошинҳоро қатъӣ риоя намоянд.
Кумита ба сокинони ноҳияҳои кӯҳӣ муроҷиат намуда, хоҳиш менамояд, ки ҳангоми чаронидани чорво эҳтиёт бошанд, наврасону кӯдаконро ба ҳезумчиниву ҳезумкашӣ нафиристанд ва ҳамагон либосҳои гарми зимистона дошта бошанд, то аз хавфи ҳаргу касалиҳои сармохӯрдагӣ эмин бошанд. Инчунин ҳангоми гарм кардани хонаҳои истиқоматӣ бо истифода аз ангишт ва печҳои барқӣ бештар эҳтиёт кунанд.
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
Лагери истироҳатию солимгардонии «Саодат» 360 кӯдакро ба истироҳат фаро гирифт
