Вакилони Маҷлиси намояндагон бо фаъолзанон ва кормандони Маркази саломатии шаҳри Ҳисор вохӯрӣ намуданд
ҲИСОР, 05.01.2020 /АМИТ «Ховар»/. Вакилони Маҷлиси намояндагони Маҷлиси Олии Ҷумҳурии Тоҷикистон Сурайё Уроқова ва Ғиёсиддин Ашӯров бо фаъолзанон ва кормандони Маркази саломатии шаҳри Ҳисор вохӯрӣ намуданд. Дар ин бора масъулини шаҳри Ҳисор ба хабарнигори минтақавии АМИТ «Ховар» иттилоъ доданд.
Вакилони Маҷлиси намояндагон дар ин ҷамъомадҳо дар бораи қонунҳо ва санадҳои ҳуқуқие, ки дар Маҷлиси намояндагони Маҷлиси Олии Ҷумҳурии Тоҷикистон соли 2020 қабул шудаанд, маълумоти муфассал дода, изҳор намуданд, ки қонуну санадҳои қабулшуда вобаста ба сиёсат, иқтисод ва иҷтимоиёти ҷомеа ба рушди ҷомеаи демократӣ, манфиати шаҳрвандони Ҷумҳурии Тоҷикистон ва таъмини зиндагии шоистаи онҳо нигаронида шудаанд.
Ҳамчунин доир ба ҳолатҳои пешомадаи сиёсӣ ва иқтисодию иҷтимоӣ бар асари паҳншавии бемории COVID-19 дар ҷаҳон, тағйирёбии иқлим, сард омадани зимистони соли 2021 ва пайомадҳои манфии он ба ҷаҳон ва давлати мо дар асоси таҳлилҳои коршиносони сатҳи байналмилалию нишондиҳандаҳои оморӣ сухан гуфтанд.
Вакилон таъкид карданд, ки моро зарур аст аз неруи барқ оқилонаю сарфакорона истифода намуда, аз воситаҳои алтернативии гармидиҳӣ истифода карда, ба масрафи беҳудаи он роҳ надиҳем.
Намояндагони халқ инчунин оид ба масъалаҳои истифодаи самараноки заминҳои наздиҳавлигӣ, захираи зарурии маводи хӯрокӣ барои зимистон, танзими нархи маҳсулот дар бозору мағоза, тарбияи насли наврас дар рӯҳияи ватандӯстӣ, нигоҳ доштани анъанаҳои миллӣ, танзими анъана ва ҷашну маросим, пешгирӣ аз хатари экстремизму терроризм ва дигар амалҳои номатлуб, бемориҳои сироятӣ, хифзи шаъну эътибори мамлакат дар шабакаҳои иҷтимоӣ ва ғайраҳо бо иштирокчиёни ҷамъомадҳо суҳбат намуда, ба онҳо маслиҳатҳои судманд доданд.
Вакилон ҳамзамон риояи талаботи қонунҳои миллӣ- Қонуни Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон» ва «Дар бораи масъулияти падару модар дар таълиму тарбияи фарзанд»-ро дар зиндагӣ муҳим арзёбӣ намуданд.
ПАРЛАМЕНТ ВА ДИПЛОМАТИЯИ МИЛЛӢ: 35 СОЛИ ТАҶРИБАИ ДАВЛАТДОРИИ МУСТАҚИЛИ ТОҶИКИСТОН. Андешаҳои муовини Раиси Маҷлиси намояндагон Мавсума Муинӣ
Дилноза Аҳмадзода: «Истиқлолият заминаи асосии таҳкими давлатдории миллӣ ва рушди Тоҷикистон гардид»
Файзалӣ Идизода сокинони Сангворро ба гиромӣ доштани дастовардҳои Истиқлоли давлатӣ даъват намуд
35 СОЛИ СОҲИБИСТИҚЛОЛӢ. Марҳилаи пур аз рӯйдодҳои муҳим, созандагӣ ва дастовардҳои беназири Тоҷикистон
Вакилони Маҷлиси намояндагон ба фаъолони ноҳияҳои Исмоили Сомонӣ ва Шоҳмансури пойтахт моҳияти Истиқлоли давлатиро шарҳ доданд
Муовини якуми Раиси Маҷлиси намояндагон бо фаъолони шаҳри Панҷакент вохӯрӣ намуд
Файзалӣ Идизода бо аскарону афсарон ва фаъолони ноҳияи Сангвор вохӯрӣ намуд
Вохӯрии вакили Маҷлиси намояндагон бо кормандони Раёсати Вазорати корҳои дохилӣ дар шаҳри Душанбе доир шуд
Дастовардҳои соҳаи маориф дар солҳои Истиқлолияти давлатӣ дар шаҳри Ҳисор баррасӣ шуданд
Вакили Маҷлиси намояндагон бо фаъолони ноҳияи Шамсиддин Шоҳин вохӯрӣ намуд
Вакилони Маҷлиси намояндагон бо фаъолони ноҳияи Фирдавсӣ вохӯрӣ намуданд
Вакили Маҷлиси намояндагон бо кормандони соҳаи тандурустии шаҳри Ҳисор вохӯрӣ намуд
