Дар шаҳраки Шӯроби Исфара хатти оби тозаи нӯшокӣ кашида шуд
ДУШАНБЕ, 25.01.2021 /АМИТ «Ховар»/. Дар шаҳраки ангиштканон – Шӯроби шаҳри Исфара корҳои сохтмонии хатти оби тозаи нӯшокӣ дар масофаи 11,2 км ва бунёди 2 ҳавзи обнигаҳдории ғунҷоишашон 2000 метри мукааб ба анҷом расонида шуд.
Тавре аз мақомоти иҷроияи ҳокимияти давлатии шаҳри Исфара ба АМИТ «Ховар» иттилоъ доданд, корҳои сохтмонию васлкуниро мутахассисони ҶДММ «Наврӯз – 2003» ба зимма дошта, дар асоси лоиҳа об аз дарёи Исфара, аз деҳаи Чорқишлоқ ба дарозии 11,2 километр тавассути қубурҳои баландфишор ба шаҳраки Шӯроб интиқол дода мешавад. Барои пурсамар фаъолият намудани иншоот агрегатҳои нав харидорӣ ва насбу васл карда шудаанд.
Иҷрокунандаи вазифаи Раиси шаҳри Исфара Баҳоваддин Баҳодурзода ҳамроҳ бо муовини якуми Директори генералии Корхонаи воҳиди давлатии «Хоҷагии манзилию коммуналӣ»-и Ҷумҳурии Тоҷикистон Баҳром Саидзода зимни боздид аз шаҳраки Шӯроб бо ҷараёни корҳои сохтмонии ин иншооти ҳаётан муҳим аз наздик шинос шуда, ба масъулин вобаста ба навсозӣ ва азнавбарқароркунии хатҳои обгузари 56 бинои баландошёна ва 608 ҳавлии дар ҳудуди шаҳрак мавҷуда, яъне то ба манзили сокинон расонидани оби тоза ва иҷрои дигар корҳои ободонӣ дастурҳои мушаххас доданд.
8 январи соли 2020 Раиси вилояти Суғд Раҷаббой Аҳмадзода ва 13 январи соли 2020 Сарвазири Ҷумҳурии Тоҷикистон Қоҳир Расулзода бо мақсади мусоидат ҷиҳати ҳалли мушкилоти сокинони шаҳраки Шӯроб ба ин мавзеъ сафарҳои корӣ анҷом дода буданд. Роҳбарияти шаҳри Исфара айни замон ҳолати кунунии иншооти хусусишудаи шаҳракро мавриди омӯзишу таҳлил қарор дода, ҳамзамон барои тармим ва навсозии биноҳои истиқоматӣ, таъмини шароити зарурии зист, бунёди иншооти иҷтимоӣ, афзун гардонидани ҳаҷми истеҳсоли ангишт дар ҶСШК «Ангишт» якҷо бо идораю сохторҳои ҷумҳурӣ ва вилоятӣ чораҷӯӣ дорад.
Масъалаи норасоии оби нӯшокии сокинони шаҳрак то ҷашни байналмилалии Наврӯз пурра ҳалли мусбати худро меёбад.
Умед Бобозода ва Муҳаммад Рошид Ал-Амирӣ масоили ҳифзи ҳуқуқи инсонро баррасӣ намуданд
Бахшида ба ҷашни 35-солагии Истиқлоли давлатӣ дар шаҳри Душанбе барномаи фарҳангӣ доир шуд
Дар Душанбе ба муносибати Рӯзи кормандони соҳаи тиб ҳамоиши тантанавӣ баргузор гардид
Дар ноҳияи Восеъ бо иштироки Сарвазири Тоҷикистон иншооти иҷтимоӣ ва роҳҳои нав ба истифода дода шуданд
Эмомалӣ Раҳмон: «Ному осори Абуалӣ ибни Сино боиси сарфарозии тамоми инсоният гардидааст»
Эмомалӣ Раҳмон: «Саломатии аҳолӣ сарвати асосии давлат мебошад»
Бо дастури Пешвои миллат ба оилаи аз офати табиӣ зарардида дар Кӯлоб хонаи нави истиқоматӣ тақдим гардид
«ТАБЛИҒГАРОНИ ИСТИҚЛОЛ». Гурӯҳи тарғиботӣ — ташвиқотӣ дар ноҳияҳои Рӯдакӣ, Файзобод ва Шаҳринав дастовардҳои даврони соҳибистиқлолиро муаррифӣ намуд
Таъсиси Шурои роҳбарони мақомоти иҷрои маҷбурии кишварҳои аъзои ИДМ баррасӣ шуд
10 оилаи аз офати табиӣ зарардидаи деҳаи Баррӯшон соҳиби манзилҳои нав мешаванд
Бахшида ба Рӯзи кормандони хадамоти ҳолатҳои фавқулода ва мудофиаи гражданӣ ҳамоиши тантанавӣ доир шуд
ИМРӮЗ — РӮЗИ КОРМАНДОНИ ХАДАМОТИ ҲОЛАТҲОИ ФАВҚУЛОДА ВА МУДОФИАИ ГРАЖДАНӢ. Ҳифзи аҳолӣ аз ҳолатҳои фавқулода самти асосии фаъолияти ин ниҳод аст
