КИ ҲХДТ дар Суғд қариб ба 900 оилаи ниёзманд беш аз 22 тонна ангишт тақсим намуд
ДУШАНБЕ, 14.01.2021. /АМИТ «Ховар»/. Давоми ҳафтаи сипаригашта дар вилояти Суғд ба 886 оилаҳои ниёзманд 22 тоннаву 600 кг ангишт ва 379 метри кубӣ ҳезум ройгон тақсим карда шуд. Ин кумак аз ҷониби масъулини бахши суғдии Кумитаи иҷроияи Ҳизби Халқии Демократии Тоҷикистон дар якҷоягӣ бо 16 кумитаи иҷроияи он дар шаҳру навоҳии вилоят, вакилони халқӣ, шахсони саховатманд ва мақомоти иҷроияи ҳокимияти давлатӣ бо мақсади таъмини оилаҳои ниёзманду дорои шахсони маъюб дар рӯзҳои сарди зимистон бо маводи сӯзишворӣ, чун ангишт ва ҳезум расонида шуд.
Дар ин бора мудири шуъбаи рушди иҷтимоӣ ва робита бо ҷомеаи дастгоҳи КИ ҲХДТ дар вилояти Суғд Мутрибахон Бобоҷонова ба хабарнигори минтақавии АМИТ «Ховар» хабар дод.
Вобаста ба якбора сард шудани ҳаво, пеш омадани зарурати маҳдудияти дубораи интиқоли барқ ва дар доираи Муроҷиатномаи ширкати «Барқи Тоҷик» вобаста ба истифодаи сафакоронаи неруи барқ роҳбарияти Кумитаи иҷроияи Марказии ҲХДТ ва кумитаои иҷроияи шаҳру навоҳии вилояти Суғд иқдом гирифтанд, ки дар баробари бурдани корҳои ташвиқу тарғиби фарҳанги истифодаи неруи барқ ҳамзамон ба оилаҳои ниёзманд ройгон ҳезуму ангишт тақсим намоянд. Аз ҷумла, аз 8 то 12 январ дар доираи бурдани корҳои тарғиботиву ташвиқотӣ сокинони шаҳру ноҳияҳо даъват карда шуданд, ки ҳангоми гармкунӣ ва омода кардани хӯрок аз манбаҳои дигари сӯзишворӣ- ҳезуму ангишт истифода намоянд.
Давоми ҳафтаи гузашта дар доираи иқдоми зерин дар ноҳияи Зафаробод ба 26 оила, Ҷаббор Расулов — 24 оила, Деваштич — 20 оила, Ашт ва Спитамен — 10 оила, Б. Ғафуров ва Кӯҳистони Мастчоҳ — 4 оилагӣ, Истаравшан- 718 оила, Бӯстон — 30 оила, Хуҷанд — 15 оила, Конибодом — 8-оила, Панҷакент — 6 оила, Исфара — 5 оила, Истиқлол ва Гулистон ба 2-оилагӣ маводи сӯхт тақсим гардид.
-Кумитаи иҷроияи ҲХДТ дар вилояти Суғд минбаъд низ дар ҳамкорӣ бо КИ ҲХДТ дар шаҳру ноҳияҳо, мақомоти маҳалливу соҳибкорон ва шахсони саховатманд баҳри пешгирии исрофкориву талафоти барқ ва ҳамзамон кумак расонидан ба оилаҳои ниёзманд байни аҳолӣ тарғиби фарҳанги истифодаи барқро тақвият мебахшад,- афзуд М.Бобоҷонова.
1 ИЮЛ — РӮЗИ КОРМАНДОНИ СОҲАИ СУҒУРТАИ ИҶТИМОӢ ВА НАФАҚА. Дар солҳои соҳибистиқлолӣ андозаи нафақаҳо зиёда аз 20 маротиба зиёд карда шуд
Дар Душанбе дар мавзуи «Сиёсисозии ислом ва хатари он ба амнияти сиёсӣ ва суботи ҷомеа» ҳамоиши илмӣ доир мегардад
Маросими видоъ бо раиси марҳуми Вилояти Мухтори Кӯҳистони Бадахшон Алишер Мирзонабот баргузор гардид
ОГОҲӢ! Аз 1 то 3 июл дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Оид ба амалишавии Стратегияи миллии фаъолгардонии нақши занон дар Тоҷикистон конференсия доир шуд
Як гурӯҳ модарон бо шароити хизмати ҳарбии сарбозони яке аз қисми низомӣ дар ноҳияи Данғара шинос шуданд
Пагоҳ Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мешавад
Дар Кумита оид ба таҳсилоти ибтидоӣ ва миёнаи касбӣ бахшида ба Даҳсолаи байналмилалӣ оид ба таҳкими сулҳ ҳамоиши тантанавӣ баргузор шуд
Дар Агентии суғуртаи иҷтимоӣ ва нафақа оид ба саҳми Пешвои миллат дар пойдории сулҳ ва ваҳдати миллӣ филми ҳуҷҷатӣ намоиш дода шуд
Дар Кумитаи кор бо занон ва оила бахшида ба қабули қатъномаи Даҳсолаи байналмилалӣ оид ба таҳкими сулҳ барои наслҳои оянда ҳамоиш доир шуд
«ПЕШВОИ МИЛЛАТ — ПЕШВОИ СУЛҲ ВА ТАШАББУСКОРИ ИҚДОМҲОИ ҶАҲОНӢ». Таҳти ин унвон ҳамоиши ҳизбиён баргузор гардид
Раиси Кумитаи кор бо занон ва оилаи Тоҷикистон дар Форуми занони Созмони ҳамкории Шанхай иштирок намуд
