Даҳҳо ҷангҷӯи «Боко Ҳаром» дар ҳамлаҳои ҳавоии низомии Нигерия кушта шуданд

ДУШАНБЕ, 02.01.2021 /АМИТ «Ховар»/. Даҳҳо ҷангҷӯи ташкилоти тундгарои «Боко Ҳаром» дар ҳамлаҳои ҳавоии низомии давлати Нигерия дар штати Борно шимолу шарқи ин кишвар кушта шуданд. Бино ба иттилои АМИТ «Ховар» бо истинод ба хабаргузории «Синхуа», дар ин бора як мақоми маҳаллӣ рӯзи ҷумъа хабар дод.

Дар изҳороте, ки дар ихтиёри мухбир «Синхуа» расидааст, сухангӯи низомӣ Ҷон Эненче қайд кардааст, ки низомиён рӯзи чоршанбе ба махфигоҳҳои «Боко Ҳаром» дар наздикии Тумбуни Ҷини дар Борно ҳамла карданд.

Амалиёти ҳавоӣ пас аз он шурӯъ шуд, ки «як қатор амалиётҳои назоратии ҳавоӣ нишон доданд, ки ин минтақа ҳамчун як майдони муҳофизат истифода мешавад», ки дар он баъзе сарварони ташкилоти тундгарои «Боко Ҳаром» ва ҷангиёни онҳо барои тарҳрезии ҳамлаҳо нақша мекашиданд», — гуфт Эненче.