Дар Суғд ғолибони озмуни вилоятии «Оила, кӯча, маҳалла, деҳа, деҳот ва шаҳраки беҳтарин» муайян шуданд
ДУШАНБЕ, 16.01.2021 /АМИТ «Ховар»/. Дирӯз дар Суғд озмуни вилоятии «Оила, кӯча, маҳалла, деҳа, деҳот ва шаҳраки беҳтарин» ҷамъбаст ва ба ғолибон диплому мукофотпулиҳо тақдим гардид, хабар медиҳад АМИТ «Ховар» бо истинод ба Хадамоти матбуоти Раиси вилояти Суғд.
Озмуни мазкур бахшида ба 30-солагии Истиқлоли давлатӣ ва дар доираи Нақшаи чорабиниҳои марбут ба Солҳои рушди деҳот, сайёҳӣ ва ҳунарҳои мардумӣ дар вилояти Суғд озмуни вилоятии «Оила, кӯча, маҳалла, деҳа, деҳот ва шаҳраки беҳтарин» тибқи қарори Раиси вилоят Раҷаббой Аҳмадзода гузаронида шуд.
Ҳамин тариқ, тибқи баҳогузории комиссияи озмуни вилоятӣ дар бахши деҳоти беҳтарин Ҷамоати деҳоти Муҷуни ноҳияи Деваштич сазовори ҷои аввал, Ҷамоати деҳоти Оббурдони ноҳияи Мастчоҳ сазовори ҷои дуюм, Ҷамоати деҳоти ба номи Турсун Ӯлҷабоеви ноҳияи Спитамен сазовори ҷои сеюм гардиданд.
Дар бахши шаҳраки беҳтарин ҷои аввал насиби Ҷамоати шаҳраки Бӯстони ноҳияи Мастчоҳ, ҷои дуюм насиби Ҷамоати шаҳраки Зафарободи ноҳияи Зафаробод, ҷои сеюм Ҷамоати шаҳраки Шайдони ноҳияи Ашт шуд.
Дар бахши деҳаи беҳтарин деҳаи Понғози ноҳияи Ашт мақоми якум, деҳаи Ҷаҳонзеби шаҳри Конибодом мақоми дуюм ва деҳаи Дижики ноҳияи Айнӣ мақоми сеюмро ишғол карданд.
Дар бахши кӯчаи беҳтарин кӯчаи ба номи Исмоили Сомонии шаҳри Истаравшан, кӯчаи Дӯстии деҳаи Навандарсойи ноҳияи Спитамен, кӯчаи ба номи Исмоили Сомонии шаҳраки Бӯстони ноҳияи Мастчоҳ соҳиби ҷойҳои якум, дуюм ва сеюм шуданд.
Дар бахши маҳаллаи беҳтарин маҳаллаи Мусаффои деҳоти Унҷии ноҳияи Бобоҷон Ғафуров, маҳаллаи якуми шаҳри Гулистон ва маҳаллаи Тиллокони шаҳри Хуҷанд мутаносибан ҷойҳои якум, дуюм ва сеюмро соҳиб гардиданд.
Дар бахши оилаи беҳтарин ҷои аввалро оилаи Ғуломҷон Тӯрабоев аз деҳоти Деҳмойи ноҳияи Ҷаббор Расулов, ҷои дуюмро оилаи Мусаббехон Бобоҷонова аз шаҳри Хуҷанд ва ҷои сеюмро оилаи Нозимҷон Усмонов аз деҳоти Ёваи ноҳияи Бобоҷон Ғафуров ба даст оварданд.
Ба ғолибони озмун аз тарафи Раиси вилояти Суғд Раҷаббой Аҳмадзода диплому вимпел ва мукофотпулиҳо супорида шуданд. Аз ҷумла, ғолибони бахши Ҷамоати деҳот ва шаҳраки беҳтарин мутаносибан бо 6000 сомонӣ, 4000 сомонӣ ва 2000 сомонӣ, деҳаи беҳтарин бо 4000 сомонӣ, 3000 сомонӣ, 2000 сомонӣ, кӯчаи беҳтарин бо 4000 сомонӣ, 3000 сомонӣ, 2000 сомонӣ, маҳаллаи беҳтарин бо 4000 сомонӣ, 3000 сомонӣ, 2000 сомонӣ ва оилаи беҳтарин бо 3000 сомонӣ, 2000 сомонӣ ва 1000 сомонӣ сарфароз гардонида шуданд.
АКСҲО аз Хадамоти матбуоти Раиси вилояти Суғд
Дар доираи сафари кории Сарвари давлат дар Бадахшон 17 бунгоҳи тиббӣ ба истифода дода шудааст
Эмомалӣ Раҳмон: «Ба Бадахшон ҳамагӣ 50 ҳазор сайёҳони хориҷӣ омадаанд, ки хеле кам аст»
Президенти Тоҷикистон вобаста ба таъмир ва сохтмони муассисаҳои нави таълимӣ дар Бадахшон дастур доданд
Сафари кории Сарвари давлат Эмомалӣ Раҳмон ба шаҳру ноҳияҳои Вилояти Мухтори Кӯҳистони Бадахшон ба анҷом расид
Дар Бадахшон 72 иншооти соҳаи тандурустӣ то ҷашни 35-солагии Истиқлоли давлатӣ бунёду навсозӣ мегардад
Эмомалӣ Раҳмон: «Дар солҳои соҳибистиқлолӣ аз ҳисоби буҷети ҷумҳуриявӣ беш аз 2,5 миллиард сомонӣ барои сари вақт пардохт намудани маошу нафақа ва ҳалли дигар масъалаҳои мубрами аҳолии ВМКБ маблағгузорӣ карда шудааст»
Пешвои миллат Эмомалӣ Раҳмон дар шаҳри Хоруғ бо роҳбарон ва фаъолони Вилояти Мухтори Кӯҳистони Бадахшон мулоқот намуданд
Суханронии Президенти Ҷумҳурии Тоҷикистон Эмомалӣ Раҳмон дар мулоқот бо роҳбарон ва фаъолони Вилояти Мухтори Кӯҳистони Бадахшон
Суханронии Президенти Ҷумҳурии Тоҷикистон Эмомалӣ Раҳмон дар варзишгоҳи шаҳри Хоруғ
Президенти Тоҷикистон Эмомалӣ Раҳмон дар шаҳри Хоруғ дар тантанаҳои ҷашни 33-солагии Истиқлоли давлатӣ иштирок ва суханронӣ намуданд
Сарвари давлат Эмомалӣ Раҳмон дар шаҳри Хоруғ ба ятимони кул туҳфаҳо тақдим намуданд
Сокинони ноҳияи Шаҳристон бар ивази маблағи ҳаҷ деҳаҳоро обод менамоянд
