КОРОНАВИРУС ДАР ҶАҲОН. Дар як шабонарӯз беш аз 470 ҳазор ҳолати сироятёбӣ ба қайд гирифта шуд

ДУШАНБЕ, 02.01.2021 /АМИТ «Ховар»/. Шумори ҳолатҳои тасдиқшудаи сирояти коронавирус дар ҷаҳон дар тӯли 24 соат беш аз 561 ҳазор афзоиш ёфт ва аз 84,36 миллион нафар гузашт, хабар медиҳад АМИТ Ховар бо истинод ба маълумоти Созмони умумиҷаҳонии Тандурустӣ (СУТ), ки рӯзи 2 январ нашр шуд.

Ба ҳолати соати 10:00 (ба вақти Душанбе)-и 2 январ, ба СУТ дар бораи 84 362 158  нафар  сироятёфтагон (+561,917 дар як шабонарӯз) ва 1 834 524 (+9,506 дар як шабонарӯз) фавт маълумот расид.

Тибқи иттилои СУТ, шумораи зиёди ҳолатҳои тасдиқшудаи сироят дар ИМА ба қайд гирифта шудааст —20 617 346. Баъд аз он Ҳиндустон (10 303 409), Бразилия (7 700 578), Россия (3 186 336), Франсия (2 639 773), Британияи Кабир (2 542 065), Туркия (2 220 855), Италия (2 129 376), Испания (1 936 718), Германия (1 762 504), Колумбия (1 654 880), Аргентина (1 629 594) ва Мексика (1 426 094) ҷойгир мебошанд.