Дар Душанбе барои хонандагони муассисаҳои таҳсилоти миёнаи умумӣ курси омӯзиши забони русӣ ташкил гардид

Январь 5, 2021 09:40

ДУШАНБЕ,05.01.2021/АМИТ «Ховар»/. Дар доираи дастуру супоришҳои Раиси шаҳри Душанбе  муҳтарам Рустами Эмомалӣ Раёсати кор бо ҷавонон ва варзиши шаҳри Душанбе   барои  хонандагони муассисаҳои таҳсилоти миёнаи умумии ноҳияҳои пойтахт курси ройгони омӯзиши забони русӣ ташкил намуд.

Тавре аз Раёсати мазкур  ба АМИТ «Ховар» хабар доданд,  ҳадаф аз баргузории курси мазкур ба омӯзиш, корҳои  муфид ҷалб намудани наврасону ҷавонон мебошад, зеро  сабаби  асосии  ба  ҳар гуна амалҳои номатлуб  даст задани онҳо ин  оворагардию беназорат мондани онҳо мебошад.

«Хусусан имрӯзҳо масъалаи  шомилшавии ҷавонон  ба ҳар гуна ҳизбу ҳаракатҳои иртиҷоӣ   боиси ташвиш гардидааст. Сабаби асосии пайдоиш ва паҳн гардидани ин гуна падидаҳои номатлуб ин албатта бехабар будан аз маърифати ҳуқуқӣ ва худшиносӣ, таълиму тарбияи нокифояи насли наврас, хусусан ҷавонон боиси шомил шудани онҳо ба ин гурӯҳҳо мегардад. Аз ин рӯ, таълиму тарбияи наврасон дар рӯҳияи худогоҳиву худшиносӣ,  ҳувияту ифтихори миллӣ, ватандӯстиву ватанпарастӣ ва барои боз ҳам мукаммал гардонидани савияи дониши онҳо яке аз вазифаҳои асосии ҷомеа  маҳсуб мешавад»,-афзуд манбаъ.

Аз ҷониби Раёсати кор бо ҷавонон ва варзиши шаҳри Душанбе   ба иштирокдорони  курси мазкур маводи конселярӣ тақсим карда шуд.

Ёдовар мешавем, ки 1 сентябри соли 2019  дар Душанбе  зимни  суханронӣ  ба ифтихори Рӯзи дониш  Президенти мамлакат, Пешвои миллат муҳтарам Эмомалӣ Раҳмон таъкид карданд, ки «Наврасон ва ҷавонон, ки мо онҳоро наслҳои ояндасози мамлакат медонем, вазифадоранд, ки ба омӯхтани илму дониш ва касбу ҳунарҳои замонавӣ ҷиддӣ машғул шаванд, ду-се забони хориҷиро мисли забони модарии худ донанд ва истифодаи технологияҳои электронии муосирро аз худ намоянд».

Январь 5, 2021 09:40

Хабарҳои дигари ин бахш

Ҷаласаи навбатии Шурои Маҷлиси намояндагон баргузор шуд
«САЙРИ МЕҲРГОН». Дар доираи ин хатсайр меҳмонони хориҷӣ бо таъриху суннатҳои ин ҷашни бостонӣ шинос шуданд
ТАНБАШАВИИ РОҲ. Барои аз байн бурдани ин мушкилӣ чӣ бояд кард?
Дар Душанбе барои таҷлили Рӯзи Президенти Ҷумҳурии Тоҷикистон омодагӣ мебинанд
«САЙРИ МЕҲРГОН». Дар Душанбе ба макони таҷлили ин ҷашн хатсайри сайёҳии ройгон ташкил карда мешавад
Дар Душанбе барои таҷлили Рӯзи Конститутсияи Ҷумҳурии Тоҷикистон омодагӣ мебинанд
ОБ ЗАХИРА НАМОЕД! Дар баъзе маҳаллаҳои шаҳри Душанбе интиқоли оби нӯшокӣ қатъ мегардад
«ШАҲРҲОИ ОЯНДА: БЕХАТАР, САБЗ ВА ҲУШМАНД». Дар ҷаласаи махсуси Форуми «Dushanbe Invest – 2025» 17 созишнома ва ёддошти тафоҳум ба имзо расид
Озмуни аксҳо таҳти унвони «Душанбе – шаҳри гулҳо ва зебоӣ» эълон гардид
То соли 2030 фаъолияти электросамокатҳо ва электроскутерҳо дар роҳҳои автомобилгарди Душанбе манъ мегардад
«KUDAK.TJ». Бо Қарори Раиси шаҳри Душанбе 20 муассисаи таҳсилоти томактабӣ ба ин барномаи иттилоотӣ пайваст гардид
Омодагӣ ба Форуми байналмилалии сармоягузории «Душанбе инвест-2025» баррасӣ шуд